អន្តរជាតិ
កសិករឥណ្ឌារាប់ពាន់នាក់ធ្វើបាតុកម្មទាមទារឲ្យរដ្ឋាភិបាលលុបបំណុលកសិកម្ម
រូបភាព AFP
×![]()
ដោយ: តន ចាន់រិទ្ធារ៉ា
នៅថ្ងៃទី១២ ខែមីនា កសិករឥណ្ឌារាប់ពាន់នាក់ បានប្រមូលផ្ដុំគ្នានៅទីក្រុងមុមបៃ ដើម្បីស្វែងរកការគាំទ្រពីរដ្ឋាភិបាល នៃរដ្ឋមហារាស្ត្រា ខណៈពួកគេជួបបញ្ហាធ្ងន់ធ្ងរ ដូចជាមិនអាចប្រមូលផលបាន ខ្វះខាតដី ឯផលិតផលកសិកម្មក៏ធ្លាក់ថ្លៃទៅទៀត។ ក្រុមបាតុករអះអាងថា អាជ្ញាធរតំបន់ មិនបានជួយពួកគេឲ្យបានគ្រប់គ្រាន់ឡើយ ទោះជាបីរដ្ឋាភិបាលនៃរដ្ឋភាគខាងលិចមួយនេះ បានចាត់វិធានការឆ្លើយតបបញ្ហារបស់កសិករក្ដី។
កសិករជនជាតិឥណ្ឌា បានធ្វើបាតុកម្មទាមទារឲ្យរដ្ឋាភិបាលរដ្ឋមហារាស្រា្ត ផ្ដល់ការគាំទ្របន្ថែមទៀតឲ្យពួកគេ ដើម្បីដោះស្រាយបញ្ហាកសិកម្ម។ ក្រុមបាតុកររាប់ពាន់នាក់ បានធ្វើដំណើរថ្មើរជើង លើចម្ងាយផ្លូវ១៨០គីឡូម៉ែត្រ ពីទីក្រុង Nashik ទៅកាន់ទីក្រុង មុមបៃ រដ្ឋធានី នៃរដ្ឋមហារាស្ត្រា និងបានប្រមូលផ្ដុំគ្នាខាងមុខអគារសភា ប្រចាំរដ្ឋភាគខាងលិចនេះ ព្រោះសមាជិកសភារបស់រដ្ឋនេះ កំពុងពិភាក្សាច្បាប់ថវិកាសម្រាប់ឆ្នាំថ្មី។
ទីភ្នាក់ងារព័ត៌មាន Reuters ផ្សាយថា ក្រុមបាតុករបានពាក់មួកក្រហម គ្រវីទង់កុម្មុយនីស្ត និងទាមទារឲ្យរដ្ឋាភិបាល ជួយពួកគេជាបន្ទាន់។ កសិករឥណ្ឌាទាំងនោះ បានទទូចឲ្យរដ្ឋាភិបាលលុបចោលបំណុលកសិកម្ម ព្រោះភ្លៀងខុសរដូវ បានបំផ្លាញកសិផលខ្ទេចខ្ទី ដំឡើងថ្លៃធញ្ញជាតិ និងទឹកដោះគោ ផ្ទេរដីទៅឲ្យជនជាតិភាគតិច ព្រមទាំងបង្កើនការគាំទ្រឲ្យកសិករជាដើម។ នេះជាបាតុកម្មលើកទីពីរ ក្នុងរយៈពេលមិនដល់មួយឆ្នាំផងនោះ។
លោក Ajit Nawale អ្នករៀបចំបាតុកម្មនេះនិយាយថា រដ្ឋាភិបាលជួបជជែកជាមួយក្រុមបាតុករហើយ តែបាតុកម្ម នឹងនៅតែបន្តទៀត រហូតអាជ្ញាធរសសេរលិខិតបញ្ជាក់ ពីការយល់ព្រមតាមការទាមទារ។ បាតុកម្មបែបនេះ បានក្លាយជាសម្ពាធខ្លាំង លើរដ្ឋាភិបាលតំបន់ ដែលដឹកនាំដោយបក្សកាន់អំណាចរបស់នាយករដ្ឋមន្ត្រី ណារិន្ទ្រា ម៉ូឌី ដែលបានសន្យាថា ជួយបង្កើនប្រាក់ចំណូលកសិករ ឲ្យបានទ្វេដងនៅរយៈពេល៥ឆ្នាំ។
ទោះជាបញ្ហានេះ មិនទាន់ប៉ះពាល់ដល់ប្រជាប្រិយភាព លោក ម៉ូឌី ក្ដី ថ្នាក់ដឹកនាំរដ្ឋដែលគ្រប់គ្រងដោយបក្សកាន់អំណាច ប្រឈមមុខបញ្ហាឈឺក្បាលយ៉ាងខ្លាំង។ ដំណោះស្រាយដែលមិនសមស្រប ឬមិនអាចបំពេញចិត្តកសិករបាន ទំនងជាបង្កបញ្ហាខ្លាំង សម្រាប់រដ្ឋាភិបាលកណ្ដាលរបស់លោក ម៉ូឌី នាពេលខាងមុខ។
តាមពិតទៅ រដ្ឋាភិបាលនៃរដ្ឋមហារាស្ត្រា បានចាត់វិធានការរួចហើយដែរ ដើម្បីជួយកសិករ។ នៅឆ្នាំ២០១៧ រដ្ឋាភិបាលបានប្រកាសលុបចោលបំណុលរបស់កសិករ ដែលមានទំហំទឹកប្រាក់ដល់ទៅ៥,២៣ពាន់លានដុល្លារឯណោះ។ ប៉ុន្តែមេដឹកនាំបាតុករអះអាងថា ការលុបចោលបំណុលនេះ មិនបានផ្ដល់ប្រយោជន៍ដល់កសិករជួបបញ្ហាពិតប្រាកដឡើយ។ លើសពីនោះ អាជ្ញាធរតំបន់ ក៏បានផ្ទេរប្រាក់ជាច្រើនលានដុល្លារ ទៅជួយកសិករងគ្រោះដែរ៕
កសិករជនជាតិឥណ្ឌា បានធ្វើបាតុកម្មទាមទារឲ្យរដ្ឋាភិបាលរដ្ឋមហារាស្រា្ត ផ្ដល់ការគាំទ្របន្ថែមទៀតឲ្យពួកគេ ដើម្បីដោះស្រាយបញ្ហាកសិកម្ម។ ក្រុមបាតុកររាប់ពាន់នាក់ បានធ្វើដំណើរថ្មើរជើង លើចម្ងាយផ្លូវ១៨០គីឡូម៉ែត្រ ពីទីក្រុង Nashik ទៅកាន់ទីក្រុង មុមបៃ រដ្ឋធានី នៃរដ្ឋមហារាស្ត្រា និងបានប្រមូលផ្ដុំគ្នាខាងមុខអគារសភា ប្រចាំរដ្ឋភាគខាងលិចនេះ ព្រោះសមាជិកសភារបស់រដ្ឋនេះ កំពុងពិភាក្សាច្បាប់ថវិកាសម្រាប់ឆ្នាំថ្មី។
ទីភ្នាក់ងារព័ត៌មាន Reuters ផ្សាយថា ក្រុមបាតុករបានពាក់មួកក្រហម គ្រវីទង់កុម្មុយនីស្ត និងទាមទារឲ្យរដ្ឋាភិបាល ជួយពួកគេជាបន្ទាន់។ កសិករឥណ្ឌាទាំងនោះ បានទទូចឲ្យរដ្ឋាភិបាលលុបចោលបំណុលកសិកម្ម ព្រោះភ្លៀងខុសរដូវ បានបំផ្លាញកសិផលខ្ទេចខ្ទី ដំឡើងថ្លៃធញ្ញជាតិ និងទឹកដោះគោ ផ្ទេរដីទៅឲ្យជនជាតិភាគតិច ព្រមទាំងបង្កើនការគាំទ្រឲ្យកសិករជាដើម។ នេះជាបាតុកម្មលើកទីពីរ ក្នុងរយៈពេលមិនដល់មួយឆ្នាំផងនោះ។
លោក Ajit Nawale អ្នករៀបចំបាតុកម្មនេះនិយាយថា រដ្ឋាភិបាលជួបជជែកជាមួយក្រុមបាតុករហើយ តែបាតុកម្ម នឹងនៅតែបន្តទៀត រហូតអាជ្ញាធរសសេរលិខិតបញ្ជាក់ ពីការយល់ព្រមតាមការទាមទារ។ បាតុកម្មបែបនេះ បានក្លាយជាសម្ពាធខ្លាំង លើរដ្ឋាភិបាលតំបន់ ដែលដឹកនាំដោយបក្សកាន់អំណាចរបស់នាយករដ្ឋមន្ត្រី ណារិន្ទ្រា ម៉ូឌី ដែលបានសន្យាថា ជួយបង្កើនប្រាក់ចំណូលកសិករ ឲ្យបានទ្វេដងនៅរយៈពេល៥ឆ្នាំ។
ទោះជាបញ្ហានេះ មិនទាន់ប៉ះពាល់ដល់ប្រជាប្រិយភាព លោក ម៉ូឌី ក្ដី ថ្នាក់ដឹកនាំរដ្ឋដែលគ្រប់គ្រងដោយបក្សកាន់អំណាច ប្រឈមមុខបញ្ហាឈឺក្បាលយ៉ាងខ្លាំង។ ដំណោះស្រាយដែលមិនសមស្រប ឬមិនអាចបំពេញចិត្តកសិករបាន ទំនងជាបង្កបញ្ហាខ្លាំង សម្រាប់រដ្ឋាភិបាលកណ្ដាលរបស់លោក ម៉ូឌី នាពេលខាងមុខ។
តាមពិតទៅ រដ្ឋាភិបាលនៃរដ្ឋមហារាស្ត្រា បានចាត់វិធានការរួចហើយដែរ ដើម្បីជួយកសិករ។ នៅឆ្នាំ២០១៧ រដ្ឋាភិបាលបានប្រកាសលុបចោលបំណុលរបស់កសិករ ដែលមានទំហំទឹកប្រាក់ដល់ទៅ៥,២៣ពាន់លានដុល្លារឯណោះ។ ប៉ុន្តែមេដឹកនាំបាតុករអះអាងថា ការលុបចោលបំណុលនេះ មិនបានផ្ដល់ប្រយោជន៍ដល់កសិករជួបបញ្ហាពិតប្រាកដឡើយ។ លើសពីនោះ អាជ្ញាធរតំបន់ ក៏បានផ្ទេរប្រាក់ជាច្រើនលានដុល្លារ ទៅជួយកសិករងគ្រោះដែរ៕
Tag:
ឥណ្ឌា
កសិករ
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
