ព្រះមហាក្សត្រដំឡើងឋានន្តរស័ក្តិ ចៅក្រម និងព្រះរាជាអាជ្ញាជិត២០០នាក់

ជាតិ

ព្រះមហាក្សត្រដំឡើងឋានន្តរស័ក្តិ ចៅក្រម និងព្រះរាជាអាជ្ញាជិត២០០នាក់

29, Dec 2017 , 10:39 pm

រូបភាព

ដោយ: ថ្មីៗ

ចៅក្រម និងព្រះរាជអាជ្ញា ជិត២០០នាក់ ត្រូវបានព្រមហាក្សត្រចេញព្រះរាជក្រឹត្យ ដំឡើងថ្នាក់ និងឋានន្តរស័ក្តិ ទៅតាមកម្រិតសញ្ញាបត្រ។នេះបើតាមព្រះរាជក្រឹត្យ ចុះថ្ងៃទី២៧ ខែធ្នូ ។

ព្រះបាទសម្ដេចនរោត្តម សីហមុនី ព្រះមហាក្សត្រនៃកម្ពុជា បានដំឡើងថ្នាក់ និងឋានន្តរស័ក្តិ ដល់ចៅក្រម១២៣នាក់ និងព្រះរាជអាជ្ញា ៧២នាក់ ទៅតាមកម្រិតសញ្ញាបត្រ តាមការស្នើរបស់ លោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ និងជាសមាជិកក្រុមប្រឹក្សានៃអង្គចៅក្រម ។

ក្នុងព្រះរាជក្រឹត្យបានឲ្យដឹងថា ចៅក្រម ១២៣នាក់ នៃក្របខ័ណ្ឌចៅក្រមគឺ ដំឡើងថ្នាក់ ពីឧត្តមចៅក្រម ថ្នាក់លេខ៥ មកឧត្តមចៅក្រមថ្នាក់លេខ៤ និងឋានន្តរស័ក្តិ ពីវរៈចៅក្រម ថ្នាក់លេខ១ មកឧត្តមចៅក្រម ថ្នាក់លេខ៦។

ចំណែកការដំឡើងថ្នាក់ និងឋានន្តរស័ក្តិ តាមកម្រិតសញ្ញាបត្ររបស់ ព្រះរាជអាជ្ញា ៧២នាក់ នៃក្របខ័ណ្ឌព្រះរាជាអាជ្ញាតាមឋាណានុក្រម ដោយចាប់ពីវរៈព្រះរាជអាជ្ញា ថ្នាក់លេខ៤ ដល់ថ្នាក់លេខ១ និងពីវរៈអាជ្ញាថ្នាក់លេខ១ មកឧត្តមព្រះរាជអាជ្ញា ថ្នាក់លេខ៦។ នេះជាលើកទី១ហើយ ដែលចៅក្រម និងព្រះរាជអាជ្ញា ត្រូវបានដំឡើងថ្នាក់ និងឋានន្ដរស័ក្ដិតាមកម្រិតសញ្ញាបត្រ បន្ទាប់ពីធ្វើសមាហរណកម្មក្របខណ្ឌ របស់ចៅក្រម -ព្រះរាជអាជ្ញា កាលពីខែធ្នូ ឆ្នាំ២០១៦កន្លងមក៕