ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
ទូតកូរ៉េរៀបចំមហោស្រពម្ហូបអាហារដើមបង្កើនភាពស្និទ្ធស្នាលជាមួយកម្ពុជា
19, Dec 2017 ,
8:39 pm
រូបភាព
×
ដោយ:
ថ្មីៗ
ស្ថានទូតកូរ៉េខាងត្បូងប្រចាំកម្ពុជា កាលពីល្ងាចថ្ងៃចន្ទ ទី១៨ ខែធ្នូ បានអញ្ជើញមន្ត្រីរដ្ឋាភិបាលកម្ពុជា អង្គទូត និងអ្នកសារព័ត៌មាន ភ្លក់រសជាតិម្ហូបអាហារកូរ៉េដ៏សំបូរបែបនាមហោស្រពម្ហូបអាហារកូរ៉េ (Korean Food Festival) ដែលរៀបចំនៅសណ្ឋាគារ អាំងទែរកុងទីណង់តាល់។
«ក្រៅពីមហោស្រពខ្សែភាពយន្ត ការប្រគំតន្ត្រី និងកម្មវិធីប្រកួតក្បាច់គុនតេក្វាន់ដូ ម្ហូបអាហារក៏ជាមូលដ្ឋានមួយដ៏សំខាន់នៃការផ្លាស់ប្តូរវប្បធម៌ទៅវិញទៅមករវាងកូរ៉េខាងត្បូង និងកម្ពុជាផងដែរ»។ លោក ហាំ ចងហាន់ (Hahm Jeong-han) ភារធារីស្តីទីស្ថានទូតសាធារណរដ្ឋកូរ៉េ ប្រចាំកម្ពុជា បានថ្លែងយ៉ាងដូច្នេះនាមហាស្រពម្ហូបអាហារកូរ៉េ ដោយម្ហូបអាហារទាំងអស់នោះ ត្រូវបានជ្រើសរើស និងរៀបចំដោយ លោក Jeong Won-sik ដែលជាចុងភ្លៅដ៏ល្បីឈ្មោះម្នាក់។
នៅឆ្នាំ២០១៧នេះ កម្ពុជា និងកូរ៉េខាងត្បូង បានប្រារព្ធពិធីបុណ្យខួបគម្រប់២០ឆ្នាំនៃការបង្កើតចំណងទំនាក់ទំនងការទូតឡើងវិញរវាងប្រទេសទាំងពីរ ដោយស្ថានទូតកូរ៉េបានរៀបចំកម្មវិធីពិសេសៗជាច្រើនពេញមួយឆ្នាំ ដូចជាមហោស្រពខ្សែភាពយន្តកូរ៉េ កម្មវិធីប្រគុំតន្ត្រីប្រពៃណីកូរ៉េ និងកម្មវិធីប្រកួតក្បាច់គុនតេក្វាន់ដូផងដែរ ហើយមហោស្រពម្ហូបអាហារកូរ៉េ គឺជាព្រឹត្តិការណ៍សំខាន់បំផុត និងចុងក្រោយបង្អស់នៃ ព្រឹត្តិការណ៍ជាច្រើនប្រចាំឆ្នាំនេះ។
ភារធារីស្តីទីស្ថានទូតសាធារណរដ្ឋកូរ៉េ ប្រចាំកម្ពុជា មានក្តីរំពឹងថា ពិធីបុណ្យម្ហូបអាហារនេះ អាចបន្ថែមភាពស្និទ្ធស្នាលដល់ចំណង និងទំនាក់ទំនងមិត្តភាពជិតស្និទ្ធរវាងកូរ៉េ និងកម្ពុជា។ លោក ហាំ ចងហាន់ បានលើកឡើងថា៖ «នៅពេលដែលគេនិយាយថា “សូមប្រាប់ខ្ញុំថាអ្នកញ៉ាំអ្វី ហើយខ្ញុំនឹងប្រាប់អ្នកថាតើអ្នកគឺជានរណា” នោះមានន័យថាម្ហូបអាហារមិនមែនគ្រាន់តែជាបណ្ដុំនៃម្ហូបអាហារប៉ុណ្ណោះឡើយ។ ប៉ុន្តែម្ហូបអាហារគឺជាវប្បធម៌ របៀបរស់នៅ និងទស្សនវិជ្ជាមួយ។ ម្ហូបអាហារគឺជាមធ្យោបាយសំខាន់ និងច្បាស់លាស់បំផុតមួយ ដើម្បីស្វែងយល់ និងចូលឲ្យកាន់តែកៀកនឹងវប្បធម៌ផ្សេងៗ»។
លោក ហាំ ចងហាន់ បានបន្ថែមថា កូរ៉េ និងកម្ពុជា មានវប្បធម៌អាហារផ្ដោតលើអង្ករ និង ការត្រាំ ក្នុងការធ្វើម្ហូបអាហារដូចគ្នា ដោយប្រជាជនកម្ពុជាទទួលទានបាយ និងបង្អែមធ្វើពីអង្ករ ហើយប្រជាជនកូរ៉េក៏ទទួលទានបាយ នំធ្វើពីអង្ករ ភេសជ្ជៈ និងបង្អែមធ្វើពីអង្ករដូចគ្នាដែរ ហើយចំណុចដែលគួរឲ្យកត់សម្គាល់នោះ ម្ហូបខ្មែរតែងតែត្រូវការប្រហុក ចំណែកឯម្ហូបកូរ៉េតែងតែមានគីមឈីជានិច្ចផងដែរ។
មុនអញ្ជើញភ្ញៀវនាំបរិភោគអាហារ បង្អែម និងភេសជ្ជៈរបស់កូរ៉េ លោក ហាំ ចងហាន់ បានលើកយកពាក្យស្លោកមួយឃ្លាដែល ថា «គ្មានកម្លាំងគឺគ្មានបញ្ញា គ្មានអាហារគឺជីវិតគ្មានន័យ»៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
Korean Food Festival
កម្ពុជា-កូរ៉េ
© រក្សាសិទ្ធិដោយ thmeythmey.com
អត្ថបទពេញនិយម
តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?
5 ថ្ងៃ
តើពាក្យ«ពិសោធ» និង«ពិសោធន៍» មានលក្ខខណ្ឌប្រើប្រាស់ខុសគ្នាដូចម្ដេច?
2 ថ្ងៃ
«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?
4 ថ្ងៃ
តើពាក្យ «សូម, សុំ» មានន័យខុសគ្នាយ៉ាងដូចម្តេច?
3 ថ្ងៃ
តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?
6 ថ្ងៃ
អត្ថបទពេញនិយមបន្ថែម