កីឡាជាតិ
ជាតិ
ព្រះខ័នរាជឈ្នះពាន សម្តេច ហ៊ុន សែន លើកទី៤ ហើយធ្វើឲ្យណាហ្គាបានលេខ២ដល់ទៅ៥លើក ក្រុមអ្នកគាំទ្រព្រះខ័នរាជស្វាយរៀង។ រូបថត សឿន វណ្ណឌេត
× ក្រុមព្រះខ័នរាជស្វាយរៀង បានបង្កើនកំណត់ត្រារបស់ខ្លួនក្នុងនាមជាក្រុមជើងឯកពានរង្វាន់សម្តេច ហ៊ុន សែន លើកទី៤ បន្ទាប់ពីបានយកឈ្នះណាហ្គាវើល ៣-០ នៅវគ្គផ្តាច់ព្រ័ត្រ នាថ្ងៃពុធ ទី២៧ ខែធ្នូ ឆ្នាំ២០១៧ នៅពហុកីឡដ្ឋានជាតិ។
នៅ៤៥នាទីដំបូង សុក សំណាង រកបាន២គ្រាប់ ហើយ ហួយ ផល្លីន បន្ថែមគ្រាប់ទី៣ ខណៈការប្រកួតដំណើរការបាន៦៥នាទី ដែលនាំឲ្យព្រះខ័នរាជស្វាយរៀងឈ្នះណាហ្គាវើល ៣-០ ។ នេះជាជ័យជម្នះលើកទី៣របស់ព្រះខ័នរាជស្វាយរៀង លើណាហ្គាវើលនៅវគ្គផ្តាច់ព្រ័ត្រពានរង្វាន់សម្តេច ហ៊ុន សែន បន្ទាប់ពីពួកគេសម្រេចបាននៅឆ្នាំ២០១២ និង២០១៥ ។
សម្រាប់ព្រះខ័នរាជស្វាយរៀង ពួកគេបានបង្កើតកំណត់ត្រាឈ្នះពានសម្តេច ហ៊ុន សែន រហូតដល់ទៅ៤លើក ដោយក្រៅពីឈ្នះណាហ្គាវើលទាំង៣លើក ពួកគេបានយកឈ្នះបៀលប្រាយយូណាយធីតផងដែរនាវគ្គផ្តាច់ព្រ័ត្រកាលពីឆ្នាំ២០១១ ។
បើគិតចាប់តាំងពីការបង្កើតពានតាំងពីឆ្នាំ២០០៧មក ព្រះខ័នរាជស្វាយរៀងឈ្នះ៤លើក ភ្នំពេញក្រោន និងក្រសួងការពារជាតិឈ្នះ២លើក ខណៈណាហ្គាវើល អគ្គស្នងការដ្ឋាននគរបាលជាតិ និងខេមរាកីឡា (ត្រូវបានរំសាយកាលពីឆ្នាំ២០១១ ដោយបញ្ហាហិរញ្ញវត្ថុ) ធ្លាប់ឈ្នះតំណែងជើងឯក១លើក។ ក្នុងការប្រកួត១១រដូវកាលកន្លងមក ណាហ្គាវើលជាប់កំណត់ត្រាជាក្រុមជើងឯករងច្រើនជាងគេ ពោលគឺរហូតដល់ទៅ៥លើក (២០០៧, ២០០៩, ២០១២, ២០១៥ និង២០១៧)៕
សារព័ត៌មានថ្មីៗនឹងផ្តល់ព័ត៌មានលម្អិតបន្ថែមទៀតទាក់ទងនឹងប្រាក់រង្វាន់...
Tag:
បាល់ទាត់
Hun Sen Cup 2017
© រក្សាសិទ្ធិដោយ thmeythmey.com