ជាតិ
មេធាវី ឈប់ចូលរួមសវនាការ ដែលរៀបចំក្នុងពន្ធនាគារ ព្រោះខុសឆន្ទៈលោក កឹម សុខា
រូបភាព៖ លោកមេធាវី សំ សុគង់ (នៅមុខគេ) និងសហមេធាវីផ្សេងទៀត ដែលរួមគ្នាការពារក្តីឲ្យលោក កឹម សុខា អតីតប្រធានគណបក្សសង្គ្រោះជាតិ ដើរចេញពីសាលាឧទ្ធរណ៍ កាលពីកន្លងមក
×![]()
ដោយ: ថ្មីៗ
ភ្នំពេញ៖ តាមកាលកំណត់ លោក គី ឫទ្ធី ចៅក្រមស៊ើបសួរនៃសាលាដំបូងរាជធានីភ្នំពេញ ត្រូវទៅសួរលោក កឹម សុខា អតីតប្រធានគណបក្សសង្គ្រោះជាតិ ដែលកំពុងជាប់ឃុំក្នុងពន្ធនាគារចំនួនពីរដងទៀត គឺនៅថ្ងៃទី២១នេះ និងថ្ងៃទី២២ ខែធ្នូ ឆ្នាំ២0១៧។ នេះបើតាមលោក សំ សុគង់ មេធាវីមួយរូបរបស់លោក កឹម សុខា។
លោក សំ សុគង់ ប្រាប់សារព័ត៌មានថ្មីៗតាមទូរសព្ទនៅព្រឹកនេះថា ក្រុមមេធាវី ឈប់បន្តចូលរួមសវនាការ ដែលចៅក្រមស៊ើបសួរ រៀបចំក្នុងពន្ធនាគារ ដើម្បីសួរលោក កឹម សុខា ទៀតហើយ។ លោកមេធាវី អះអាងថា លោក កឹម សុខា ធ្លាប់ស្នើដោយផ្ទាល់មាត់ ទៅកាន់ចៅក្រមស៊ើបសួរ ដើម្បីនាំលោក ទៅសាកសួរក្នុងបរិវេណតុលាការរាជធានីភ្នំពេញ ប៉ុន្តែសំណើនេះ ត្រូវបានច្រានចោល។
លោកមេធាវីរូបនេះ បញ្ជាក់យ៉ាងដូច្នេះថា៖«ធ្វើអ៊ីចឹង គឺផ្ទុយពីឆន្ទៈរបស់លោក កឹម សុខា។ ដូច្នេះហើយ បានជាយើងខ្ញុំ សម្រេចចិត្តមិនចូលរួម។ ហើយខ្ញុំ គិតថា លោក កឹម សុខា ក៏ប្រហែលជាមិនចូលរួមដែរ»។
ដោយសារតែចៅក្រមស៊ើបសួរ មិនព្រមនាំខ្លួនលោក កឹម សុខា ទៅសួរនៅក្នុងបរិវេណតុលាការ ក្រុមមេធាវី បានរៀបចំបណ្តឹង ហើយគ្រោងដាក់ទៅកាន់សាលាឧទ្ធរណ៍ក្នុងពេលឆាប់ៗនេះ ដើម្បីសុំជំទាស់។ សម្រាប់ក្រុមមេធាវី ការសួរជនត្រូវចោទ គឺត្រូវធ្វើឡើងក្នុងបរិវេណតុលាការ មិនមែនក្នុងពន្ធនាគារនោះទេ។
កន្លងមក លោក គី ឫទ្ធី បានទៅជួបលោក កឹម សុខា ដោយផ្ទាល់ចំនួនពីរលើករួចមកហើយ ដើម្បីចោទសួរពីបទសង្ស័យពីអំពើក្បត់ជាតិ។ កាលពីយប់ថ្ងៃទី២ ឈានចូលថ្ងៃទី៣ ខែកញ្ញា ឆ្នាំ២0១៧ តុលាការ ដឹកនាំកម្លាំងសមត្ថកិច្ចចុះទៅចាប់លោក កឹម សុខា ដល់គេហដ្ឋាន ហើយបញ្ជូនទៅឃុំក្នុងពន្ធនាគារត្រពាំងផ្លុង ខេត្តត្បូងឃ្មុំ។
តុលាការ យកវីដេអូឃ្លីបមួយ ដែលលោក កឹម សុខា បាននិយាយតាំងប៉ុន្មានឆ្នាំមុន ទៅធ្វើជាអង្គហេតុក្នុងការចាប់ខ្លួន និងដាក់លោក កឹម សុខា ឲ្យស្ថិតនៅក្រោមការសង្ស័យថា បានឃុបឃិតជាមួយបរទេសជាសម្ងាត់ ដើម្បីផ្តួលរំលំរដ្ឋាភិបាលកម្ពុជា។ ក្នុងវីដេអូឃ្លីបនោះ លោក កឹម សុខា បាននិយាយទៅកាន់អ្នកគាំទ្រថា ខ្លួនមានអ្នកជំនាញជាជនបរទេសនៅពីក្រោយ ដើម្បីជួយជ្រោមជ្រែង ក្នុងការផ្លាស់ប្តូរមេដឹកនាំកនៅកម្ពុជា។
ក្តីសង្ស័យលើលោក កឹម សុខា ជុំវិញអំពើក្បត់ជាតិ ត្រូវបានក្រសួងមហាផ្ទៃ យកទៅផ្សារភ្ជាប់ជាមួយគណបក្សសង្គ្រោះជាតិទាំងមូល។ ក្រសួងមហាផ្ទៃ យល់ថា គណបក្សសង្គ្រោះជាតិ ក៏អាចជាប់ទាក់ទងនឹងអំពើក្បត់ជាតិ ដូចលោក កឹម សុខា ដែរ ទើបដាក់បណ្តឹងទៅកាន់តុលាការកំពូល ដើម្បីសុំឲ្យរំលាយចោល។ នៅថ្ងៃទី១៦ ខែវិច្ឆិកា ឆ្នាំ២0១៧នេះ តុលាការកំពូល នឹងបើកសវនាការលើបណ្តឹងសុំឲ្យរំលាយគណបក្សសង្គ្រោះជាតិ៕
លោក សំ សុគង់ ប្រាប់សារព័ត៌មានថ្មីៗតាមទូរសព្ទនៅព្រឹកនេះថា ក្រុមមេធាវី ឈប់បន្តចូលរួមសវនាការ ដែលចៅក្រមស៊ើបសួរ រៀបចំក្នុងពន្ធនាគារ ដើម្បីសួរលោក កឹម សុខា ទៀតហើយ។ លោកមេធាវី អះអាងថា លោក កឹម សុខា ធ្លាប់ស្នើដោយផ្ទាល់មាត់ ទៅកាន់ចៅក្រមស៊ើបសួរ ដើម្បីនាំលោក ទៅសាកសួរក្នុងបរិវេណតុលាការរាជធានីភ្នំពេញ ប៉ុន្តែសំណើនេះ ត្រូវបានច្រានចោល។
លោកមេធាវីរូបនេះ បញ្ជាក់យ៉ាងដូច្នេះថា៖«ធ្វើអ៊ីចឹង គឺផ្ទុយពីឆន្ទៈរបស់លោក កឹម សុខា។ ដូច្នេះហើយ បានជាយើងខ្ញុំ សម្រេចចិត្តមិនចូលរួម។ ហើយខ្ញុំ គិតថា លោក កឹម សុខា ក៏ប្រហែលជាមិនចូលរួមដែរ»។
ដោយសារតែចៅក្រមស៊ើបសួរ មិនព្រមនាំខ្លួនលោក កឹម សុខា ទៅសួរនៅក្នុងបរិវេណតុលាការ ក្រុមមេធាវី បានរៀបចំបណ្តឹង ហើយគ្រោងដាក់ទៅកាន់សាលាឧទ្ធរណ៍ក្នុងពេលឆាប់ៗនេះ ដើម្បីសុំជំទាស់។ សម្រាប់ក្រុមមេធាវី ការសួរជនត្រូវចោទ គឺត្រូវធ្វើឡើងក្នុងបរិវេណតុលាការ មិនមែនក្នុងពន្ធនាគារនោះទេ។
កន្លងមក លោក គី ឫទ្ធី បានទៅជួបលោក កឹម សុខា ដោយផ្ទាល់ចំនួនពីរលើករួចមកហើយ ដើម្បីចោទសួរពីបទសង្ស័យពីអំពើក្បត់ជាតិ។ កាលពីយប់ថ្ងៃទី២ ឈានចូលថ្ងៃទី៣ ខែកញ្ញា ឆ្នាំ២0១៧ តុលាការ ដឹកនាំកម្លាំងសមត្ថកិច្ចចុះទៅចាប់លោក កឹម សុខា ដល់គេហដ្ឋាន ហើយបញ្ជូនទៅឃុំក្នុងពន្ធនាគារត្រពាំងផ្លុង ខេត្តត្បូងឃ្មុំ។
តុលាការ យកវីដេអូឃ្លីបមួយ ដែលលោក កឹម សុខា បាននិយាយតាំងប៉ុន្មានឆ្នាំមុន ទៅធ្វើជាអង្គហេតុក្នុងការចាប់ខ្លួន និងដាក់លោក កឹម សុខា ឲ្យស្ថិតនៅក្រោមការសង្ស័យថា បានឃុបឃិតជាមួយបរទេសជាសម្ងាត់ ដើម្បីផ្តួលរំលំរដ្ឋាភិបាលកម្ពុជា។ ក្នុងវីដេអូឃ្លីបនោះ លោក កឹម សុខា បាននិយាយទៅកាន់អ្នកគាំទ្រថា ខ្លួនមានអ្នកជំនាញជាជនបរទេសនៅពីក្រោយ ដើម្បីជួយជ្រោមជ្រែង ក្នុងការផ្លាស់ប្តូរមេដឹកនាំកនៅកម្ពុជា។
ក្តីសង្ស័យលើលោក កឹម សុខា ជុំវិញអំពើក្បត់ជាតិ ត្រូវបានក្រសួងមហាផ្ទៃ យកទៅផ្សារភ្ជាប់ជាមួយគណបក្សសង្គ្រោះជាតិទាំងមូល។ ក្រសួងមហាផ្ទៃ យល់ថា គណបក្សសង្គ្រោះជាតិ ក៏អាចជាប់ទាក់ទងនឹងអំពើក្បត់ជាតិ ដូចលោក កឹម សុខា ដែរ ទើបដាក់បណ្តឹងទៅកាន់តុលាការកំពូល ដើម្បីសុំឲ្យរំលាយចោល។ នៅថ្ងៃទី១៦ ខែវិច្ឆិកា ឆ្នាំ២0១៧នេះ តុលាការកំពូល នឹងបើកសវនាការលើបណ្តឹងសុំឲ្យរំលាយគណបក្សសង្គ្រោះជាតិ៕
Tag:
កឹម សុខា
CNRP
តុលាការ
មេធាវី
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
