អន្តរជាតិ
សម្ដេចប៉ាប ហ្វ្រង់ស៊ីស ហៅអ្នកមិនអើពើនឹងការប្រែប្រួលអាកាសធាតុជាមនុស្សល្ងង់
×![]()
សម្ដេចប៉ាប ហ្វ្រង់ស៊ីស បានរិះគន់អ្នកមិនអើពើនឹងបម្រែបម្រួលអាកាសធាតុថាជាមនុស្សល្ងង់ និងរឹងរូស។ សម្ដេចប៉ាបរិះគន់ដូចនេះស្របពេលដែលខ្យល់ព្យុះ Irma បានវាយប្រហារអាមេរិក ម៉ិកស៊ិក និងតំបន់ការ៉ាអ៊ីប ដែលធ្វើឲ្យមនុស្សស្លាប់និងការខូចខាតយ៉ាងខ្លាំង។ សម្ដេចប៉ាបបានអះអាងថា អ្នកដែលមិនជឿនឹងបម្រែបម្រួលអាកាសធាតុ អាចទៅសួរអ្នកវិទ្យាសាស្ដ្របាន។
ក្នុងអំឡុងពេលត្រលប់មកពីដំណើរទស្សនកិច្ចនៅកូឡុំប៊ីវិញ សម្ដេចប៉ាប ហ្វ្រង់ស៊ីស បានធ្វើសន្និសីទកាសែតលើយន្តហោះ ដោយបានរិះគន់យ៉ាងចាស់ដៃលើអ្នកមិនអើពើនឹងការប្រែប្រួលអាកាសធាតុ។ ប្រមុខវិហារគ្រិស្តកាតូលិក រិះគន់បែបនេះបន្ទាប់ពីខ្យល់ព្យុះ Irma បានបង្កវិនាសកម្មនៅអាមេរិក ម៉ិកស៊ិក និងការ៉ាអ៊ីប ហើយបង្កឲ្យមានការខូចខាតយ៉ាងដំណំនិងមនុស្ស៣៨នាក់ស្លាប់។
សម្ដេចប៉ាបFrancisបានបន្ថែមថា អ្នកមិនជឿនឹងបម្រែបម្រួលអាកាសធាតុអាចទៅសួរអ្នកវិទ្យាសាស្ដ្របាន ព្រោះអ្នកវិទ្យាសាស្ដ្រទាំងនោះបាននិយាយច្បាស់ណាស់។ ស្របពេលដែលយន្តហោះបានហោះឆ្លងកាត់តំបន់ខូចខាតនៅជិតរដ្ឋធានីរ៉ូម ទ្រង់បាននិយាយពាក្យមួយឃ្លាស្រង់ពីសៀវភៅគម្ពីរសាសនាថា៖«មនុស្សគឺល្ងង់ មនុស្សគឺរឹសរូស ។ពួកគេមិនបានឃើញនូវអ្វីដែលខ្លួនប្រព្រឹត្តឡើយ»។
«មេដឹកនាំនិងបុគ្គលនីមួយៗសុទ្ធតែមានសីលធម៌ ការទទួលខុសត្រូវលើការណែនាំរបស់អ្នកវិទ្យាសាស្ដ្រ។ អ្នកវិទ្យាសាស្ដ្រទាំងនេះមិនមែនចេះតែណែនាំពីវិធីទប់ស្កាត់ការឡើងកម្ដៅផែនដីឡើយ។ មេដឹកនាំទាំងនោះយល់ច្បាស់ពីបញ្ហានេះ ហើយការសម្រេចចិត្តរបស់ពួកគេនឹងបង្ហាញតាមប្រវត្តិសាស្ដ្រ»។នេះជាសម្ដីរបស់សម្ដេចប៉ាប ហ្វ្រង់ស៊ីស ដែលដកស្រង់ដោយសារព័ត៌មានAl Jazeera។
គួរបញ្ជាក់ដែរថា សម្ដេចប៉ាប ហ្វ្រង់ស៊ីស ជាអ្នកយកចិត្តទុកដាក់នឹងបញ្ហាបរិស្ថានខ្លាំងជាងគេមួយអង្គក្នុងចំណោមអ្នកស្រលាញ់បរិស្ថានផ្សេងៗទៀតនៅជុំវិញពិភពលោក។ ទ្រង់តែងតែគាំទ្រយ៉ាងសកម្មនូវសកម្មភាពទប់ស្កាត់ និងផលប៉ះពាល់នៃការកើនឡើងកម្ដៅផែនដី។
ការលើកឡើងខាងលើរបស់ព្រះអង្គ ទំនងជាសំដៅលើប្រធានាធិបតីអាមេរិក ដូណាល់ ត្រាំ ដែលបានដកអាមេរិកចេញពីកិច្ចព្រមព្រៀងក្រុងប៉ារីសស្ដីពីបម្រែបម្រួលអាកាសធាតុឆ្នាំ២០១៥។ លោក ត្រាំ ធ្លាប់ទាំងនិយាយថា បម្រែបម្រួលអាកាសធាតុជារឿងប្រឌិតទៀតផង។ លោកបានសម្រេចចិត្តដើរចេញពីកិច្ចព្រមព្រៀងប៉ារីស ព្រោះលោកយល់ថា កិច្ចព្រមព្រៀងនេះប៉ះពាល់ប្រយោជន៍អាមេរិក និងជាការសង្កត់សង្កិនអាមេរិកផងដែរ៕
ក្នុងអំឡុងពេលត្រលប់មកពីដំណើរទស្សនកិច្ចនៅកូឡុំប៊ីវិញ សម្ដេចប៉ាប ហ្វ្រង់ស៊ីស បានធ្វើសន្និសីទកាសែតលើយន្តហោះ ដោយបានរិះគន់យ៉ាងចាស់ដៃលើអ្នកមិនអើពើនឹងការប្រែប្រួលអាកាសធាតុ។ ប្រមុខវិហារគ្រិស្តកាតូលិក រិះគន់បែបនេះបន្ទាប់ពីខ្យល់ព្យុះ Irma បានបង្កវិនាសកម្មនៅអាមេរិក ម៉ិកស៊ិក និងការ៉ាអ៊ីប ហើយបង្កឲ្យមានការខូចខាតយ៉ាងដំណំនិងមនុស្ស៣៨នាក់ស្លាប់។
សម្ដេចប៉ាបFrancisបានបន្ថែមថា អ្នកមិនជឿនឹងបម្រែបម្រួលអាកាសធាតុអាចទៅសួរអ្នកវិទ្យាសាស្ដ្របាន ព្រោះអ្នកវិទ្យាសាស្ដ្រទាំងនោះបាននិយាយច្បាស់ណាស់។ ស្របពេលដែលយន្តហោះបានហោះឆ្លងកាត់តំបន់ខូចខាតនៅជិតរដ្ឋធានីរ៉ូម ទ្រង់បាននិយាយពាក្យមួយឃ្លាស្រង់ពីសៀវភៅគម្ពីរសាសនាថា៖«មនុស្សគឺល្ងង់ មនុស្សគឺរឹសរូស ។ពួកគេមិនបានឃើញនូវអ្វីដែលខ្លួនប្រព្រឹត្តឡើយ»។
«មេដឹកនាំនិងបុគ្គលនីមួយៗសុទ្ធតែមានសីលធម៌ ការទទួលខុសត្រូវលើការណែនាំរបស់អ្នកវិទ្យាសាស្ដ្រ។ អ្នកវិទ្យាសាស្ដ្រទាំងនេះមិនមែនចេះតែណែនាំពីវិធីទប់ស្កាត់ការឡើងកម្ដៅផែនដីឡើយ។ មេដឹកនាំទាំងនោះយល់ច្បាស់ពីបញ្ហានេះ ហើយការសម្រេចចិត្តរបស់ពួកគេនឹងបង្ហាញតាមប្រវត្តិសាស្ដ្រ»។នេះជាសម្ដីរបស់សម្ដេចប៉ាប ហ្វ្រង់ស៊ីស ដែលដកស្រង់ដោយសារព័ត៌មានAl Jazeera។
គួរបញ្ជាក់ដែរថា សម្ដេចប៉ាប ហ្វ្រង់ស៊ីស ជាអ្នកយកចិត្តទុកដាក់នឹងបញ្ហាបរិស្ថានខ្លាំងជាងគេមួយអង្គក្នុងចំណោមអ្នកស្រលាញ់បរិស្ថានផ្សេងៗទៀតនៅជុំវិញពិភពលោក។ ទ្រង់តែងតែគាំទ្រយ៉ាងសកម្មនូវសកម្មភាពទប់ស្កាត់ និងផលប៉ះពាល់នៃការកើនឡើងកម្ដៅផែនដី។
ការលើកឡើងខាងលើរបស់ព្រះអង្គ ទំនងជាសំដៅលើប្រធានាធិបតីអាមេរិក ដូណាល់ ត្រាំ ដែលបានដកអាមេរិកចេញពីកិច្ចព្រមព្រៀងក្រុងប៉ារីសស្ដីពីបម្រែបម្រួលអាកាសធាតុឆ្នាំ២០១៥។ លោក ត្រាំ ធ្លាប់ទាំងនិយាយថា បម្រែបម្រួលអាកាសធាតុជារឿងប្រឌិតទៀតផង។ លោកបានសម្រេចចិត្តដើរចេញពីកិច្ចព្រមព្រៀងប៉ារីស ព្រោះលោកយល់ថា កិច្ចព្រមព្រៀងនេះប៉ះពាល់ប្រយោជន៍អាមេរិក និងជាការសង្កត់សង្កិនអាមេរិកផងដែរ៕
Tag:
សម្ដេចប៉ាបFrancis
ការឡើងកម្ដៅផែនដី
បម្រែបម្រួលអាកាសធាតុ
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
