ជាតិ
ទស្សនាភាពយន្តជប៉ុនល្បីៗពីថ្ងៃទី៩ ដល់ថ្ងៃទី១២ នៅរោងភាពយន្តមួយចំនួននៅភ្នំពេញ!
ឯកអគ្គរាជទូតជប៉ុនប្រចាំកម្ពុជា លោក ហូរីណូអ៊ុជិ ហ៊ីដេហ៊ីសា
×![]()
ភ្នំពេញ៖ មហោស្រពភាពយន្តជប៉ុនឆ្នាំ២០១៧នេះ នឹងចាក់បញ្ចាំងខ្សែភាពយន្តចំនួន ១២ ដែលសម្រិតសម្រាំងសម្រាប់ការចាក់បញ្ចាំងនៅរោងភាពយន្ត Major Cineplex ផ្សារអ៊ីអន និង Legend Cinema នៅ TK Avenue។ ខ្សែភាពយន្តទាំងនោះ មានប្រភេទ គំនូរជីវចល ភាពយន្តបែបមនោសញ្ចេតនា និងភាពយន្តឯកសារ។ ជាមួយគ្នានេះ មហោស្រពនេះ នឹងបញ្ចាំងខ្សែភាពយន្តដែលធ្លាប់ទទួលពានរង្វាន់ផងដែរ។ មហោស្រពភាពយន្តឆ្នាំ២០១៧នេះ ប្រព្រឹត្តទៅរយៈពេល ៤ថ្ងៃ ចាប់ពីថ្ងៃទី ៩-១២ ខែវិច្ឆិកានេះ។
ជាលើកទី៣ហើយ ដែលមហោស្រពភាពយន្តជប៉ុន បានប្រារព្ធនៅកម្ពុជា។ មហោស្រពភាពយន្តជប៉ុននេះ នឹងចាក់បញ្ចាំងខ្សែភាពយន្តដែលឆ្លុះបញ្ចាំងអំពីជីវភាពរស់នៅរបស់ប្រជាជនជប៉ុន សង្គម និងវប្បធម៌ជប៉ុន។ បន្ថែមលើនេះ តាមរយៈការចាក់បញ្ចាំងនេះ ក៏ផ្ដល់ឱកាសសម្រាប់អ្នកទស្សនា ដើម្បីស្គាល់ពីប្រទេស និងប្រជាជនជប៉ុនផងដែរ។ ក្នុងមហោស្រពនេះ មានខ្សែភាពយន្តចំនួន ១២រឿង ជាគំនូរជីវចល ភាពបែបមនោសញ្ចេតនា និងភាពយន្តឯកសារ។
ឯកអគ្គរាជទូតជប៉ុនប្រចាំកម្ពុជា លោក ហូរីណូអ៊ុជិ ហ៊ីដេហ៊ីសា បញ្ជាក់ថា ក្នុងកំឡុងពេល៤ថ្ងៃនៃមហោស្រពនេះ នឹងបញ្ចាំងភាពយន្តជប៉ុនចំនួន ១២រឿង។ លោក ហូរីណូអ៊ុជិ ហ៊ីដេហ៊ីសា រំពឹងថា ទស្សនិកជននឹងមានអារម្មណ៍ស្និទ្ធស្នាលជាមួយប្រទេស និងប្រជាជនជប៉ុនតាមរយៈភាពយន្តទាំងនេះ។
លោក សោម សុគន្ធ រដ្ឋមន្ត្រីស្ដីទីនៃក្រសួងវប្បធម៌ និងវិចិត្រសិល្បៈ បានលើកឡើងថា ព្រឹត្តិកាណ៍មហោស្រពភាពយន្តជប៉ុននេះ បានឆ្លុះបញ្ចាំងពីការសហប្រតិបត្តិការរវាងកម្ពុជា និងជប៉ុន លើវិស័យវប្បធម៌។ លោក សោម សុគន្ធ បន្ថែមថា ភាពយន្ត ជាមធ្យោបាយផ្សព្វផ្សាយ សិល្បៈវប្បធម៌ និងជាភ្នាក់ងារដែលបណ្ដុះចិត្តគំនិតមនុស្ស ពិសេស ជួយអភិរក្ស និងអភិវឌ្ឍន៍ជាតិផងដែរ។
រដ្ឋមន្ត្រីស្ដីទីរូបនេះ បញ្ជាក់ថា ក្រសួងវប្បធម៌ ចាត់ទុក ការរៀបចំមហោស្រពជប៉ុនរៀងរាល់ឆ្នាំ នឹងធ្វើឲ្យប្រជាជនកម្ពុជា មានឱកាសស្វែងយល់ពីជីវភាពប្រជាជនជប៉ុន សង្គម និងវប្បធម៌ជប៉ុន។ លោក សោម សុគន្ធ ជឿជាក់ថា យុវជនខ្មែរ នឹងរៀនសូត្រតាមយៈភាពយន្ត និងផ្លាស់ប្តូរជាវិជ្ជមាន។
សូមបញ្ជាក់ថា មហោស្រពភាពយន្តជប៉ុនឆ្នាំ២០១៧នេះ រៀបចំដោយមូលនិធិជប៉ុន និងស្ថានទូតជប៉ុន រួមសហការជាមួយក្រសួងវប្បធម៌ និងវិចិត្រសិល្បៈ និងមជ្ឈមណ្ឌលសហប្រតិបត្តិការកម្ពុជា-ជប៉ុន។ មហោស្រពនេះ ប្រារព្ធឡើងជារៀងរាល់ឆ្នាំ ចាប់ពីឆ្នាំ២០១៥ ក្នុងគោលបំណងជំរុញការយល់ដឹងអំពីជីវភាពរស់នៅរបស់ប្រជាជន និងវប្បធម៌ជប៉ុនដល់ប្រជាជនកម្ពុជា តាមរយៈការចាក់បញ្ចាំងភាពយន្ត៕
ជាលើកទី៣ហើយ ដែលមហោស្រពភាពយន្តជប៉ុន បានប្រារព្ធនៅកម្ពុជា។ មហោស្រពភាពយន្តជប៉ុននេះ នឹងចាក់បញ្ចាំងខ្សែភាពយន្តដែលឆ្លុះបញ្ចាំងអំពីជីវភាពរស់នៅរបស់ប្រជាជនជប៉ុន សង្គម និងវប្បធម៌ជប៉ុន។ បន្ថែមលើនេះ តាមរយៈការចាក់បញ្ចាំងនេះ ក៏ផ្ដល់ឱកាសសម្រាប់អ្នកទស្សនា ដើម្បីស្គាល់ពីប្រទេស និងប្រជាជនជប៉ុនផងដែរ។ ក្នុងមហោស្រពនេះ មានខ្សែភាពយន្តចំនួន ១២រឿង ជាគំនូរជីវចល ភាពបែបមនោសញ្ចេតនា និងភាពយន្តឯកសារ។
ឯកអគ្គរាជទូតជប៉ុនប្រចាំកម្ពុជា លោក ហូរីណូអ៊ុជិ ហ៊ីដេហ៊ីសា បញ្ជាក់ថា ក្នុងកំឡុងពេល៤ថ្ងៃនៃមហោស្រពនេះ នឹងបញ្ចាំងភាពយន្តជប៉ុនចំនួន ១២រឿង។ លោក ហូរីណូអ៊ុជិ ហ៊ីដេហ៊ីសា រំពឹងថា ទស្សនិកជននឹងមានអារម្មណ៍ស្និទ្ធស្នាលជាមួយប្រទេស និងប្រជាជនជប៉ុនតាមរយៈភាពយន្តទាំងនេះ។
លោក សោម សុគន្ធ រដ្ឋមន្ត្រីស្ដីទីនៃក្រសួងវប្បធម៌ និងវិចិត្រសិល្បៈ បានលើកឡើងថា ព្រឹត្តិកាណ៍មហោស្រពភាពយន្តជប៉ុននេះ បានឆ្លុះបញ្ចាំងពីការសហប្រតិបត្តិការរវាងកម្ពុជា និងជប៉ុន លើវិស័យវប្បធម៌។ លោក សោម សុគន្ធ បន្ថែមថា ភាពយន្ត ជាមធ្យោបាយផ្សព្វផ្សាយ សិល្បៈវប្បធម៌ និងជាភ្នាក់ងារដែលបណ្ដុះចិត្តគំនិតមនុស្ស ពិសេស ជួយអភិរក្ស និងអភិវឌ្ឍន៍ជាតិផងដែរ។
រដ្ឋមន្ត្រីស្ដីទីរូបនេះ បញ្ជាក់ថា ក្រសួងវប្បធម៌ ចាត់ទុក ការរៀបចំមហោស្រពជប៉ុនរៀងរាល់ឆ្នាំ នឹងធ្វើឲ្យប្រជាជនកម្ពុជា មានឱកាសស្វែងយល់ពីជីវភាពប្រជាជនជប៉ុន សង្គម និងវប្បធម៌ជប៉ុន។ លោក សោម សុគន្ធ ជឿជាក់ថា យុវជនខ្មែរ នឹងរៀនសូត្រតាមយៈភាពយន្ត និងផ្លាស់ប្តូរជាវិជ្ជមាន។
សូមបញ្ជាក់ថា មហោស្រពភាពយន្តជប៉ុនឆ្នាំ២០១៧នេះ រៀបចំដោយមូលនិធិជប៉ុន និងស្ថានទូតជប៉ុន រួមសហការជាមួយក្រសួងវប្បធម៌ និងវិចិត្រសិល្បៈ និងមជ្ឈមណ្ឌលសហប្រតិបត្តិការកម្ពុជា-ជប៉ុន។ មហោស្រពនេះ ប្រារព្ធឡើងជារៀងរាល់ឆ្នាំ ចាប់ពីឆ្នាំ២០១៥ ក្នុងគោលបំណងជំរុញការយល់ដឹងអំពីជីវភាពរស់នៅរបស់ប្រជាជន និងវប្បធម៌ជប៉ុនដល់ប្រជាជនកម្ពុជា តាមរយៈការចាក់បញ្ចាំងភាពយន្ត៕
Tag:
មហោស្រពភាពយន្ត
ជប៉ុន
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
