ជាតិ
តុលាការម៉ាឡេស៊ីកាត់ទោសប្ដីប្រពន្ធដែលបង្អត់អាហារពលករកម្ពុជាដល់ស្លាប់ ជាប់គុក១០ឆ្នាំ
ប្ដីប្រពន្ធម៉ាឡេស៊ីទាំងពីរ (រូបភាព៖ The Star)
×![]()
ដោយ: ថ្មីៗ
ប្ដីប្រពន្ធជនជាតិម៉ាឡេស៊ី ដែលប្រឈមមុខការជាប់ទោសប្រហារជីវិតលើករណីបង្អត់អាហារពលករកម្ពុជាម្នាក់ ត្រូវបានតុលាការកាត់ទោសឲ្យជាប់ពន្ធនាគាររយៈពេល១០ឆ្នាំ។ ក្នុងសវនាការថ្ងៃទី២៥ ខែមករា លោក Tun Md Raus Sharif ប្រធានចៅក្រមតុលាការសហព័ន្ធម៉ាឡេស៊ីសម្រេចដាក់ទោសជនល្មើសទាំងពីរពីបទបង្អត់អាហារដល់ស្លាប់ ដែលត្រូវអនុវត្តទោសស្រាលជាងបទឃាតកម្ម។
បើតាមសារព័ត៌មាន Straits Times ជនល្មើសជាប្ដីឈ្មោះ Soh Chew Tong និងប្រពន្ធឈ្នោះ Chin Chui Ling ត្រូវបានតុលាការម៉ាឡេស៊ីកាត់ទោសពីបទឃាតកម្មលើស្ត្រីបម្រើតាមផ្ទះជនជាតិកម្ពុជាឈ្មោះ Mey Sichan អាយុ២៤ឆ្នាំ នៅឯផ្ទះពួកគេនៅក្នុងរដ្ឋ Penang ចន្លោះថ្ងៃទី១ ខែមករា ដល់ថ្ងៃទី១ ខែមីនា ឆ្នាំ២០១២ ។ ជនរងគ្រោះ ដែលចាប់ផ្ដើមធ្វើការនៅខែកក្កដា ឆ្នាំ២០១១ ត្រូវរកឃើញថា ស្លាប់ ដោយមានស្លាកស្នាមរបួសថ្មីៗ និងខ្វះជាតិទឹកខ្លាំង ហើយទម្ងន់ត្រឹម២៦គីឡូក្រាមប៉ុណ្ណោះ។
ជុំវិញករណីឃាតកម្មនេះ ប្ដីប្រពន្ធខាងលើត្រូវបានតុលាការរដ្ឋ Penang កាត់ទោសឲ្យជាប់ពន្ធនាគារម្នាក់២៤ឆ្នាំ ក្រោមបទចោទបង្អត់អាហាដល់ស្លាប់។ ប៉ុន្តែក្នុងខែតុលា ឆ្នាំ២០១៥ តុលាការឧទ្ធរណ៍ម៉ាឡេស៊ីក៏សម្រេចកាត់ទោសប្រហារជីវិតពីរនាក់ប្ដីប្រពន្ធនេះ ក្រោមបទចោទឃាតកម្ម។
ក្នុងការកាត់ក្ដីថ្ងៃទី២៥ ខែមករា លោក Gopal Sri Ram មេធាវីអ្នកទាំងពីរស្នើឲ្យតុលាការបន្ធូរទោស ព្រោះកូនក្ដីរបស់ខ្លួនបានបង្ហាញការវិប្បដិសារី។ ចំណែកឯរាជអាជ្ញាសាធារណៈរង លោក Awang Armadajaya Awang Mahmud ចង់ឲ្យតុលាការដាក់ទោសធ្ងន់។ លោកនិយាយថា ហេតុការណ៍នេះបានកើតឡើងរួចហើយ ហើយតុលាការគួរផ្ញើសារទៅកាន់ប្រជាជនទូទៅ ព្រោះករណីនេះជាប់ទាកទិនអំពើឃោរឃៅលើស្ត្រីបម្រើតាមផ្ទះ។
លោក K. Kumaraendran មេធាវីម្នាក់ទៀតរបស់ជនល្មើសទាំងពីរនិយាយថា កូនក្ដីរបស់ខ្លួនជាប់ឃុំ រយៈពេលជិត៣ឆ្នាំហើយ។ លោកបន្តថា ដោយគិតពីការកាត់បន្ថយទោសចំនួន១ភាគ៣នៃទោសសរុបសម្រាប់ការកែខ្លួន ជនល្មើសពីរនាក់ប្ដីប្រពន្ធនេះត្រូវអនវត្តទោសចំនួន៤ឆ្នាំកន្លះទៀត៕
បើតាមសារព័ត៌មាន Straits Times ជនល្មើសជាប្ដីឈ្មោះ Soh Chew Tong និងប្រពន្ធឈ្នោះ Chin Chui Ling ត្រូវបានតុលាការម៉ាឡេស៊ីកាត់ទោសពីបទឃាតកម្មលើស្ត្រីបម្រើតាមផ្ទះជនជាតិកម្ពុជាឈ្មោះ Mey Sichan អាយុ២៤ឆ្នាំ នៅឯផ្ទះពួកគេនៅក្នុងរដ្ឋ Penang ចន្លោះថ្ងៃទី១ ខែមករា ដល់ថ្ងៃទី១ ខែមីនា ឆ្នាំ២០១២ ។ ជនរងគ្រោះ ដែលចាប់ផ្ដើមធ្វើការនៅខែកក្កដា ឆ្នាំ២០១១ ត្រូវរកឃើញថា ស្លាប់ ដោយមានស្លាកស្នាមរបួសថ្មីៗ និងខ្វះជាតិទឹកខ្លាំង ហើយទម្ងន់ត្រឹម២៦គីឡូក្រាមប៉ុណ្ណោះ។
ជុំវិញករណីឃាតកម្មនេះ ប្ដីប្រពន្ធខាងលើត្រូវបានតុលាការរដ្ឋ Penang កាត់ទោសឲ្យជាប់ពន្ធនាគារម្នាក់២៤ឆ្នាំ ក្រោមបទចោទបង្អត់អាហាដល់ស្លាប់។ ប៉ុន្តែក្នុងខែតុលា ឆ្នាំ២០១៥ តុលាការឧទ្ធរណ៍ម៉ាឡេស៊ីក៏សម្រេចកាត់ទោសប្រហារជីវិតពីរនាក់ប្ដីប្រពន្ធនេះ ក្រោមបទចោទឃាតកម្ម។
ក្នុងការកាត់ក្ដីថ្ងៃទី២៥ ខែមករា លោក Gopal Sri Ram មេធាវីអ្នកទាំងពីរស្នើឲ្យតុលាការបន្ធូរទោស ព្រោះកូនក្ដីរបស់ខ្លួនបានបង្ហាញការវិប្បដិសារី។ ចំណែកឯរាជអាជ្ញាសាធារណៈរង លោក Awang Armadajaya Awang Mahmud ចង់ឲ្យតុលាការដាក់ទោសធ្ងន់។ លោកនិយាយថា ហេតុការណ៍នេះបានកើតឡើងរួចហើយ ហើយតុលាការគួរផ្ញើសារទៅកាន់ប្រជាជនទូទៅ ព្រោះករណីនេះជាប់ទាកទិនអំពើឃោរឃៅលើស្ត្រីបម្រើតាមផ្ទះ។
លោក K. Kumaraendran មេធាវីម្នាក់ទៀតរបស់ជនល្មើសទាំងពីរនិយាយថា កូនក្ដីរបស់ខ្លួនជាប់ឃុំ រយៈពេលជិត៣ឆ្នាំហើយ។ លោកបន្តថា ដោយគិតពីការកាត់បន្ថយទោសចំនួន១ភាគ៣នៃទោសសរុបសម្រាប់ការកែខ្លួន ជនល្មើសពីរនាក់ប្ដីប្រពន្ធនេះត្រូវអនវត្តទោសចំនួន៤ឆ្នាំកន្លះទៀត៕
Tag:
ម៉ាឡេស៊ី
កម្ពុជា
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
