អន្តរជាតិ
វិបត្តិរ៉ូហ៊ីងយ៉ា៖ ចិនចង់ឲ្យមីយ៉ាន់ម៉ានិងបង់ក្លាដែសបញ្ចប់បញ្ហាតែពីរនាក់ កុំពឹងអន្តរជាតិ
×![]()
ដោយ: តន ចាន់រិទ្ធារ៉ា
រដ្ឋមន្ត្រីការបរទេសចិន វ៉ាង យី នៅថ្ងៃទី១៨ ខែវិច្ឆិកា បាននិយាយថា ចិនចង់ឃើញបង់ក្លាដែស និងមីយ៉ាន់ម៉ាដោះស្រាយបញ្ហារ៉ូហ៊ីងយ៉ាតាមការចរចាទ្វេភាគី ជាជាងរង់ចាំការលូកដៃរបស់អន្តរជាតិ។ យ៉ាងណាមិញ លោក វ៉ាង យី ក៏និយាយដែរថា ចិនត្រៀមខ្លួនជួយដោះស្រាយវិបត្តិមនុស្សធម៌ដ៏ធំមួយនេះដែរ ខណៈដែលលំហូរជនភៀសខ្លួនរ៉ូហ៊ីងយ៉ាក្លាយជាបន្ទុកដ៏ធ្ងន់សម្រាប់រដ្ឋាភិបាលបង់ក្លាដែសត្រូវដោះស្រាយ។
ប្រមុខការទូតចិន វ៉ាង យី បានទៅដល់រដ្ឋធានីដាក្កា នៅថ្ងៃទី១៨ ខែវិច្ឆិកា ដើម្បីទស្សនកិច្ចពីរថ្ងៃ ហើយវិបត្តិរ៉ូហ៊ីងយ៉ាក៏ស្ថិតក្នុងចំណោមប្រធានបទសំខាន់នៃទស្សនកិច្ចលើកនេះដែរ។ ទៅដល់បង់ក្លាដែស លោក វ៉ាង យី បានស្នើឲ្យប្រទេសភូមិផងទាំងពីរ គឺបង់ក្លាដែស និងមីយ៉ាន់ម៉ា ដោះស្រាយបញ្ហានេះតាមការពិភាក្សាតែពីរនាក់ ហើយមិនត្រូវឲ្យសហគមន៍អន្តរជាតិជាអ្នកផ្ចុងផ្ដើមគំនិតអ្វីឡើយ។
ក្នុងសន្និសីទសារព័ត៌មានក្នុងស្ថានទូតចិន លោក វ៉ាង យី ក៏បានប្រាប់ឲ្យអន្តរជាតិចៀសវាងធ្វើសកម្មភាពដែលធ្វើឲ្យបញ្ហាកាន់តែស្មុគស្មាញ តែត្រូវជួយបង់ក្លាដែស និងមីយ៉ាន់ម៉ាក្នុងការស្វែងរកច្រកចេញបញ្ហានេះ។ ប្រមុខការទូតចិនក៏បានបង្ហាញជំហរជួយប្រទេសទាំងពីរក្នុងការដោះស្រាយវិបត្តិមនុស្សធម៌ដ៏អាក្រក់នេះ និងរំពឹងថា ជនភៀសខ្លួនទាំងអស់អាចត្រឡប់ទៅកាន់លំនៅដ្ឋានរបស់ខ្លួនវិញ។ នេះបើតាមការផ្សាយរបស់ទីភ្នាក់ងារព័ត៌មាន Xinhua ។
មកទល់ពេលនេះ ជនភៀសខ្លួនរ៉ូហ៊ីងយ៉ាងច្រើនជាង៦សែននាក់បានរត់ភៀសខ្លួនចូលទឹកដីបង់ក្លាដែស ដើម្បីគេចពីប្រតិបត្តិការហិង្សារបស់យោធាមីយ៉ាន់ម៉ាក្នុងរដ្ឋ Rakhine ដែលចាប់ផ្ដើមតាំងពីចុងខែតុលាមក។ សមាជិកអង្គការសហប្រជាជាតិជាច្រើន ក៏បានទទូចឲ្យអាជ្ញាធរមីយ៉ាន់ម៉ាបញ្ចប់យុទ្ធនាការរបស់យោធាប្រឆាំងនឹងជនជាតិភាគតិចឥស្លាមរ៉ូហ៊ីងយ៉ា ប៉ុន្តែហាក់មិនទទួលបានផលអ្វីសោះឡើយ។
មន្ត្រីការទូតចិនដដែលបានចាត់ទុកបញ្ហាជនមូស្លីមរ៉ូហ៊ីងយ៉ានេះជាសំណុំរឿងស្មុគស្មាញ ដែលត្រូវការដំណោះស្រាយគ្រប់ជ្រុងជ្រោយ។ ជាមួយនឹងការប្រកាន់ជំហរមិនលម្អៀងទៅខាងភាគីណាមួយ និងការទទួលស្គាល់ថាបង់ក្លាដែសប្រឈមមុខលំហូរជនភៀសខ្លួនសន្ធឹកសន្ធាប់នោះ លោក វ៉ាង យី អះអាងថា ការអភិវឌ្ឍសេដ្ឋកិច្ចនៅរដ្ឋ Rakhine ជារឿងចាំបាច់ ហើយចិនត្រៀមខ្លួនរួចស្រេចដើម្បីជួយក្នុងរឿងនេះ។
ជុំវិញដំណោះស្រាយវិញ ការទាល់ច្រកក្នុងការចរចារវាងបង់ក្លាដែស និងមីយ៉ាន់ម៉នៅតែមានដដែល ចំនួនជនភៀសខ្លួនចូលបង់ក្លាដែសក៏ចេះតែបន្តដដែល ព្រោះយោធាមីយ៉ាន់ម៉ាមិនបន្ធូរដៃក្នុងយុទ្ធនាការរបស់ខ្លួនឡើយ។ រដ្ឋាភិបាលលោកស្រី អ៊ុងសាន ស៊ូជី មិនមានឥទ្ធិពលអ្វីសោះលើយោធា ខណៈដែលអាមេរិកបានលើកឡើងពីលទ្ធភាពក្នុងការដាក់ទណ្ឌកម្មលើយោធាដើម្បីបង្ខំឲ្យពួកគេបញ្ឈប់សកម្មភាពនៅ Rakhine ៕
ប្រមុខការទូតចិន វ៉ាង យី បានទៅដល់រដ្ឋធានីដាក្កា នៅថ្ងៃទី១៨ ខែវិច្ឆិកា ដើម្បីទស្សនកិច្ចពីរថ្ងៃ ហើយវិបត្តិរ៉ូហ៊ីងយ៉ាក៏ស្ថិតក្នុងចំណោមប្រធានបទសំខាន់នៃទស្សនកិច្ចលើកនេះដែរ។ ទៅដល់បង់ក្លាដែស លោក វ៉ាង យី បានស្នើឲ្យប្រទេសភូមិផងទាំងពីរ គឺបង់ក្លាដែស និងមីយ៉ាន់ម៉ា ដោះស្រាយបញ្ហានេះតាមការពិភាក្សាតែពីរនាក់ ហើយមិនត្រូវឲ្យសហគមន៍អន្តរជាតិជាអ្នកផ្ចុងផ្ដើមគំនិតអ្វីឡើយ។
ក្នុងសន្និសីទសារព័ត៌មានក្នុងស្ថានទូតចិន លោក វ៉ាង យី ក៏បានប្រាប់ឲ្យអន្តរជាតិចៀសវាងធ្វើសកម្មភាពដែលធ្វើឲ្យបញ្ហាកាន់តែស្មុគស្មាញ តែត្រូវជួយបង់ក្លាដែស និងមីយ៉ាន់ម៉ាក្នុងការស្វែងរកច្រកចេញបញ្ហានេះ។ ប្រមុខការទូតចិនក៏បានបង្ហាញជំហរជួយប្រទេសទាំងពីរក្នុងការដោះស្រាយវិបត្តិមនុស្សធម៌ដ៏អាក្រក់នេះ និងរំពឹងថា ជនភៀសខ្លួនទាំងអស់អាចត្រឡប់ទៅកាន់លំនៅដ្ឋានរបស់ខ្លួនវិញ។ នេះបើតាមការផ្សាយរបស់ទីភ្នាក់ងារព័ត៌មាន Xinhua ។
មកទល់ពេលនេះ ជនភៀសខ្លួនរ៉ូហ៊ីងយ៉ាងច្រើនជាង៦សែននាក់បានរត់ភៀសខ្លួនចូលទឹកដីបង់ក្លាដែស ដើម្បីគេចពីប្រតិបត្តិការហិង្សារបស់យោធាមីយ៉ាន់ម៉ាក្នុងរដ្ឋ Rakhine ដែលចាប់ផ្ដើមតាំងពីចុងខែតុលាមក។ សមាជិកអង្គការសហប្រជាជាតិជាច្រើន ក៏បានទទូចឲ្យអាជ្ញាធរមីយ៉ាន់ម៉ាបញ្ចប់យុទ្ធនាការរបស់យោធាប្រឆាំងនឹងជនជាតិភាគតិចឥស្លាមរ៉ូហ៊ីងយ៉ា ប៉ុន្តែហាក់មិនទទួលបានផលអ្វីសោះឡើយ។
មន្ត្រីការទូតចិនដដែលបានចាត់ទុកបញ្ហាជនមូស្លីមរ៉ូហ៊ីងយ៉ានេះជាសំណុំរឿងស្មុគស្មាញ ដែលត្រូវការដំណោះស្រាយគ្រប់ជ្រុងជ្រោយ។ ជាមួយនឹងការប្រកាន់ជំហរមិនលម្អៀងទៅខាងភាគីណាមួយ និងការទទួលស្គាល់ថាបង់ក្លាដែសប្រឈមមុខលំហូរជនភៀសខ្លួនសន្ធឹកសន្ធាប់នោះ លោក វ៉ាង យី អះអាងថា ការអភិវឌ្ឍសេដ្ឋកិច្ចនៅរដ្ឋ Rakhine ជារឿងចាំបាច់ ហើយចិនត្រៀមខ្លួនរួចស្រេចដើម្បីជួយក្នុងរឿងនេះ។
ជុំវិញដំណោះស្រាយវិញ ការទាល់ច្រកក្នុងការចរចារវាងបង់ក្លាដែស និងមីយ៉ាន់ម៉នៅតែមានដដែល ចំនួនជនភៀសខ្លួនចូលបង់ក្លាដែសក៏ចេះតែបន្តដដែល ព្រោះយោធាមីយ៉ាន់ម៉ាមិនបន្ធូរដៃក្នុងយុទ្ធនាការរបស់ខ្លួនឡើយ។ រដ្ឋាភិបាលលោកស្រី អ៊ុងសាន ស៊ូជី មិនមានឥទ្ធិពលអ្វីសោះលើយោធា ខណៈដែលអាមេរិកបានលើកឡើងពីលទ្ធភាពក្នុងការដាក់ទណ្ឌកម្មលើយោធាដើម្បីបង្ខំឲ្យពួកគេបញ្ឈប់សកម្មភាពនៅ Rakhine ៕
Tag:
ចិន
បង់ក្លាដែស
មីយ៉ាន់ម៉ា
រ៉ូហ៊ីងយ៉ា
វ៉ាង យី
© រក្សាសិទ្ធិដោយ thmeythmey.com
