អចិន្ដ្រៃយ៍សភា នឹងពិភាក្សាពីការកែរដ្ឋធម្មនុញ្ញ នៅរសៀលនេះ

ជាតិ

អចិន្ដ្រៃយ៍សភា នឹងពិភាក្សាពីការកែរដ្ឋធម្មនុញ្ញ នៅរសៀលនេះ

12, Feb 2018 , 11:52 am

រូបភាព

សម្តេច ហេង សំរិន ដឹកនាំកិច្ចប្រជុំគណៈកម្មាធិការអចិន្ត្រៃយ៍រដ្ឋសភា នាពេលកន្លងមក។ រូបភាពពីរដ្ឋសភា

ដោយ:

ភ្នំពេញៈ រដ្ឋាភិបាល បានបញ្ជូនសេចក្តីព្រាងស្តីពីការធ្វើវិសោធនកម្មលើរដ្ឋធម្មនុញ្ញ ទៅដល់រដ្ឋសភាហើយ។ លោក ឡេង ប៉េងឡុង អគ្គលេខាធិការ និងជាអ្នកនាំពាក្យរដ្ឋសភា បានប្រាប់សារព័ត៌មានថ្មីៗ តាមទូរសព្ទថា គណៈកម្មាធិការអចិន្ត្រៃយ៍រដ្ឋសភា នឹងបើកកិច្ចប្រជុំលើសេចក្តីព្រាងស្តីពីការធ្វើវិសោធនកម្មលើរដ្ឋធម្មនុញ្ញ នៅរសៀលថ្ងៃទី១២ ខែកុម្ភៈ ឆ្នាំ២0១៨នេះ។

ជានីតិវិធី នៅពេលគណៈកម្មាធិការអចិន្ត្រៃយ៍រដ្ឋសភា ពិភាក្សារួច សេចក្តីព្រាងនេះ នឹងត្រូវបញ្ជូនទៅកាន់គណៈកម្មការជំនាញ ដើម្បីពិនិត្យ និងសិក្សាលម្អិត។ ក្រោយសិក្សាលម្អិតហើយ គណៈកម្មការជំនាញ នឹងដាក់សេចក្តីព្រាងនេះ ទៅឲ្យគណៈកម្មាធិការអចិន្ត្រៃយ៍វិញ។ បន្ទាប់មក គណៈកម្មាធិការអចិន្ត្រៃយ៍ នឹងកំណត់កាលបរិច្ឆេទនៃកិច្ចប្រជុំពេញអង្គរដ្ឋសភា ដើម្បីពិនិត្យនិងអនុម័តសេចក្តីព្រាងខាងលើជាផ្លូវការ។

មាត្រាក្នុងរដ្ឋធម្មនុញ្ញ ដែលនឹងត្រូវធ្វើវិសោធនកម្ម រួមមាន មាត្រា៣៤ មាត្រា៤២ មាត្រា៤៩ មាត្រា៥៣ និងមាត្រា១១៨៕

អត្ថបទទាក់ទង

វិសោធនកម្មរដ្ឋធម្មនុញ្ញ៖«គណបក្សនិងពលរដ្ឋ មិនត្រូវធ្វើសកម្មភាព ដែលប៉ះពាល់ប្រយោជន៍ជាតិឡើយ»