ជាតិ
សេដ្ឋកិច្ច
អុំទូក៖ ត្រី សាច់ជ្រូក សាច់គោ ជាង៦០គីឡូ ជាអាហារមួយថ្ងៃ សម្រាប់កីឡាករទូក«បុប្ផាបញ្ញាពេជ្រ»
×![]()
ភ្នំពេញ៖ ទូក «ង» ចំនួន២៧០ទូក មកពីតាមបណ្តាខេត្តចំនួន១៥ និង៦ស្ថាប័ន ចូលរួមប្រណាំងក្នុងពិធិបុណ្យអុំទូកឆ្នាំនេះ។ ទូក «ង» ទាំង២៧០ទូកនោះ មានប្រភេទផ្សេងៗគ្នារួមមាន ទូកអុំ ទូកចែវ និងទូកខ្នាតអន្តរជាតិ ដោយមានកីឡាករប្រណាំងសរុបចំនួន ១៧៨២៦នាក់ ។ កីឡាករដែលចូលរួមប្រណាំងទូក សុទ្ធតែមានជឿជាក់លើសមត្ថភាពខ្លួនថា នឹងទទួលបានជ័យជន្នះ សម្រាប់ការប្រកួតរបស់ពួកគេ ។ ប៉ុន្តែទន្ទឹមនឹងការមានជំនឿចិត្តខ្ពស់នេះ ពួកគេទាំងនោះក៏ត្រូវការទទួលទានគ្រប់គ្រាន់ ដើម្បីបំប៉នកម្លាំងពួកគេក្នុងប្រកួតរយៈពេល៣ថ្ងៃ នៃពិធីបុណ្យអុំទូកនេះ។
ជាក់ស្ដែងគណៈកម្មាធិការទូក«បុប្ផាបញ្ញាពេជ្រ» មកពីស្រុកស្រីសន្ធរ ខេត្តកំពង់ចាម បានរៀបចំអាហារបរិភោគយ៉ាងសំបូរបែបសម្រាប់កីឡាករ។ លោក ម៉េច ម៉ុន ដែលជាមេចុងភៅរបស់កីឡាករទូក«បុប្ផាបញ្ញាពេជ្រ» បាននិយាយថា ក្នុងមួយថ្ងៃគណៈកម្មាធិការទូក ត្រូវចំណាយថវិកា១លានរៀល ដើម្បីត្រី សាច់ជ្រូក សាច់គោនិងបន្លែ សម្រាប់យកមកចម្អិនឲ្យកីឡាករបរិភោគ។ បើតាមលោក ម៉េច ម៉ុន ត្រី សាច់ជ្រូក សាច់គោជាង៦០គីឡូ ជាអាហារមួយថ្ងៃ សម្រាប់កីឡាករទូក«បុប្ផាបញ្ញាពេជ្រ»។
សូមទស្សនាវីដេអូខាងក្រោមនេះ៖
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
