កីឡាជាតិ
ជាតិ
វឌ្ឍនាកា តទល់ជាមួយ ចន្ថាប៊ីន រីឯក្រុម មុន្នីឧត្តម ត្រូវការឈ្នះដើម្បីគេចចេញពីតំបន់គ្រោះថ្នាក់
×![]()
ការប្រកួតបាល់ទាត់ក្របខណ្ឌលីគកំពូលម៉ាឡេស៊ី(Malaysia Super League) បានឈានដល់ការប្រកួតសប្តាហ៍ទី៨ ដោយនៅថ្ងៃអង្គារ ទី១ ឧសភានេះ មានការប្រកួតចំនួន៣គូ។ ក្នុងនោះ Pahang FA របស់កីឡាករ ចាន់ វឌ្ឍនាកា ប្រជែងជាមួយក្រុម Terengganu របស់ ធារី ចន្ថាប៊ីន។ រីឯក្រុម Negeri Sembilan របស់ ប្រាក់ មុន្នីឧត្តម តទល់ជាមួយ Kedah ខណៈក្រុម Johor Darul Ta’zim ស្វាគមន៍ក្រុម Selangor។ ការប្រកួតទាំងនេះធ្វើឡើងនៅម៉ោង៧យប់(ម៉ោងនៅកម្ពុជា)ដូចគ្នា។
ក្រុម Terengganu របស់ខ្សែបម្រើកម្ពុជា-បារាំង ធារី ចន្ថាប៊ីន ត្រូវបើកទ្វារកីឡដ្ឋាន Sultan Ismail Nasiruddin Shah Stadium ស្វាគមន៍ក្រុម Pahang FA របស់ខ្សែប្រយុទ្ធឆ្នើម ចាន់ វឌ្ឍនាកា សម្រាប់ជំនួបសប្តាហ៍ទី៨នៃក្របខណ្ឌលីគកំពូលម៉ាឡេស៊ី នាម៉ោង៧យប់(ម៉ោងនៅកម្ពុជា)ថ្ងៃទី១ ឧសភានេះ។
បច្ចុប្បន្នក្រុម Pahang FA កំពុងឈរលេខរៀងទី២ដោយមាន១៤ពិន្ទុក្រោយយកឈ្នះ៤លើក ស្មើ២ និងចាញ់១ ខណៈក្រុម Terengganu ឈរលេខរៀងទី៤ដោយមាន១២ពិន្ទុជាមួយជ័យជម្នះ៣លើក ស្មើ៣ និងចាញ់១។ នាការប្រកួតសប្តាហ៍មុនក្រុម Pahang FA បានយកឈ្នះ Melaka United ក្នុងលទ្ធផល ២-០ រីឯ Terengganu បានត្រឹមស្មើ ១-១ ជាមួយ Kedah។
ក្រុម Negeri Sembilan របស់ខ្សែបម្រើ ប្រាក់ មុន្នីឧត្តម ត្រូវការឈ្នះម្ចាស់ផ្ទះ Kedah ដាច់ខាតនៅយប់នេះ ដើម្បីគេចចេញពីតំបន់គ្រោះថ្នាក់ ដែលជាតំបន់ត្រូវកាត់ចេញពីក្របខណ្ឌ។ បច្ចុប្បន្នក្រុមរបស់ មុន្នីឧត្តម កំពុងឈរបាតតារាងដោយមាន៤ពិន្ទុ ក្រោយ៧ប្រកួតឈ្នះ១ ស្មើ១និងចាញ់៥។ រីឯ Kedah ឈរលេខរៀងទី៦ដោយមាន១០ពិន្ទុ ក្រោយឈ្នះ៣ ស្មើ១ និងចាញ់៣។
ក្រុម Negeri Sembilan ត្រូវជួបប្រកួតជាមួយម្ចាស់ផ្ទះ Kedah នាវេលាម៉ោង៧យប់(ម៉ោងនៅកម្ពុជា)នៅកីឡដ្ឋាន Darul Aman Stadium។
ចំណែកក្រុមការពារតំណែងជើងឯក Johor Darul Ta’zim ត្រូវបើកទ្វារកីឡដ្ឋាន Tan Sri Dato' Hj Hassan Yunos Stadium ស្វាគមន៍ក្រុមភ្ញៀវ Selangor នាម៉ោង៧យប់(ម៉ោងនៅកម្ពុជា)នេះផងដែរ។ Johor ត្រូវការឈ្នះក្រុមភ្ញៀវនៅយប់នេះ ដើម្បីពង្រឹងទីតាំងរបស់ខ្លួន ដោយបច្ចុប្បន្នក្រុមនេះកំពុងឈរបាតតារាងដោយមាន១៨ពិន្ទុជាមួយជ័យជម្នះ៦ និងចាញ់១។ រីឯក្រុម Selangor ឈរលេខរៀងទី៨ដោយមាន៩ពិន្ទុ ក្រោយឈ្នះ៣ចាញ់៤៕
ក្រុម Terengganu របស់ខ្សែបម្រើកម្ពុជា-បារាំង ធារី ចន្ថាប៊ីន ត្រូវបើកទ្វារកីឡដ្ឋាន Sultan Ismail Nasiruddin Shah Stadium ស្វាគមន៍ក្រុម Pahang FA របស់ខ្សែប្រយុទ្ធឆ្នើម ចាន់ វឌ្ឍនាកា សម្រាប់ជំនួបសប្តាហ៍ទី៨នៃក្របខណ្ឌលីគកំពូលម៉ាឡេស៊ី នាម៉ោង៧យប់(ម៉ោងនៅកម្ពុជា)ថ្ងៃទី១ ឧសភានេះ។
បច្ចុប្បន្នក្រុម Pahang FA កំពុងឈរលេខរៀងទី២ដោយមាន១៤ពិន្ទុក្រោយយកឈ្នះ៤លើក ស្មើ២ និងចាញ់១ ខណៈក្រុម Terengganu ឈរលេខរៀងទី៤ដោយមាន១២ពិន្ទុជាមួយជ័យជម្នះ៣លើក ស្មើ៣ និងចាញ់១។ នាការប្រកួតសប្តាហ៍មុនក្រុម Pahang FA បានយកឈ្នះ Melaka United ក្នុងលទ្ធផល ២-០ រីឯ Terengganu បានត្រឹមស្មើ ១-១ ជាមួយ Kedah។
ក្រុម Negeri Sembilan របស់ខ្សែបម្រើ ប្រាក់ មុន្នីឧត្តម ត្រូវការឈ្នះម្ចាស់ផ្ទះ Kedah ដាច់ខាតនៅយប់នេះ ដើម្បីគេចចេញពីតំបន់គ្រោះថ្នាក់ ដែលជាតំបន់ត្រូវកាត់ចេញពីក្របខណ្ឌ។ បច្ចុប្បន្នក្រុមរបស់ មុន្នីឧត្តម កំពុងឈរបាតតារាងដោយមាន៤ពិន្ទុ ក្រោយ៧ប្រកួតឈ្នះ១ ស្មើ១និងចាញ់៥។ រីឯ Kedah ឈរលេខរៀងទី៦ដោយមាន១០ពិន្ទុ ក្រោយឈ្នះ៣ ស្មើ១ និងចាញ់៣។
ក្រុម Negeri Sembilan ត្រូវជួបប្រកួតជាមួយម្ចាស់ផ្ទះ Kedah នាវេលាម៉ោង៧យប់(ម៉ោងនៅកម្ពុជា)នៅកីឡដ្ឋាន Darul Aman Stadium។
ចំណែកក្រុមការពារតំណែងជើងឯក Johor Darul Ta’zim ត្រូវបើកទ្វារកីឡដ្ឋាន Tan Sri Dato' Hj Hassan Yunos Stadium ស្វាគមន៍ក្រុមភ្ញៀវ Selangor នាម៉ោង៧យប់(ម៉ោងនៅកម្ពុជា)នេះផងដែរ។ Johor ត្រូវការឈ្នះក្រុមភ្ញៀវនៅយប់នេះ ដើម្បីពង្រឹងទីតាំងរបស់ខ្លួន ដោយបច្ចុប្បន្នក្រុមនេះកំពុងឈរបាតតារាងដោយមាន១៨ពិន្ទុជាមួយជ័យជម្នះ៦ និងចាញ់១។ រីឯក្រុម Selangor ឈរលេខរៀងទី៨ដោយមាន៩ពិន្ទុ ក្រោយឈ្នះ៣ចាញ់៤៕
Tag:
ចាន់ វឌ្ឍនាកា
ធារី ចន្ថាប៊ីន
ប្រាក់ មុន្នីឧត្តម
Malaysia Super League
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
