ពីនេះ ពីនោះ
ព័ត៍មានសុខភាព
សញ្ញាព្រមានលើកុមារដែលកំពុងតែមានបញ្ហាស្តាប់មិនលឺសម្លេង
× សមត្ថភាពស្តាប់លឺសម្លេងរបស់កុមារគឺជាផ្នែកមួយដ៏ធំនៃមូលដ្ឋានគ្រឹះនៃការរៀនចេះដឹងរបស់គេ។ ការពិនិត្យរកមើលការស្តាប់លឺគឺជារឿងដ៏សំខាន់មួយដើម្បីច្បាស់ថា កូនមានបញ្ហាស្តាប់មិនលឺឬអត់ ប៉ុន្តែឪពុកម្តាយក៏ត្រូវដឹងអំពីសញ្ញាព្រមាននៃការស្តាប់មិនលឺរបស់កុមារដែរ។
សញ្ញានៃការស្តាប់មិនលឺសម្លេងអាចមានលក្ខណៈខុសៗគ្នាទៅតាមក្មេងម្នាក់ៗ ហើយការដែលពិការលើការស្តាប់អាចនឹងប្រែប្រួលផងដែរ។ យ៉ាងណាមិញ សញ្ញាព្រមានអាចមិនធ្វើឲ្យបារម្ភនោះទេ (កូនអាចគេងបញ្ចេញសម្លេងលឺៗ ឈឺក្នុងពោះ ឬមិនអាចបាត់យំពេលបំពេរ) ប៉ុន្តែអ្នកក៏ត្រូវតែទាក់ទងទៅពេទ្យកុមារដើម្បីវាយតម្លៃដែរបើសិនជាមានសញ្ញាភ្លើងក្រហមដូចខាងក្រោមនេះ៖
កូនទើបនឹងកើតដល់បីខែ
• មិនឆ្លើយតបភ្លាមៗទៅនឹងសម្លេងដែលលឺៗ
• មិនឆ្លើយតបនឹងសម្លេង ចម្រៀង ឬអ្វីដែលគេនិយាយ
• មិនបាត់យំពេលគេច្រៀងបំពេរ ឬលួតលោម
• មិនមានចលនា ឬភ្ញាក់នៅពេលលឺសម្លេងដែលនៅជិត
• ដល់អាយុបាន ២ខែ មិនអាចបង្កើតសម្លេង “អូ” បាន
• ដល់អាយុបាន ២ខែ មិនអាចលួងលោមឲ្យបាត់យំនៅពេលលឺសម្លេងដដែលៗ
អាយុ ៤ ទៅ៨ខែ
• មិនងាក់ក្បាល ឬភ្នែកទៅរកសម្លេងដែលគេមិនអាចមើលឃើញ
• មិនផ្លាស់ប្តូរទឹកមុខនៅពេលលឺសម្លេង ឬពេលគេស្ថិតក្នុងស្ថានភាពស្ងៀមស្ងាត់
• មិនហាក់បីដូចជាពេញចិត្តនឹងសម្លេងផ្សេងៗដែលក្មេងដទៃចូលចិត្ត
• ដល់ពេលអាយុ ៦ខែ មិនព្យាយាមស្និទ្ធស្នាលនឹងសម្លេង
• មិនចាប់ផ្តើមងាក់រកអ្នកដែលបញ្ចេញសម្លេងដាក់
• ហាក់បីដូចជាលឺសម្លេងដែលអ្នកដទៃមិនលឺ
• ហាក់បីដូចជាយកចិត្តទុកដាក់តែលើសម្លេងញ័រ
អាយុ ៩ទៅ១២ខែ
• មិនងាក់រកលឿនទៅរកសម្លេងដែលមានភាពស្រទន់
• មិនឆ្លើយតបនឹងការហៅឈ្មោះខ្លួនឯង
• មិនចេះបង្កើតសម្លេងខុសៗគ្នាដោយខ្លួនឯងសោះ
• មិនឆ្លើយតបនឹងចម្រៀងតាមរយៈការស្តាប់ ឬច្រៀងតាម
• នៅអាយុ១ឆ្នាំ មិននិយាយពាក្យ ប៉ា ឬម៉ាក់
• នៅអាយុ១ឆ្នាំ មិនចេះបញ្ចេញសូរសម្លេងខុសៗគ្នា
• មិនយល់នូវពាក្យដែលគេនិយាយជាទូទៅៗដូចជា “មឹម អើច អេញ”៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com