ជាតិ
សេដ្ឋកិច្ច
សហព័ន្ធស្រូវអង្ករ អំពាវនាវឲ្យចូលរួមប្រកួតអង្ករល្អបំផុត
×
សហព័ន្ធស្រូវអង្ករកម្ពុជា (CRF) បានអំពាវនាវឲ្យមានការចូលរួមប្រកួតប្រជែងអង្ករល្អបំផុតពិភពលោកលើកទី៩ ដែលប្រព្រឹត្តទៅនៅថ្ងៃទី៦ ដល់ថ្ងៃទី៨ខែវិច្ឆិកាឆ្នាំ២០១៧ នៅទីក្រុងម៉ាកាវ ប្រទេសចិន។
CRF នឹងរៀបចំការប្រកួតអង្ករល្អបំផុតប្រចាំឆ្នាំថ្នាក់ជាតិ នៅថ្ងៃទី១ខែវិច្ឆិកាឆ្នាំនេះ នៅភោជនីយដ្ឋាន អ៊ុយ គុយទាវ នៅភ្នំពេញ ដើម្បីស្វែងរកជ័យលាភីយកទៅប្រកួតប្រជែងជាមួយប្រទេសនានាក្នុងកម្មវិធីប្រកួតអង្ករល្អបំផុតពិភពលោក នៅទីក្រុងម៉ាកាវ ។ បើតាមសេចក្ដីជូនដំណឹងរបស់ CRF អង្ករដែលនឹងត្រូវយកមកប្រកួតស្វែងរកជ័យលាភី គឺមានអង្ករបីប្រភេទ ដូចជា អង្ករក្រអូបប្រណិត អង្ករក្រអូប និងអង្ករសគ្រាប់វែង។
កម្ពុជាធ្លាប់ឈ្នះពានអង្ករល្អបំផុតបីឆ្នាំជាប់គ្នាកាលពីឆ្នាំ២០១២ ដល់ឆ្នាំ២០១៤ ៕
© រក្សាសិទ្ធិដោយ thmeythmey.com