អន្តរជាតិ
ក្រោយអាមេរិកដើរចេញ អ៊ីរ៉ង់ចង់ឲ្យប្រទេសសេសសល់ធានាពីអនាគតកិច្ចព្រមព្រៀងនុយក្លេអ៊ែរ
រដ្ឋមន្រ្តីការបរទេសចិន Wang Yi ចាប់ដៃសមភាគីអ៊ីរ៉ង់ Mohammad Javad Zarif (រូបភាព AFP)
×![]()
ដោយ: តន ចាន់រិទ្ធារ៉ា
នៅថ្ងៃទី១៣ ខែឧសភា រដ្ឋមន្ត្រីការបរទេសអ៊ីរ៉ង់ Mohammad Javad Zarif បានទៅដល់រដ្ឋធានីប៉េកាំង និងជួបជជែកជាមួយសមភាគីចិន វ៉ាង យី ជុំវិញអនាគតកិច្ចព្រមព្រៀងនុយក្លេអ៊ែរឆ្នាំ២០១៥ បន្ទាប់ពីការចាកចេញរបស់អាមេរិក។ អ៊ីរ៉ង់ ចង់បានការធានាពីអនាគតនៃកិច្ចព្រមព្រៀងពីសំណាក់ប្រទេសហត្ថលេខីដែលនៅសេសសល់សំដៅសង្គ្រោះកិច្ចព្រមពៀងអន្តរជាតិមួយនេះសិន មុននឹងសម្រេចចិត្តដើរចេញតាមអាមេរិកឬយ៉ាងណា។
ចិន គឺជាគោលដៅទីមួយនៃដំណើរទស្សនកិច្ចការទូតរបស់រដ្ឋមន្ត្រីការបរទេសអ៊ីរ៉ង់ Mohammad Javad Zarif ដើម្បីស្វែងរកផ្លូវបន្តដង្ហើមឲ្យកិច្ចព្រមព្រៀងនុយក្លេអ៊ែរឆ្នាំ២០១៥ ។ ការប្រកាសដកខ្លួនរបស់អាមេរិក បង្កជាការភ័យព្រួយថា កិច្ចព្រមព្រៀងសម័យលោក បារ៉ាក់ អូបាម៉ា នឹងដួលរលំមិនខាន ទោះជាប្រទេសសមាជិកសេសសល់ផ្សេងទៀត បានប្ដេជ្ញាចិត្តបន្តការពារកិច្ចព្រមព្រៀងមួយនេះឲ្យមានជីវិតទៀតក្ដី។
ក្នុងជំនួបជាមួយរដ្ឋមន្ត្រីការបរទេសចិន វ៉ាង យី នៅថ្ងៃទី១៣ ខែឧសភា លោក Zarif បង្ហាញពីជំហរបស់អ៊ីរ៉ង់ដែលត្រៀមទទួលជម្រើសគ្រប់យ៉ាង តែលោកមានសុទិដ្ឋិនិយមថា ដំណើរទស្សនកិច្ចការទូតរបស់លោកពេលនេះអាចបន្តដង្ហើម និងបង្កើតអនាគតនៃកិច្ចព្រមព្រៀងឆ្នាំ២០១៥ ឲ្យបានច្បាស់លាស់។ យ៉ាងណាមិញ លោកបញ្ជាក់ទុកមុនដែរថា បើកិច្ចព្រមព្រៀងបន្តទៅមុខមែន ផលប្រយោជន៍របស់ប្រជាជនអ៊ីរ៉ង់ត្រូវតែទទួលបានការធានា។
នៅក្រោយជំនួបនេះ លោក វ៉ាង យី ក៏បានបញ្ជាក់ជំហររបស់ក្រុងប៉េកាំងក្នុងការធ្វើកាជាមួយភាគីនានាដើម្បីរក្សាជីវិតកិច្ចព្រម JCPOA ឲ្យគង់វង្ស។ យោងតាមទីភ្នាក់ងារព័ត៌មាន Xinhua លោកអះអាងថា ចិននឹងប្រកាន់យកឥរិយាបថទទួលខុសត្រូវ យុត្តិធម៌ និងច្បាស់លាស់ ព្រមទាំងរក្សាការទាក់ទំនងជាមួយដៃគូពាក់ព័ន្ធទាំងឡាយ។ ចិនក៏ជាហត្ថលេខីមួយនៃកិច្ចព្រមព្រៀងនុយក្លេអ៊ែរនេះដែរ។
ចេញពីប៉េកាំង លោក Zarif នឹងបន្តដំណើរទៅកាន់ក្រុងមូស្គូ និងព្រុចសែលក្នុងគោលបំណងដដែល។ រុស្ស៊ី និងអឺរ៉ុបសុទ្ធតែរិះគន់ការសម្រេចចិត្តចាកចេញរបស់អាមេរិក និងសន្យាការពារកិច្ចព្រមព្រៀងអន្តរជាតិនេះពីការដួលរលំ។ រដ្ឋអឺរ៉ុបចំនួនបី គឺបារាំង អង់គ្លេស និងអាល្លឺម៉ង់ គឺជាហត្ថលេខីនៃកិច្ចព្រមព្រៀងមួយនេះ ដែលកំពុងស្វះស្វែងរកដំណោះស្រាយថ្មីដើម្បីបញ្ចៀសគ្រោះថ្នាក់ និងបញ្ចុះបញ្ចូលកុំឲ្យអ៊ីរ៉ង់ចាកចេញតាមអាមេរិក។
ក្រោមកិច្ចព្រមព្រៀងឆ្នាំ២០១៥ អ៊ីរ៉ង់សុខចិត្តផ្អាកកម្មវិធីនុយក្លេអ៊ែររបស់ខ្លួន ជាថ្នូរនឹងការដកទណ្ឌកម្មសេដ្ឋកិច្ចពីសំណាក់មហាអំណាចនានា។ យ៉ាងណាមិញ លោក ដូណាល់ ត្រាំ បានហៅកិច្ចព្រមព្រៀងនេះជាកិច្ចព្រមព្រៀងដ៏អាក្រក់បំផុត និងចោទអ៊ីរ៉ង់ថា លួចអភិវឌ្ឍអាវុធរបស់ខ្លួនជាសម្ងាត់ ជាពិសេសមីស៊ីលបាលីស្ទិក។ ក្រោយអាមេរិកដើរចេញ ក្រុងតេហេរ៉ង់ក៏គំរាមចម្រាញ់អ៊ុយរ៉ាញ៉ូមដើម្បីផលិតនុយក្លេអ៊ែរតែម្ដង៕
ចិន គឺជាគោលដៅទីមួយនៃដំណើរទស្សនកិច្ចការទូតរបស់រដ្ឋមន្ត្រីការបរទេសអ៊ីរ៉ង់ Mohammad Javad Zarif ដើម្បីស្វែងរកផ្លូវបន្តដង្ហើមឲ្យកិច្ចព្រមព្រៀងនុយក្លេអ៊ែរឆ្នាំ២០១៥ ។ ការប្រកាសដកខ្លួនរបស់អាមេរិក បង្កជាការភ័យព្រួយថា កិច្ចព្រមព្រៀងសម័យលោក បារ៉ាក់ អូបាម៉ា នឹងដួលរលំមិនខាន ទោះជាប្រទេសសមាជិកសេសសល់ផ្សេងទៀត បានប្ដេជ្ញាចិត្តបន្តការពារកិច្ចព្រមព្រៀងមួយនេះឲ្យមានជីវិតទៀតក្ដី។
ក្នុងជំនួបជាមួយរដ្ឋមន្ត្រីការបរទេសចិន វ៉ាង យី នៅថ្ងៃទី១៣ ខែឧសភា លោក Zarif បង្ហាញពីជំហរបស់អ៊ីរ៉ង់ដែលត្រៀមទទួលជម្រើសគ្រប់យ៉ាង តែលោកមានសុទិដ្ឋិនិយមថា ដំណើរទស្សនកិច្ចការទូតរបស់លោកពេលនេះអាចបន្តដង្ហើម និងបង្កើតអនាគតនៃកិច្ចព្រមព្រៀងឆ្នាំ២០១៥ ឲ្យបានច្បាស់លាស់។ យ៉ាងណាមិញ លោកបញ្ជាក់ទុកមុនដែរថា បើកិច្ចព្រមព្រៀងបន្តទៅមុខមែន ផលប្រយោជន៍របស់ប្រជាជនអ៊ីរ៉ង់ត្រូវតែទទួលបានការធានា។
នៅក្រោយជំនួបនេះ លោក វ៉ាង យី ក៏បានបញ្ជាក់ជំហររបស់ក្រុងប៉េកាំងក្នុងការធ្វើកាជាមួយភាគីនានាដើម្បីរក្សាជីវិតកិច្ចព្រម JCPOA ឲ្យគង់វង្ស។ យោងតាមទីភ្នាក់ងារព័ត៌មាន Xinhua លោកអះអាងថា ចិននឹងប្រកាន់យកឥរិយាបថទទួលខុសត្រូវ យុត្តិធម៌ និងច្បាស់លាស់ ព្រមទាំងរក្សាការទាក់ទំនងជាមួយដៃគូពាក់ព័ន្ធទាំងឡាយ។ ចិនក៏ជាហត្ថលេខីមួយនៃកិច្ចព្រមព្រៀងនុយក្លេអ៊ែរនេះដែរ។
ចេញពីប៉េកាំង លោក Zarif នឹងបន្តដំណើរទៅកាន់ក្រុងមូស្គូ និងព្រុចសែលក្នុងគោលបំណងដដែល។ រុស្ស៊ី និងអឺរ៉ុបសុទ្ធតែរិះគន់ការសម្រេចចិត្តចាកចេញរបស់អាមេរិក និងសន្យាការពារកិច្ចព្រមព្រៀងអន្តរជាតិនេះពីការដួលរលំ។ រដ្ឋអឺរ៉ុបចំនួនបី គឺបារាំង អង់គ្លេស និងអាល្លឺម៉ង់ គឺជាហត្ថលេខីនៃកិច្ចព្រមព្រៀងមួយនេះ ដែលកំពុងស្វះស្វែងរកដំណោះស្រាយថ្មីដើម្បីបញ្ចៀសគ្រោះថ្នាក់ និងបញ្ចុះបញ្ចូលកុំឲ្យអ៊ីរ៉ង់ចាកចេញតាមអាមេរិក។
ក្រោមកិច្ចព្រមព្រៀងឆ្នាំ២០១៥ អ៊ីរ៉ង់សុខចិត្តផ្អាកកម្មវិធីនុយក្លេអ៊ែររបស់ខ្លួន ជាថ្នូរនឹងការដកទណ្ឌកម្មសេដ្ឋកិច្ចពីសំណាក់មហាអំណាចនានា។ យ៉ាងណាមិញ លោក ដូណាល់ ត្រាំ បានហៅកិច្ចព្រមព្រៀងនេះជាកិច្ចព្រមព្រៀងដ៏អាក្រក់បំផុត និងចោទអ៊ីរ៉ង់ថា លួចអភិវឌ្ឍអាវុធរបស់ខ្លួនជាសម្ងាត់ ជាពិសេសមីស៊ីលបាលីស្ទិក។ ក្រោយអាមេរិកដើរចេញ ក្រុងតេហេរ៉ង់ក៏គំរាមចម្រាញ់អ៊ុយរ៉ាញ៉ូមដើម្បីផលិតនុយក្លេអ៊ែរតែម្ដង៕
Tag:
អ៊ីរ៉ង់
ចិន
រុស្ស៊ី
អាមេរិក
JCPOA
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
7 ថ្ងៃ
