ជាតិ
មហាសន្និបាតUN៖ កម្ពុជា នឹងបញ្ចូលព្រឹត្តិការណ៍ចុងក្រោយ ទៅក្នុងសេចក្តីថ្លែងការណ៍របស់ខ្លួន
×![]()
ដោយ: ខន ចំប៉ា
លោក ប្រាក់ សុខុន រដ្ឋមន្ត្រីក្រសួងការបរទេសកម្ពុជា នឹងទៅចូលរួមមហា សន្និបាតអង្គការសហប្រជាជាតិ សម័យប្រជុំលើកទី៧២ និងកិច្ចប្រជុំផ្សេងៗទៀត ដែលប្រព្រិត្តទៅនៅក្រុងញូយ៉ក សហរដ្ឋអាមេរិក ពីថ្ងៃទី១៩ ដល់ថ្ងៃទី២៥ ខែកញ្ញា។ លោករដ្ឋមន្ត្រីការបរទេសកម្ពុជា នឹងធ្វើសេចក្តីថ្លែងការណ៍ក្នុងមហាសន្និបាតនេះ ហើយព្រឹត្តិការណ៍ថ្មីៗចុងក្រោយនៅកម្ពុជា ក៏នឹងត្រូវបញ្ចូលក្នុងសេចក្តីថ្លែងការណ៍នេះដែរ។
លោក ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នឹងទៅចូលរួមមហា សន្និបាតអង្គការសហប្រជាជាតិ សម័យប្រជុំលើកទី៧២ និងកិច្ចប្រជុំផ្សេងៗទៀត រយៈពេល៧ថ្ងៃ ចាប់ពីថ្ងៃទី១៩ ដល់ថ្ងៃទី២៥ ខែកញ្ញា នៅក្រុងញូយ៉ក សហរដ្ឋអាមេរិក។
តាមសេចក្ដីជូនដំណឹងរបស់ក្រសួងការបរទេស ចុះថ្ងៃទី១៧ ខែកញ្ញា លោករដ្ឋមន្ត្រីការបរទេសកម្ពុជា នឹងធ្វើសេចក្ដីថ្លែងការណ៍ នៅក្នុងសម័យប្រជុំមហាសន្និបាតសហប្រជាជាតិ លើកទី៧២នេះ ដោយផ្ដោតសំខាន់ លើសារៈសំខាន់នៃកិច្ចប្រឹងប្រែងរួមក្នុងការដោះស្រាយការប្រែប្រួលអាកាសធាតុ និងភេរវកម្ម សមិទ្ធផលរបស់កម្ពុជាស្ដីពីគោលដៅអភិវឌ្ឍន៍សហស្សវត្សរ៍ និងកិច្ចប្រឹងប្រែងរបស់កម្ពុជា ឆ្ពោះទៅគោលដៅ អភិវឌ្ឍន៍ប្រកបដោយចីរភាព។ ជូនដំណឹងដដែល បានបន្តទៀតថា បញ្ហាតំបន់ និងអន្តរជាតិ ដែលជាការព្រួយបារម្ភរួម និងការវិវត្តនាពេលថ្មីៗនៅកម្ពុជា ក៏នឹងលើកឡើង ក្នុងសេចក្តីថ្លែងការណ៍នេះដែរ។
គណៈប្រតិភូកម្ពុជា នឹងចូលរួមកិច្ចប្រជុំគណៈរដ្ឋមន្ត្រី ក្រោមក្របខណ្ឌប្រទេសនិយាយភាសាបារាំង ចលនាមិនចូលបក្សសម្ពព័ន្ធ សន្និសីទស្តីពីអន្តរកម្ម និងវិធានការកសាងទំនុកចិត្តនៅអាស៊ី កិច្ចសហប្រតិបត្តិការនៅអាស៊ី ក្រុមប្រទេស៧៧ ប្រទេសដែលមានការអភិវឌ្ឍយឺត កិច្ចប្រជុំក្រៅផ្លូវការរបស់រដ្ឋមន្ត្រីការបរទេសអាស៊ាន និងកិច្ចប្រជុំរដ្ឋមន្ត្រីការបរទេសអាស៊ាន ជាមួយប្រធានមហាសន្និបាតអង្គការសហប្រជាជាតិ និងអគ្គលេខាធិការអង្គការសហប្រជាជាតិ។
ក្រៅពីនេះ រដ្ឋមន្ត្រីការបរទេសកម្ពុជា ក៏នឹងមានជំនួបទ្វេភាគីជាមួយសមភាគីគុយប៉ា កូឡំប៊ី ប្រេស៊ីល ចក្រភពអង់គ្លេស អាមេរិក និងឥស្សរជនដទៃទៀត។ ឯកសារចំនួន២ នឹងត្រូវចុះហត្ថលេខារវាង លោក ប្រាក់ សុខុន ជាមួយសមភាគីប្រេស៊ីល និងប្រទេសកូឡុំប៊ី មានទី១.កិច្ចព្រមព្រៀងរវាងរាជរដ្ឋាភិបាលកម្ពុជា និងរដ្ឋាភិបាលប្រេស៊ីល ស្ដីពីកិច្ចសហប្រតិបត្តិការបច្ចេកទេស។ និងទី២ កិច្ចព្រមព្រៀងរវាងរាជរដ្ឋាភិបាលកម្ពុជា និងរដ្ឋាភិបាលកូឡុំប៊ី ស្ដីពីការលើកលែងទិដ្ឋាការ សម្រាប់អ្នកកាន់លិខិតឆ្លងដែនការទូត និងផ្លូវការ។ នេះបើតាមសេចក្តីជូនដំណឹងដដែល៕
លោក ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នឹងទៅចូលរួមមហា សន្និបាតអង្គការសហប្រជាជាតិ សម័យប្រជុំលើកទី៧២ និងកិច្ចប្រជុំផ្សេងៗទៀត រយៈពេល៧ថ្ងៃ ចាប់ពីថ្ងៃទី១៩ ដល់ថ្ងៃទី២៥ ខែកញ្ញា នៅក្រុងញូយ៉ក សហរដ្ឋអាមេរិក។
តាមសេចក្ដីជូនដំណឹងរបស់ក្រសួងការបរទេស ចុះថ្ងៃទី១៧ ខែកញ្ញា លោករដ្ឋមន្ត្រីការបរទេសកម្ពុជា នឹងធ្វើសេចក្ដីថ្លែងការណ៍ នៅក្នុងសម័យប្រជុំមហាសន្និបាតសហប្រជាជាតិ លើកទី៧២នេះ ដោយផ្ដោតសំខាន់ លើសារៈសំខាន់នៃកិច្ចប្រឹងប្រែងរួមក្នុងការដោះស្រាយការប្រែប្រួលអាកាសធាតុ និងភេរវកម្ម សមិទ្ធផលរបស់កម្ពុជាស្ដីពីគោលដៅអភិវឌ្ឍន៍សហស្សវត្សរ៍ និងកិច្ចប្រឹងប្រែងរបស់កម្ពុជា ឆ្ពោះទៅគោលដៅ អភិវឌ្ឍន៍ប្រកបដោយចីរភាព។ ជូនដំណឹងដដែល បានបន្តទៀតថា បញ្ហាតំបន់ និងអន្តរជាតិ ដែលជាការព្រួយបារម្ភរួម និងការវិវត្តនាពេលថ្មីៗនៅកម្ពុជា ក៏នឹងលើកឡើង ក្នុងសេចក្តីថ្លែងការណ៍នេះដែរ។
គណៈប្រតិភូកម្ពុជា នឹងចូលរួមកិច្ចប្រជុំគណៈរដ្ឋមន្ត្រី ក្រោមក្របខណ្ឌប្រទេសនិយាយភាសាបារាំង ចលនាមិនចូលបក្សសម្ពព័ន្ធ សន្និសីទស្តីពីអន្តរកម្ម និងវិធានការកសាងទំនុកចិត្តនៅអាស៊ី កិច្ចសហប្រតិបត្តិការនៅអាស៊ី ក្រុមប្រទេស៧៧ ប្រទេសដែលមានការអភិវឌ្ឍយឺត កិច្ចប្រជុំក្រៅផ្លូវការរបស់រដ្ឋមន្ត្រីការបរទេសអាស៊ាន និងកិច្ចប្រជុំរដ្ឋមន្ត្រីការបរទេសអាស៊ាន ជាមួយប្រធានមហាសន្និបាតអង្គការសហប្រជាជាតិ និងអគ្គលេខាធិការអង្គការសហប្រជាជាតិ។
ក្រៅពីនេះ រដ្ឋមន្ត្រីការបរទេសកម្ពុជា ក៏នឹងមានជំនួបទ្វេភាគីជាមួយសមភាគីគុយប៉ា កូឡំប៊ី ប្រេស៊ីល ចក្រភពអង់គ្លេស អាមេរិក និងឥស្សរជនដទៃទៀត។ ឯកសារចំនួន២ នឹងត្រូវចុះហត្ថលេខារវាង លោក ប្រាក់ សុខុន ជាមួយសមភាគីប្រេស៊ីល និងប្រទេសកូឡុំប៊ី មានទី១.កិច្ចព្រមព្រៀងរវាងរាជរដ្ឋាភិបាលកម្ពុជា និងរដ្ឋាភិបាលប្រេស៊ីល ស្ដីពីកិច្ចសហប្រតិបត្តិការបច្ចេកទេស។ និងទី២ កិច្ចព្រមព្រៀងរវាងរាជរដ្ឋាភិបាលកម្ពុជា និងរដ្ឋាភិបាលកូឡុំប៊ី ស្ដីពីការលើកលែងទិដ្ឋាការ សម្រាប់អ្នកកាន់លិខិតឆ្លងដែនការទូត និងផ្លូវការ។ នេះបើតាមសេចក្តីជូនដំណឹងដដែល៕
Tag:
ប្រាក់ សុខុន
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
