កីឡាជាតិ
ជាតិ
Homeless World Cup៖ កម្ពុជាបានលេខ២ ពាន KNIF Globe សកម្មភាពក្រុមកម្ពុជាប្រកួតជាមួយអាល្លឺម៉ង់នៅវគ្គផ្តាច់ព្រ័ត្រលើទីលាននៅទីក្រុងអូស្លូប្រទេសន័រវែស, រូបភាពពីហ្វេសប៊ុក Happy Football Cambodia Australia
× ក្រុមកីឡាបាល់ទាត់គ្មានផ្ទះសម្បែងកម្ពុជាទទួលបានចំណាត់លេខ២ពីការប្រកួតដណ្តើមពានរង្វាន់ KNIF Globe នៃព្រឹត្តិការណ៍ Homeless World Cup 2017 ក្រោយចាញ់អាល្លឺម៉ង់ក្នុងលទ្ធផល ៥-៣ នាការប្រកួតផ្តាច់ព្រ័ត្រកាលពីល្ងាចថ្ងៃទី៥ ខែកញ្ញា នៅទីក្រុងអូស្លូ ប្រទេសន័រវែស។
KNIF Globe ជាពានដែលគេបង្កើតឡើងដើម្បីលើកទឹកចិត្តដល់ក្រុមកីឡាករដែលបានបាត់បង់ឱកាសឡើងទៅប្រជែងដណ្តើមពានរង្វាន់ Homeless World Cup 2017 ពោលគឺសម្រាប់ក្រុមចំណាត់ថ្នាក់ពីលេខ៣៣ដល់៤០។ សម្រាប់ការប្រកួតដណ្តើមពានរង្វាន់នេះ កម្ពុជាក្រោយចាញ់អាល្លឺម៉ង់ ៥-៣ នៅវគ្គផ្តាច់ព្រ័ត្រទទួលតំណែងជាជើងឯករងប្រចាំពាននេះ។
មុនធ្លាក់មកលេងក្នុងពាន KNIF Globe ដែលជាពានរង្វាន់លំដាប់ទី៥ប្រចាំប្រព្រឹត្តិការណ៍ Homeless World Cup 2017 ដែលរៀបចំនៅទីក្រុងអូស្លូប្រទេសន័រវែស បន្ទាប់ពីក្រុមបាល់ទាត់គ្មានផ្ទះសម្បែងកម្ពុជាបានធ្លាក់ជាបន្តបន្ទាប់ក្នុងវគ្គជម្រុះ Stage 1 និង Stage 2។
លទ្ធផលជាបន្តបន្ទាប់របស់កម្ពុជាក្នុងពូល C (Homeless World Cup-Stage 1)
- កម្ពុជា ៧ - ៥ កូរ៉េខាងត្បូង
- កម្ពុជា ៥ - ៣ អាល្លឺម៉ង់
- កម្ពុជា ៤ - ៥ អ៊ីតាលី
- កម្ពុជា ១ - ១០ ម៉ិកស៊ិក
- កម្ពុជា ២ - ១០ រូម៉ានី
ចំណាត់ថ្នាក់ពូល C (Homeless World Cup-Stage 1)
- ម៉ិកស៊ិកលេខ១(១៥ពិន្ទុ)
- រូម៉ានីលេខ២(១២ពិន្ទុ)
- អ៊ីតាលីលេខ៣(៩ពិន្ទុ)
- កម្ពុជាលេខ៤(៦ពិន្ទុ)
ដោយសារកម្ពុជាឈរត្រឹមចំណាត់ថ្នាក់លេខ៤ប្រចាំពូល C នាំឲ្យកម្ពុជាមួយនេះបាត់បង់ឱកាសឡើងទៅប្រជែងដណ្តើមពានរង្វាន់ Homeless World Cup 2017។ ទោះបីយ៉ាងនេះក្តី កម្ពុជាត្រូវបន្តប្រជែងក្នុងពានរង្វាន់ Homeless World Cup-Stage 2។
លទ្ធផលជាបន្តបន្ទាប់របស់កម្ពុជាក្នុងពូល F (Homeless World Cup-Stage 2)
- កម្ពុជា ៤ - ២ ហ្វាំងឡង់
- កម្ពុជា ៥ - ១ កូរ៉េខាងជើង
- កម្ពុជា ០ - ៦ ស្កុតឡែន
- កម្ពុជា ០ - ៥ ហុងគ្រី
ចំណាត់ថ្នាក់ពូល F (Homeless World Cup-Stage 2)
- ស្កុតឡែនលេខ១(១២ពិន្ទុ)
- ហុងគ្រីលេខ២(៩ពិន្ទុ)
- កម្ពុជាលេខ៣(៦ពិន្ទុ)
តាមរយៈលទ្ធផលនេះកម្ពុជាមិនអាចឡើងទៅប្រជែងដណ្តើមពានរង្វាន់នៅ Stage 2 នេះបានឡើយ ដោយកម្ពុជាត្រូវធ្លាក់ទៅប្រជែងដណ្តើមពានរង្វាន់ KNIF Globe ដែលកម្ពុជាជាម្ចាស់ជើងឯក្រោយយកឈ្នះអាល្លឺម៉ង់ ២-១ នៅវគ្គផ្តាច់ព្រ័ត្រ។
ចំណាត់ថ្នាក់តាមពាននីមួយៗនៃព្រឹត្តិការណ៍ Homeless World Cup 2017
- ពាន Homeless World Cup (សម្រាប់ក្រុមពីលេខ១-៨)
- ប្រេស៊ីលម្ចាស់ជើងឯកក្រោយឈ្នះម៉ិកស៊ិក ៤-៣ នៅវគ្គផ្តាច់ព្រ័ត្រ
- រុស្ស៊ីលេខ៣ក្រោយឈ្នះស៊ីលី ៥-៣
- ពាន Salvation Army Plate (សម្រាប់ក្រុមពីលេខ ៩-១៦)
- អូស្ត្រាលីម្ចាស់ជើងឯកក្រោយឈ្នះប៊ុលហ្គារី ៥-២ នៅវគ្គផ្តាច់ព្រ័ត្រ
- រូម៉ានីលេខ៣ក្រោយឈ្នះអៀរឡង់ខាងជើង ៩-៥
- ពាន City Oslo Bowl (សម្រាប់ក្រុមពីលេខ ១៧-២៤)
- ដាណឺម៉ាកម្ចាស់ជើងឯកក្រោយឈ្នះឥណ្ឌា ៤-២ នៅវគ្គផ្តាច់ព្រ័ត្រ
- ស៊ីមបាវ៉េលេខ៣ក្រោយឈ្នះស្វីស ៧-៦
- ពាន New Balance Shield (សម្រាប់ក្រុមពីលេខ ២៥-៣២)
- ស្កុតឡែនម្ចាស់ជើងឯកក្រោយឈ្នះហ្គ្រើណាដ ៥-១ នៅវគ្គផ្តាច់ព្រ័ត្រ
- អាមេរិកនិងបារាំងបានលេខ៣ស្ទួនក្រោយរក្សាលទ្ធផលស្មើ ៤-៤
- ពាន KNIF Globe (សម្រាប់ក្រុមពីលេខ ៣៣-៤០)
- អាល្លឺម៉ង់ម្ចាស់ជើងឯកក្រោយឈ្នះកម្ពុជា ៥-៣ នៅវគ្គផ្តាច់ព្រ័ត្រ
- វែលលេខ៣ក្រោយឈ្នះអ៊ីស្រាអែល ៧-៥ ៕
Tag:
បាល់ទាត់
Homeless World Cup
© រក្សាសិទ្ធិដោយ thmeythmey.com