ជាតិ
លោក ឡុង ឌីម៉ង់ បានពានរង្វាន់ឯកអគ្គរាជទូតឆ្នើមពីសភាកូរ៉េ រុបពីហ្វេសប៊ុកលោក ឡុង ឌីម៉ង់
× ភ្នំពេញ៖ ឯកអគ្គរាជទូតកម្ពុជា ប្រចាំកូរ៉េខាងត្បូង លោក ឡុង ឌីម៉ង់ ទទួលបានពានរង្វាន់ឯកអគ្គរាជទូតឆ្នើមប្រចាំឆ្នាំ២០១៧ ដែលប្រគល់ដោយរដ្ឋសភាកូរ៉េ។
តាមរយៈរូបថត១០សន្លឹក ដែលមានរូបភាពកាន់ពានរង្វាន់ឯកអគ្គរាជទូតឆ្នើម រួមជាមួយឯកអគ្គរាជទូតដទៃ ត្រូវបានបង្ហោះលើហ្វេសប៊ុកលោក ឡុង ឌីម៉ង់ ដោយអមជាមួយសំណេរថា៖« ពានរង្វាន់ឯកអគ្គរាជទូតឆ្នើមប្រចាំឆ្នាំ២០១៧នៅរដ្ឋសភាព្រឹកមិញ(២៨ វិច្ឆិកា)នេះ ដែលខ្ញុំទទួលបាន គឺជាមោទនភាពជាតិខ្មែរមួយទៀតនៅកូរ៉េដែលខ្ញុំតំណាងកម្ពុជាបានពាំនាំកិត្តិយសនេះជូនប្រជាជាតិយើង។ពានរង្វាន់និងកេរិ៍្តឈ្មោះនេះក៏សម្រាប់មន្ត្រីក្រុមការងារស្ថានទូតទាំងអស់ ព្រមទាំងក្រុមគ្រួសារខ្ញុំ ព្រោះយើងខ្ញុំបានរួមចំណែកស្មើៗគ្នាបំពេញការងារដោយគ្មានលក្ខខ័ណ្ឌ»។
គួរបញ្ជាក់ថា លោក ឡុង ឌីម៉ង់ បានបំពេញការងារជាឯកអគ្គរាជទូតកម្ពុជា ប្រចាំកូរ៉េខាងត្បូង ជំនួសលោក ស៊ុត ឌីណា កាលពីឆ្នាំ២០១៦កន្លងមក ក្រោយពីទទួលបានការតែងតាំងពីព្រះមហាក្សត្រ ៕
Tag:
ឡុង ឌីម៉ង់
ឯកអគ្គរាជទូតឆ្នើម
© រក្សាសិទ្ធិដោយ thmeythmey.com