ជាតិ
លោក ឃួង ស្រេង បញ្ជាឲ្យអាជ្ញាធរបង្ក្រាបល្បែងស៊ីសង តាមប្រព័ន្ធអនឡាញ អភិបាលរាជធានីភ្នំពេញ លោក ឃួង ស្រេង
× ភ្នំពេញ៖ អភិបាលរាជធានីភ្នំពេញ លោក ឃួង ស្រេង បញ្ជាឲ្យសមត្ថកិច្ច និងអាជ្ញាធរពាក់ព័ន្ធ ចុះបង្ក្រាបគ្រប់ល្បែងស៊ីសង តាមប្រព័ន្ធអនឡាញ ក្នុងភូមិសាស្ត្ររាជធានីភ្នំពេញ ។លោក ឃួង ស្រេង ចាត់ទុកទីតាំងល្បែងភ្នាល់គ្នា តាមប្រព័ន្ធអនឡាញទាំងនោះ ជាកន្លែងប្រមូលផ្ដុំជនល្មើសលួចប្លន់ និងប្រើប្រាស់គ្រឿងញៀនជាដើម។
បើតាមហ្វេសប៊ុករដ្ឋបាលរាជធានីភ្នំពេញ ដែលបានស្រង់សម្តីលោក ឃួង ស្រេង បានបញ្ជាក់ដូច្នេះ៖« បង្ក្រាបគ្រប់ល្បែងហ្គេមស៊ីសងតាមប្រព័ន្ធOnline ជ្រកក្រោមរូបភាពទីតាំងអ៊ិនធឺណេត (Internet cafe ឬ ណេត ២៤H ) ទាំងអស់ ទោះជាម្ចាស់អាជីវកម្មមានច្បាប់អនុញ្ញាតបើកទីតាំង Internet ក៏ដោយ ព្រោះថាល្បែងហ្គេមស៊ីសងតាមប្រព័ន្ធOnline គឺជាល្បែងបំផ្លាញការសិក្សារបស់កុមារ និងយុវជន ហើយទីនោះក៏ជាកន្លែងប្រមូលផ្តុំនូវការប្រើប្រាស់គ្រឿងញៀន និងជនល្មើស លួច-ឆក់ផងដែរ»៕
Tag:
ឃួង ស្រេង
ល្បែងអនឡាញ
© រក្សាសិទ្ធិដោយ thmeythmey.com