ជាតិ
×![]()
ដោយ: ថ្មីៗ
ភ្នំពេញ៖ ថ្ងៃនេះគឺខួប៥ឆ្នាំ នៃការយាងចូលព្រះទិវង្គត ព្រះករុណាព្រះបាទសម្តេច ព្រះនរោត្តម សីហនុ ព្រះមហាវីរក្សត្រ។ ប្រជាពលរដ្ឋព្រះអង្គ នៅតែស្តាយស្រណោះ ពីស្នាព្រះហស្ថដ៏ឧត្តុង្គឧត្តម របស់ករុណា ព្រះបរមរតនកោដ្ឋ។អ្នកប្រើបណ្តាញសង្គមហ្វេសប៊ុកមួយចំនួនបាននាំគ្នាប្តូរប្រូហ្វាល់ និងបង្ហោះរូបព្រះអង្គ រួមជាមួយពាក្យចងចាំពីវីរភាពព្រះអង្គ និងការរំឮកខួប៥ឆ្នាំ នាំការយាងចូលព្រះទិវង្គតរបស់ទ្រង់។
ព្រះករុណាព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះអង្គយាងចូលព្រះទិវង្គត នៅថ្ងៃទី១៥ ខែតុលា ឆ្នាំ២០១២ ដោយរោគាពាធ ក្នុងព្រះជន្មាយុ៩០ ព្រះវស្សា ដោយទទួលព្រះបរមបច្ឆាមរណនាម «ព្រះបរមរតនកោដ្ឋ» ។ ទោះជារយៈពេលកន្លងទៅ៥ឆ្នាំទៅហើយក្តី តែប្រជាពលរដ្ឋព្រះអង្គ នៅតែស្តាយស្រណោះ ពីស្នាព្រះហស្ថដ៏ឧត្តុង្គឧត្តម របស់ព្រះបរមរតនកោដ្ឋ។ អ្នកប្រើប្រាស់បណ្តាញសង្គមហ្វេសប៊ុកមួយចំនួន បាននាំគ្នាប្តូរប្រូហ្វាល់ និងខ្លះបង្ហោះរូបភាពព្រះអង្គ រួមជាមួយពាក្យស្លោក នៅលើបណ្ដាញគណនីរបស់ពួកគេ។
គណនីហ្វេសប៊ុកឈ្មោះ Yee Youra បានបង្ហោះរូបថតពីពិធីរំលឹកខួបព្រះបរមរតនកោដ្ឋ នៅព្រះបរមរូពបនាសួនច្បារវិមានឯករាជ្យ អមដោយសំណេររំលឹកព្រះបន្ទូលសម្តេចតាដូច្នេះ«ខ្មែររួបរួម ប្រែថាខ្មែរខ្លាំង»។
លឹម សុជាតិ Chan Ponleur Vi Sotheavi Yeang Vandyបានប្តូរប្រូហ្វាល់ ដែលមានរូបសម្តេចតា អមជាមួយពាក្យរំឮកខួប៥ឆ្នាំ នៃការសោយព្រះទិវង្គតនៃព្រះករុណា ព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជ្យបិតាជាតិ និងបូរណភាពទឹកដី ព្រះបរមរតនកោដ្ឋ។
នៅខួប៥ឆ្នាំ របស់ព្រះបរមរនកោដ្ឋនេះដែរ ក្រសួងព្រះបរមរាជវាំង ក៏រៀបពិធីគោរពព្រះវិញ្ញាណក្ខន្ធ ព្រះករុណា «ព្រះបរមរតនកោដ្ឋ» តាមប្រពៃណីសាសនាប្រពៃណីជាតិ និងតាមការសព្វព្រះរាជហឫទ័យ របស់ព្រះករុណាជាអម្ចាស់ ជីវិតលើត្បូង និងសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត។ ការគ្រប់ក្រសួងស្ថានប័ន និងរាជធានីភ្នំពេញ ទៅគោរពវិញ្ញាណក្ខន្ត ព្រះករុណា«ព្រះបរមរតនកោដ្ឋ» នៅព្រះបរមរូប ព្រះករុណា«ព្រះបរមរតនកោដ្ឋ» នៅសួនច្បារវិមានឯករាជ្យ។
ក្រៅពីនោះ រាជធានីភ្នំពេញ និងគ្រប់ខេត្ត ជាពិសេសក្រសួងស្ថាប័ន មានការដាក់តាំងព្រះបរមឆាយាល័ក្ខណ៍ព្រះករុណា «ព្រះបរមរតនកោដ្ឋ» បំភ្លឺភ្លើងពណ៌ និងតុបតែងលម្អទង់ជាតិ ទង់ក្អែប បដា ពាក្យស្លោកផងដែរ៕
ព្រះករុណាព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះអង្គយាងចូលព្រះទិវង្គត នៅថ្ងៃទី១៥ ខែតុលា ឆ្នាំ២០១២ ដោយរោគាពាធ ក្នុងព្រះជន្មាយុ៩០ ព្រះវស្សា ដោយទទួលព្រះបរមបច្ឆាមរណនាម «ព្រះបរមរតនកោដ្ឋ» ។ ទោះជារយៈពេលកន្លងទៅ៥ឆ្នាំទៅហើយក្តី តែប្រជាពលរដ្ឋព្រះអង្គ នៅតែស្តាយស្រណោះ ពីស្នាព្រះហស្ថដ៏ឧត្តុង្គឧត្តម របស់ព្រះបរមរតនកោដ្ឋ។ អ្នកប្រើប្រាស់បណ្តាញសង្គមហ្វេសប៊ុកមួយចំនួន បាននាំគ្នាប្តូរប្រូហ្វាល់ និងខ្លះបង្ហោះរូបភាពព្រះអង្គ រួមជាមួយពាក្យស្លោក នៅលើបណ្ដាញគណនីរបស់ពួកគេ។
គណនីហ្វេសប៊ុកឈ្មោះ Yee Youra បានបង្ហោះរូបថតពីពិធីរំលឹកខួបព្រះបរមរតនកោដ្ឋ នៅព្រះបរមរូពបនាសួនច្បារវិមានឯករាជ្យ អមដោយសំណេររំលឹកព្រះបន្ទូលសម្តេចតាដូច្នេះ«ខ្មែររួបរួម ប្រែថាខ្មែរខ្លាំង»។
លឹម សុជាតិ Chan Ponleur Vi Sotheavi Yeang Vandyបានប្តូរប្រូហ្វាល់ ដែលមានរូបសម្តេចតា អមជាមួយពាក្យរំឮកខួប៥ឆ្នាំ នៃការសោយព្រះទិវង្គតនៃព្រះករុណា ព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជ្យបិតាជាតិ និងបូរណភាពទឹកដី ព្រះបរមរតនកោដ្ឋ។
នៅខួប៥ឆ្នាំ របស់ព្រះបរមរនកោដ្ឋនេះដែរ ក្រសួងព្រះបរមរាជវាំង ក៏រៀបពិធីគោរពព្រះវិញ្ញាណក្ខន្ធ ព្រះករុណា «ព្រះបរមរតនកោដ្ឋ» តាមប្រពៃណីសាសនាប្រពៃណីជាតិ និងតាមការសព្វព្រះរាជហឫទ័យ របស់ព្រះករុណាជាអម្ចាស់ ជីវិតលើត្បូង និងសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត។ ការគ្រប់ក្រសួងស្ថានប័ន និងរាជធានីភ្នំពេញ ទៅគោរពវិញ្ញាណក្ខន្ត ព្រះករុណា«ព្រះបរមរតនកោដ្ឋ» នៅព្រះបរមរូប ព្រះករុណា«ព្រះបរមរតនកោដ្ឋ» នៅសួនច្បារវិមានឯករាជ្យ។
ក្រៅពីនោះ រាជធានីភ្នំពេញ និងគ្រប់ខេត្ត ជាពិសេសក្រសួងស្ថាប័ន មានការដាក់តាំងព្រះបរមឆាយាល័ក្ខណ៍ព្រះករុណា «ព្រះបរមរតនកោដ្ឋ» បំភ្លឺភ្លើងពណ៌ និងតុបតែងលម្អទង់ជាតិ ទង់ក្អែប បដា ពាក្យស្លោកផងដែរ៕
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
