ឱកាសពិសេស! ណាហ្គាវើលបញ្ចុះតម្លៃពិសេសលើម្ហូបមហាសម្បត្តិចិន ក្នុងថ្ងៃបុណ្យចូលឆ្នាំចិន

អត្ថបទពាណិជ្ជកម្ម

ឱកាសពិសេស! ណាហ្គាវើលបញ្ចុះតម្លៃពិសេសលើម្ហូបមហាសម្បត្តិចិន ក្នុងថ្ងៃបុណ្យចូលឆ្នាំចិន

05, Feb 2018 , 3:25 pm

រូបភាព

ដោយ:

ភ្នំពេញ៖ ណាហ្គាវើលជាមណ្ឌលកម្សាន្តចម្រុះ ឈ្នះពានរង្វាន់លំដាប់ពិភពលោក ដែលជាកន្លែងដ៏ស័ក្តិសម សម្រាប់ប្រារព្ធពិធីបុណ្យចូលឆ្នាំចិន។ ណាហ្គាវើល មិនត្រឹមតែផ្តល់ជូនភ្ញៀវ នូវអាហារដែលមានរសជាតិឆ្ងាញ់ប៉ុណ្ណោះទេ តែអាចទស្សនាការសម្តែងពិសេស និងទទួលបានការបញ្ចុះតម្លៃដ៏ច្រើនសន្ធឹកសន្ធាប់ ចាប់ពីឥឡូវនេះ រហូតដល់ថ្ងៃទី ៤ ខែមីនា ឆ្នាំ២០១៨ ទៀតផង។

ភោជនីយដ្ឋានចិន ឈ្នះពានរង្វាន់របស់ណាហ្គាវើល Fortune Palace (ជាន់ទី១ណាហ្គាវើល) និងភោជនីយដ្ឋានចិន Hall of Golden Chimes (ជាន់ទី៥ណាហ្គាទី២) មានបម្រើម្ហូបអ៊ីសាងនាំសំណាង ជាម្ហូបចូលឆ្នាំចិន ដែលកំពុងពេញនិយមក្នុងតំបន់អាស៊ីភាគអាគ្នេយ៍។ ម្ហូបទាំងនោះ រួមមានត្រីសាលម៉ុនស្រស់ ត្រីធូណាស្រស់ ឬលៀសសមុទ្រ សម្រាប់រីករាយនៅក្នុងភោជនីយដ្ឋាន ឬអាចខ្ចប់យកទៅគេហដ្ឋាន ខណៈភ្ញៀវអាចកុម្មង់គ្រឿងផ្សំបន្ថែមដូចជា បង្កង ឬខ្យងប្រមោយដំរី។

ម្ហូបពិសេសដែលមានគ្រឿងផ្សំជាច្រើននេះ តម្រូវឲ្យអ្នកពិសាត្រូវចាប់ម្ហូបនេះឡើង លើខ្ពស់ដោយប្រើចង្កឹះវែង រួចហើយនិយាយពាក្យជូនពរសិរីសួស្តី សំណាងល្អ និងមានទ្រព្យសម្បត្តិស្តុកស្តម្ភក្នុងឆ្នាំថ្មី។ ការធ្វើដូច្នេះ ដោយសារគេជឿថា កាលណាចាប់ម្ហូបនេះកាន់តែខ្ពស់ នឹងមានសំណាងកាន់តែល្អ។

លើសពីនេះម្ហូបមហាសម្បត្តិចិន ដែលជាម្ហូបប្រពៃណីចិន និងមានបម្រើនៅភោជនីយដ្ឋានចិន Hall of Golden Chimes នៅណាហ្គាទី២ មានកំពូលគ្រឿងផ្សំកម្រដូចជា បង្កង ប៉ាវហ៊ឺ ឈ្លើងសមុទ្រ និងលៀសសមុទ្រ ដែលផ្តល់មហាលាភសំណាងពេញមួយឆ្នាំដល់អ្នកពិសា។

ភោជនីយដ្ឋានចិន Fortune Palace មានបម្រើម្ហូបឈុតពិសេស២មុខ (សម្រាប់គ្នា១០នាក់)នៅថ្ងៃត្រង់ និងពេលល្ងាច។ ណាហ្គាវើល ក៏មានម្ហូបសម្រាប់កម្មវិធីពិសេស តាមការកុម្ម៉ង់របស់អតិថិជននៅសាលពិធី Grand Ballroom និងភោជនីយដ្ឋានដទៃផងដែរ។ ចំណែកនៅភោជនីយដ្ឋានចិន Fortune Palace ភោជនីយដ្ឋានចិន Hall of Golden Chimes និងភោជនីយដ្ឋាន Chopstick (ជាន់ផ្ទាល់ដីណាហ្គាវើល) មានបម្រើម្ហូបចិនពិសេសរៀងៗខ្លួន និងម្ហូបណែនាំដោយមេចុងភៅជាច្រើនមុខ។ ទទួលយកនូវបទពិសោធន៍ដ៏អស្ចារ្យ និងពិសាម្ហូបរសជាតិដើមឆ្ងាញ់លើសគេនៅណាហ្គាវើល។

ក្រៅពីពិសារម្ហូបអាហារលាភសំណាងដ៏ឈ្ងុយឆ្ងាញ់ ភ្ញៀវជាតិ និងអន្តរជាតិទាំងអស់ អាចទស្សនាការសម្តែង ជាមួយលោកតាចិន ដែលគាត់នឹងដើរជុំវិញណាហ្គាវើល ដើម្បីចែកអាំងប៉ាវ ដែលមានរង្វាន់ជាច្រើនសម្រាប់ភ្ញៀវ។ លោកតាចិន និងលោកយាយចិន នឹងចូលរួមសម្តែងជាមួយក្រុមសិល្បៈអន្តរជាតិ ប្រចាំណាហ្គាវើល ដើម្បីអបអរពិធីបុណ្យចូលឆ្នាំថ្មី ប្រពៃណីចិនសម្រាប់ភ្ញៀវទស្សនាកម្សាន្ត ដោយសេរីរៀងរាល់ថ្ងៃចាប់ពីម៉ោង ៧ យប់ នៅឆាកជាន់ផ្ទាល់ដីណាហ្គាវើល ពេញមួយរដូវបុណ្យចូលឆ្នាំចិន។

អតិថិជនអាជទិញនំត្រីនាំលាភ និងនំប្រពៃណីចិនជាច្រើនមុខ ច្នៃយ៉ាងពិសេសដោយមេចុងភៅឈ្នះពានរង្វាន់ ប្រចាំណាហ្គាវើល ដែលមានតាំងលក់នៅកន្លែងទទួលភ្ញៀវនៅណាហ្គាវើល និង ភោជនីយដ្ឋានក្រោមដី Food Pavilion នៅណាហ្គាទី២។ ចំណែកនៅផ្សារទំនើបក្រោមដីណាហ្គាស៊ីធីវ៉ក ដែលជាផ្សារទំនើបក្រោមដីដំបូងគេបង្អស់ក្នុងប្រទេសកម្ពុជា ដែលភ្ជាប់ណាហ្គាវើលទៅណាហ្គាទី ២ ក៏មានការបញ្ចុះតម្លៃដ៏ច្រើន ទៅលើមុខទំនិញប្រណីតរួចពន្ធជាង ២០០ មុខផងដែរ។

ណាហ្គាវើល នឹងផ្តល់ជូនឲ្យភ្ញៀវ នូវតុក្កតារូបសុនខដ៏ស្រស់ស្អាតមួយ សម្រាប់ជាកាដូដល់ភ្ញៀវ នៅពេលចុះឈ្មោះជាសមាជិកថ្មីហ្គោលដិនអេចរីវ៉ត កក់សម្រាប់ស្នាក់នៅបន្ទប់ Superior នៅណាហ្គាទី ២ តាមរយៈ www.nagaworld.com (ចុះឈ្មោះពីថ្ងៃទី ១៥ កុម្ភៈ ដល់ ២ មីនា) ឬចំណាយចាប់ពី ៨៨$ នៅភោជនីយដ្ឋានចិន Fortune Palace ឬភោជនីយដ្ឋានចិន Hall of Golden Chimes នៅណាហ្គាទី ២ ក្នុងវិក្កយបត្រមួយ។

ស្នាក់នៅប្រកបដោយសេចក្តីសុខ និងផាសុកភាពក្នុងបន្ទប់ Superior ថ្មីស្រឡាងនៅណាហ្គាទី ២ តម្លៃ ៩៥$ ប៉ុណ្ណោះក្នុងមួយយប់ ។ សូមកក់ឥឡូវនេះតាមរយៈ www.nagaworld.com ដើម្បីទទួលបានអត្ថប្រយោជន៍ជាច្រើន ដូចជាប៊ុហ្វេពេលព្រឹកឥតគិតថ្លៃនៅភោជនីយដ្ឋាន 2Pangea បណ្ណបញ្ចុះតម្លៃនៅណាហ្គាទី ២ បណ្ណបញ្ចុះតម្លៃអាហារ និងភេសជ្ជៈ ការបញ្ចុះតម្លៃស្ប៉ា និងអត្ថប្រយោជន៍ជាច្រើនទៀត។

ប្រារព្ធបុណ្យចូលឆ្នាំថ្មីប្រពៃណីចិន ជាមួយយើងនៅណាហ្គាវើល ដែលជាមណ្ឌលកម្សាន្តចម្រុះ ឈ្នះពានរង្វាន់លំដាប់ពិភពលោក ពុកម៉ែបងប្អូនទាំងអស់ មានសំណាងល្អ សុខភាពល្អ សុភមង្គល និងទ្រព្យសម្បត្តិស្តុកស្តម្ភគ្រប់ៗគ្នា។ ណាហ្គាវើលភ្នំពេញ គឺជាសណ្ឋាគារ និងមណ្ឌលកម្សាន្តចម្រុះ ឈានមុខគេក្នុងប្រទេសកម្ពុជា ដែលទទួលបានពានរង្វាន់អន្តរជាតិជាច្រើនក្នុងវិស័យបដិសណ្ឋារកិច្ច និងទេសចរណ៍។ ណាហ្គាវើល ត្រូវបានគ្រប់គ្រងដោយក្រុមហ៊ុនណាហ្គាខប ដែលបានចុះបញ្ជីក្នុងទីផ្សារភាគហ៊ុនហុងកុង។

ជាមួយការពង្រីកបន្ថែមថ្មីចុងក្រោយ ណាហ្គាវើល មានបន្ទប់ប្រភេទស្វីត និងដឺលុច្សជាង ១.៦៥៨ បន្ទប់ ភោជនីយដ្ឋាន បានីយដ្ឋាន និងក្លិប ២៧ កន្លែង មណ្ឌលស្ប៉ាប្រណីតពីរ សាលមហោស្រព NABA ដែលមាន ២.០០០ កៅអីនៅណាហ្គាទី ២ ហាងលក់ទំនិញរួចពន្ធ ប្រតិបត្តិការដោយក្រុមហ៊ុន China Duty Free Group ដែលជាផ្សារទំនើបក្រោមដីទីមួយ ក្នុងប្រទេសកម្ពុជា ដែលមានលក់ទំនិញម៉ាកអន្តរជាតិល្បីៗ សេវាកម្សាន្តសម្បូរបែប និងសាលប្រជុំ ដែលបំពាក់ដោយបរិក្ខារទំនើបៗ៕