ជាតិ
×![]()
ក្រុមអ្នកអភិរក្សបានរកឃើញសំបុកពងកូនសត្វកន្ធាយក្បាលកង្កែបចំនួនមួយសំបុក នៅតាមឆ្នេរខ្សាច់ដងទន្លេមេគង្គចន្លោះខេត្តក្រចេះ និងខេត្តស្ទឹងត្រែង ជាទីកន្លែងពងកូនតែមួយគត់នៅក្នុងប្រទេសកម្ពុជា។ ជាការរកឃើញលើកដំបូង នៅក្នុងរដូវកាលពងកូនឆ្នាំនេះ។ តាមប្រកាសព័ត៌មានរបស់អង្គការសមាគមអភិរក្សសត្វព្រៃនៅកម្ពុជា(WCS) រហូតមកដល់ពេលនេះ មានសំបុកពងកន្ធាយក្បាលកង្កែបចំនួន៣៧៨ ត្រូវបានការពារ ហើយមានកូនកន្ធាយក្បាលកង្កែបចំនួន៨,៥២៨ក្បាលបានញាស់។
សំបុកពងកូនសត្វកន្ធាយក្បាលកង្កែបចំនួន១សំបុក ត្រូវបានក្រុមអ្នកអភិរក្សរកឃើញជាលើកដំបូង នៅក្នុងរដូវកាលពងកូនឆ្នាំនេះ នៅឆ្នេរខ្សាច់ដងទន្លេមេគង្គ ចន្លោះខេត្តក្រចេះ និងស្ទឹងត្រែង ដែលជាទីកន្លែងពងកូនតែមួយគត់ នៅកម្ពុជា។ សំបុកកន្ធាយក្បាលកង្កែបនេះ នឹងត្រូវការពារ រហូតដល់ពងកន្ធាយទាំងអស់នោះញាស់ ហើយកូនកន្ធាយនឹងត្រូវលែងឲ្យទៅរកនៅក្នុងទន្លេវិញ។
សត្វកន្ធាយក្បាលកង្កែប (ឬរមិច) ស្ថិតនៅក្នុងបញ្ជីក្រហមរបស់អង្គការ IUCN ជាប្រភេទរងគ្រោះជិតផុតនៅលើសាកលលោក។ ពួកវាត្រូវបានគេគិតថាផុតពូជពីកម្ពុជាទៅហើយ រហូតដល់ឆ្នាំ២០០៧ ពួកវាត្រូវបានគេរកឃើញម្តងទៀត នៅក្នុងបរិវេណ៤៨គីឡូម៉ែត្រ នៅដងទន្លេមេគង្គចន្លោះខេត្តក្រចេះ និងស្ទឹងត្រែង។
គម្រោង អភិរក្សសត្វកន្ធាយក្បាលកង្កែបនៅដងទន្លេមេគង្គកន្លងមក អនុវត្តដោយអង្គការអភិរក្សអន្តរជាតិ ហើយបានផ្ទេរមកឲ្យអង្គការWCS សហការជាមួយរដ្ឋបាលជលផល និងសម្ព័ន្ធដើម្បីការរស់រានប្រភេទសត្វអណ្តើក។ កម្មវិធីការពារសំបុក លើកទឹកចិត្តឲ្យប្រជាសហគមន៍រស់នៅខេត្តក្រចេះ និងស្ទឹងត្រែង ចូលរួមការពារសត្វកន្ធាយក្បាលកង្កែប ដោយបានជ្រើសរើសអតីតអ្នកប្រមូលពង និងមេពូជកន្ធាយក្បាលកង្កែបឲ្យមកធ្វើការងារជាបុគ្គលិក របស់គម្រោងដើម្បីស្វែងរក និងការពារសំបុកសត្វកន្ធាយក្បាលកង្កែប ជំនួសឲ្យការប្រមូលយកពង និងមេពូជយកទៅហូប និងលក់។ រហូតមកដល់ពេលនេះ សំបុកពងកូនសត្វកន្ធាយក្បាលកង្កែបចំនួន៣៧៨ត្រូវបានការពារ ហើយជាលទ្ធផល ទទួលបានកូនញាស់ចំនួន៨,៥២៨កូន។
បើតាម លោក សោម ស៊ីថា ទីប្រឹក្សាបច្ចេកទេសគម្រោងអភិរក្សសត្វអណ្តើក ចាប់ពីឥឡូវនេះ រហូតដល់ខែមិថុនា គឺជាកំឡុងពេលសត្វកន្ធាយក្បាលកង្កែបពងកូន។ បន្ទាប់ពីរកឃើញសំបុកទី១នេះ ក្រុមអ្នកអភិរក្សរបស់អង្គការ (WCS) នឹងធ្វើការជាមួយរដ្ឋបាលជលផល និងប្រជាសហគមន៍ ដើម្បីស្វែងរកសំបុកបន្ថែមទៀត នៅតាមដងទន្លេមេគង្គ ដើម្បីការពារពួកវា ពីការប្រមូលយកពងកូន។ នេះបើតាម លោក សោម ស៊ីថា ដដែល ដែលលោក បានបន្តទៀតដូច្នេះ៖«កន្ធាយក្បាលកង្កែប គឺជាប្រភេទដ៏កម្រដែលអាចនឹងផុតពូជនៅក្នុងពេលអនាគត ប្រសិនបើយើងមិនមានវិធានអភិរក្សពួកវាឲ្យបានសមស្របទេនោះ។ ពួកវាមិនមានច្រើនក្បាលទេ ដែលរស់នៅក្នុងធម្មជាតិ។ ប្រជាពលរដ្ឋគ្រប់រូបអាចចូលរួមការពារប្រភេទសត្វដ៏កម្រមួយនេះបាន ដោយបញ្ឈប់ការទិញ ឬក៏បរិភោគសាច់ ឬពងរបស់វា»៕
សំបុកពងកូនសត្វកន្ធាយក្បាលកង្កែបចំនួន១សំបុក ត្រូវបានក្រុមអ្នកអភិរក្សរកឃើញជាលើកដំបូង នៅក្នុងរដូវកាលពងកូនឆ្នាំនេះ នៅឆ្នេរខ្សាច់ដងទន្លេមេគង្គ ចន្លោះខេត្តក្រចេះ និងស្ទឹងត្រែង ដែលជាទីកន្លែងពងកូនតែមួយគត់ នៅកម្ពុជា។ សំបុកកន្ធាយក្បាលកង្កែបនេះ នឹងត្រូវការពារ រហូតដល់ពងកន្ធាយទាំងអស់នោះញាស់ ហើយកូនកន្ធាយនឹងត្រូវលែងឲ្យទៅរកនៅក្នុងទន្លេវិញ។
សត្វកន្ធាយក្បាលកង្កែប (ឬរមិច) ស្ថិតនៅក្នុងបញ្ជីក្រហមរបស់អង្គការ IUCN ជាប្រភេទរងគ្រោះជិតផុតនៅលើសាកលលោក។ ពួកវាត្រូវបានគេគិតថាផុតពូជពីកម្ពុជាទៅហើយ រហូតដល់ឆ្នាំ២០០៧ ពួកវាត្រូវបានគេរកឃើញម្តងទៀត នៅក្នុងបរិវេណ៤៨គីឡូម៉ែត្រ នៅដងទន្លេមេគង្គចន្លោះខេត្តក្រចេះ និងស្ទឹងត្រែង។
គម្រោង អភិរក្សសត្វកន្ធាយក្បាលកង្កែបនៅដងទន្លេមេគង្គកន្លងមក អនុវត្តដោយអង្គការអភិរក្សអន្តរជាតិ ហើយបានផ្ទេរមកឲ្យអង្គការWCS សហការជាមួយរដ្ឋបាលជលផល និងសម្ព័ន្ធដើម្បីការរស់រានប្រភេទសត្វអណ្តើក។ កម្មវិធីការពារសំបុក លើកទឹកចិត្តឲ្យប្រជាសហគមន៍រស់នៅខេត្តក្រចេះ និងស្ទឹងត្រែង ចូលរួមការពារសត្វកន្ធាយក្បាលកង្កែប ដោយបានជ្រើសរើសអតីតអ្នកប្រមូលពង និងមេពូជកន្ធាយក្បាលកង្កែបឲ្យមកធ្វើការងារជាបុគ្គលិក របស់គម្រោងដើម្បីស្វែងរក និងការពារសំបុកសត្វកន្ធាយក្បាលកង្កែប ជំនួសឲ្យការប្រមូលយកពង និងមេពូជយកទៅហូប និងលក់។ រហូតមកដល់ពេលនេះ សំបុកពងកូនសត្វកន្ធាយក្បាលកង្កែបចំនួន៣៧៨ត្រូវបានការពារ ហើយជាលទ្ធផល ទទួលបានកូនញាស់ចំនួន៨,៥២៨កូន។
បើតាម លោក សោម ស៊ីថា ទីប្រឹក្សាបច្ចេកទេសគម្រោងអភិរក្សសត្វអណ្តើក ចាប់ពីឥឡូវនេះ រហូតដល់ខែមិថុនា គឺជាកំឡុងពេលសត្វកន្ធាយក្បាលកង្កែបពងកូន។ បន្ទាប់ពីរកឃើញសំបុកទី១នេះ ក្រុមអ្នកអភិរក្សរបស់អង្គការ (WCS) នឹងធ្វើការជាមួយរដ្ឋបាលជលផល និងប្រជាសហគមន៍ ដើម្បីស្វែងរកសំបុកបន្ថែមទៀត នៅតាមដងទន្លេមេគង្គ ដើម្បីការពារពួកវា ពីការប្រមូលយកពងកូន។ នេះបើតាម លោក សោម ស៊ីថា ដដែល ដែលលោក បានបន្តទៀតដូច្នេះ៖«កន្ធាយក្បាលកង្កែប គឺជាប្រភេទដ៏កម្រដែលអាចនឹងផុតពូជនៅក្នុងពេលអនាគត ប្រសិនបើយើងមិនមានវិធានអភិរក្សពួកវាឲ្យបានសមស្របទេនោះ។ ពួកវាមិនមានច្រើនក្បាលទេ ដែលរស់នៅក្នុងធម្មជាតិ។ ប្រជាពលរដ្ឋគ្រប់រូបអាចចូលរួមការពារប្រភេទសត្វដ៏កម្រមួយនេះបាន ដោយបញ្ឈប់ការទិញ ឬក៏បរិភោគសាច់ ឬពងរបស់វា»៕
Tag:
កន្ធាយក្បាលកង្កែប
WCS
ទន្លេមេគង្គ
ក្រចេះ
ស្ទឹងត្រែង
© រក្សាសិទ្ធិដោយ thmeythmey.com
