ខេត្តព្រះសីហនុ ប្រើសំដីមាសរបស់សម្តេចតេជោ ហ៊ុន សែន សម្រាប់អប់រំយុវជន និងមន្ត្រីរាជការ

អត្ថបទពាណិជ្ជកម្ម

ខេត្តព្រះសីហនុ ប្រើសំដីមាសរបស់សម្តេចតេជោ ហ៊ុន សែន សម្រាប់អប់រំយុវជន និងមន្ត្រីរាជការ

04, Jun 2018 , 10:27 am

រូបភាព

ដោយ: ជី ដាណា

នៅពេលជិតមានព្រឹត្តិការបុណ្យទានធំៗ ពិសេសពេលជិតដល់បោះឆ្នោត គេសង្កេតឃើញគ្រប់ខេត្ត រាជធានីទាំងអស់ តែងតែដំឡើងផ្ទាំងប៉ាណូ ដាក់ព្រះឆាយាល័ក្ខណ៍ ព្រះមហាក្សត្ស សម្តេចព្រះវរាជមាតតាជាតិខ្មែរ ឬថ្នាក់ដឹកបក្ស និងបដានានាជាច្រើន ដើម្បីជាការផ្សព្វផ្សាយ និងលំអក្រុង តាមស្ថានភាពភូមិសាស្ត្ររៀងៗខ្លួន។

ដោយឡែក ខេត្តព្រះសីហនុវិញ ក៏ដូចខេត្តនានាដែរ មានដាក់តាំងរូបព្រះឆាយាល័ក្ខណ៍ និងបដាផ្សេងៗ តែចំណុចដែលត្រូវបានគេកត់សម្គាល់ មានលក្ខណៈប្លែកពីគេបន្តិច នៅត្រង់ថា ខេត្តនេះ បានឆ្លៀតឱកាសប្រើប្រាស់សំដីមាសរបស់សម្តេចតេជោ ហ៊ុន សែន នាយករដ្ឋមន្ត្រី លើកជាផ្ទាំងប៉ាណូធំៗ ដាក់តាមទីសាធារណៈសំខាន់ៗ ដើម្បីអប់រំមន្ត្រីរាជការ និងយុវជន សិស្សានុសិស្សផង និងលំអរក្រុងផង។

សារអប់រំសំខាន់ៗ៤ឃ្លា ដែលជាសំដីមាសរបស់សម្តេចតេជោហ៊ុនសែន ដែលមានអត្ថន័យ ដូចខាងក្រោម:
សារទី១ «ទម្លាប់ហ្មត់ចត់ លើកិច្ចការតូចតាច ទើបអាចមានឱកាសទទួលកិច្ចការធំបាន» ។
សារទី២ «មន្ត្រីគឺជាអ្នកបំរើរាស្ត្រ ដ៏ស្មោះត្រង់ ! មិនមែនជាចៅហ្វាយនាយទេ» ។
សារទី៣ «ខ្ញុំធ្វើនយោបាយ មិនមែនគ្រាន់តែបក្សខ្ញុំឈ្នះនោះទេ តែសំខាន់ជាតិយើងឈ្នះ គឺយើងឈ្នះទាំងអស់គ្នា» ។
សារទី៤ «កត្តាសន្តិភាព បានធ្វើឲ្យប្រជាពលរដ្ឋ អាចធ្វើដំណើរគ្រប់ទីកន្លែង ដោយមិនមាន ការភ័យខ្លាច»៕