អន្តរជាតិ
នាយករដ្ឋមន្រ្តីម៉ាឡេស៊ី មហាធៀ មហាម៉ាត់ (រូបភាព The Star Online)
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីម៉ាឡេស៊ី មហាធៀ មហាម៉ាត់ បាននិយាយលើកសរសើរសីលធម៌ក្នុងការងារ និងការព្យាយាមរបស់ជនជាតិជប៉ុន ដោយលោកចាត់ទុកជាមូលហេតុនាំឲ្យជប៉ុនរីកចម្រើន។ លោក មហាធៀ អះអាងថា ម៉ាឡេស៊ីគ្មានចំណុចទាំងនេះដូចជប៉ុនឡើយ។ សម្រាប់នាយករដ្ឋមន្ត្រីវ័យ៩២ឆ្នាំដែលកំពុងស្ថិតនៅលើទឹកដីជប៉ុន ម៉ាឡេស៊ីក៏អាចជោគជ័យដូចជប៉ុនដែរ បើរៀនសូត្រតាមចំណុចល្អៗរបស់ជប៉ុននោះ។
ជប៉ុន គឺជាគោលដៅទស្សនកិច្ចបរទេសទីមួយរបស់នាយករដ្ឋមន្ត្រីថ្មីម៉ាឡេស៊ី មហាធៀ មហាម៉ាត់ ។ លោក មហាធៀ បានទៅដល់ជប៉ុននៅថ្ងៃទី១០ ខែមិថុនា ក្នុងដំណើរទស្សនកិច្ចការងារបីថ្ងៃនៅទីនោះ ដោយរួមទាំងការចូលរួមក្នុងសន្និសីទអន្តរជាតិស្ដីពីអនាគតអាស៊ីផង។ នាជំនួបជាមួយជនជាតិម៉ាឡេស៊ីនៅជប៉ុន លោក មហាធៀ បានស្ងើចសរសើររបៀបធ្វើការរបស់ជប៉ុនដែលគួរយកតម្រាប់តាមដើម្បីអភិវឌ្ឍម៉ាឡេស៊ី។
នាយករដ្ឋមន្ត្រីទី៧ របស់ម៉ាឡេស៊ីរូបនេះបានរំឭកនយោបាយសម្លឹងទៅទិសខាងកើតដែលលោកបង្កើតដោយខ្លួនក្នុងទសវត្សរ៍ទី៨០ ពេលលោកនៅជានាយករដ្ឋមន្ត្រីទី៤ ដែលមានគោលដៅមិនត្រឹមទាក់ទាញការវិនិយោគពីជប៉ុន ឬបញ្ជូននិស្សិតទៅរៀននៅជប៉ុនឡើយ។ យោងតាមទីភ្នាក់ងារព័ត៌មាន Bernama លោក មហាធៀ បញ្ជាក់ថា វាក៏ដើម្បីទទួលបានសីលធម៌ធ្វើការរបស់ជប៉ុន ដែលមានអារម្មណ៍អៀនខ្មាសពេលពួកគេមិនអាចធ្វើតាមសន្យាខ្លួន។
ចំពោះមុខប្រជាជនម៉ាឡេស៊ី នាយករដ្ឋមន្ត្រីវ័យចំណាស់រូបនេះបាននឹកដល់បទពិសោធដែលលោកបានទៅដល់ទឹកដីជប៉ុនលើកដំបូងក្នុងឆ្នាំ១៩៦១ ស្របពេលដែលជប៉ុនកំពុងស្ថាបនាប្រទេសក្រោយបញ្ចប់សង្គ្រាម។ លោក មហាធៀ លើកឡើងថា លោកបានឃើញពីការប្រឹងប្រែងរបស់ជនជាតិជប៉ុនក្នុងការកសាងប្រទេសឡើងវិញ ហើយជាលទ្ធផល ជប៉ុនក្លាយជាប្រទេសមានសេដ្ឋកិច្ចធំមួយរបស់ពិភពលោក។
«ខ្ញុំរកឃើញមូលហេតុដែលជប៉ុនជោគជ័យ គឺសីលធម៌ធ្វើការ និងប្រព័ន្ធតម្លៃរបស់ពួកគេ។ ប្រសិនបើអ្នករើសផ្លូវធ្វើការខុស មិនព្យាយាមបំពេញការងារ និងមិនមានមោទកភាពចំពោះការងារទេនោះ អ្នកនឹងបរាជ័យ។» នេះជាការរៀបរាប់របស់លោក មហាធៀ ទៅកាន់ប្រជាជនលោកផ្ទាល់ មុននឹងបន្ថែមថា ដោយសារមានមោទកភាពបែបនេះ ទើបផលិតជប៉ុនអាចប្រកួតប្រជែងជោគជ័យជាមួយទំនិញផលិតដោយប្រទេសផ្សេង។
ទន្ទឹមនឹងការលើកសរសើរជប៉ុន លោក មហាធៀ ហាក់និយាយបង្អាប់ម៉ាឡេស៊ីខ្លួនឯង។ សម្រាប់លោក មហាធៀ ប្រជាជនម៉ាឡេស៊ីគ្មានការឲ្យតម្លៃដូចជប៉ុនឡើយ ហើយក៏មិនចេះខ្មាសអៀនពេលផលិតទំនិញមានគុណភាពទាប។ យ៉ាងណាមិញ លោកក៏បានឆ្លៀតអរគុណប្រជាជនម៉ាឡេស៊ីដែលបានបរិច្ចាគទ្រព្យផ្ទាល់ខ្លួនឲ្យមូលនិធិរដ្ឋដើម្បីដោះស្រាយបញ្ហាបំណុលបន្សល់ដោយរដ្ឋាភិបាលមុន ដែលមានទំហំដល់ទៅ ២៥១ពាន់លានដុល្លារឯណោះ៕
ជប៉ុន គឺជាគោលដៅទស្សនកិច្ចបរទេសទីមួយរបស់នាយករដ្ឋមន្ត្រីថ្មីម៉ាឡេស៊ី មហាធៀ មហាម៉ាត់ ។ លោក មហាធៀ បានទៅដល់ជប៉ុននៅថ្ងៃទី១០ ខែមិថុនា ក្នុងដំណើរទស្សនកិច្ចការងារបីថ្ងៃនៅទីនោះ ដោយរួមទាំងការចូលរួមក្នុងសន្និសីទអន្តរជាតិស្ដីពីអនាគតអាស៊ីផង។ នាជំនួបជាមួយជនជាតិម៉ាឡេស៊ីនៅជប៉ុន លោក មហាធៀ បានស្ងើចសរសើររបៀបធ្វើការរបស់ជប៉ុនដែលគួរយកតម្រាប់តាមដើម្បីអភិវឌ្ឍម៉ាឡេស៊ី។
នាយករដ្ឋមន្ត្រីទី៧ របស់ម៉ាឡេស៊ីរូបនេះបានរំឭកនយោបាយសម្លឹងទៅទិសខាងកើតដែលលោកបង្កើតដោយខ្លួនក្នុងទសវត្សរ៍ទី៨០ ពេលលោកនៅជានាយករដ្ឋមន្ត្រីទី៤ ដែលមានគោលដៅមិនត្រឹមទាក់ទាញការវិនិយោគពីជប៉ុន ឬបញ្ជូននិស្សិតទៅរៀននៅជប៉ុនឡើយ។ យោងតាមទីភ្នាក់ងារព័ត៌មាន Bernama លោក មហាធៀ បញ្ជាក់ថា វាក៏ដើម្បីទទួលបានសីលធម៌ធ្វើការរបស់ជប៉ុន ដែលមានអារម្មណ៍អៀនខ្មាសពេលពួកគេមិនអាចធ្វើតាមសន្យាខ្លួន។
ចំពោះមុខប្រជាជនម៉ាឡេស៊ី នាយករដ្ឋមន្ត្រីវ័យចំណាស់រូបនេះបាននឹកដល់បទពិសោធដែលលោកបានទៅដល់ទឹកដីជប៉ុនលើកដំបូងក្នុងឆ្នាំ១៩៦១ ស្របពេលដែលជប៉ុនកំពុងស្ថាបនាប្រទេសក្រោយបញ្ចប់សង្គ្រាម។ លោក មហាធៀ លើកឡើងថា លោកបានឃើញពីការប្រឹងប្រែងរបស់ជនជាតិជប៉ុនក្នុងការកសាងប្រទេសឡើងវិញ ហើយជាលទ្ធផល ជប៉ុនក្លាយជាប្រទេសមានសេដ្ឋកិច្ចធំមួយរបស់ពិភពលោក។
«ខ្ញុំរកឃើញមូលហេតុដែលជប៉ុនជោគជ័យ គឺសីលធម៌ធ្វើការ និងប្រព័ន្ធតម្លៃរបស់ពួកគេ។ ប្រសិនបើអ្នករើសផ្លូវធ្វើការខុស មិនព្យាយាមបំពេញការងារ និងមិនមានមោទកភាពចំពោះការងារទេនោះ អ្នកនឹងបរាជ័យ។» នេះជាការរៀបរាប់របស់លោក មហាធៀ ទៅកាន់ប្រជាជនលោកផ្ទាល់ មុននឹងបន្ថែមថា ដោយសារមានមោទកភាពបែបនេះ ទើបផលិតជប៉ុនអាចប្រកួតប្រជែងជោគជ័យជាមួយទំនិញផលិតដោយប្រទេសផ្សេង។
ទន្ទឹមនឹងការលើកសរសើរជប៉ុន លោក មហាធៀ ហាក់និយាយបង្អាប់ម៉ាឡេស៊ីខ្លួនឯង។ សម្រាប់លោក មហាធៀ ប្រជាជនម៉ាឡេស៊ីគ្មានការឲ្យតម្លៃដូចជប៉ុនឡើយ ហើយក៏មិនចេះខ្មាសអៀនពេលផលិតទំនិញមានគុណភាពទាប។ យ៉ាងណាមិញ លោកក៏បានឆ្លៀតអរគុណប្រជាជនម៉ាឡេស៊ីដែលបានបរិច្ចាគទ្រព្យផ្ទាល់ខ្លួនឲ្យមូលនិធិរដ្ឋដើម្បីដោះស្រាយបញ្ហាបំណុលបន្សល់ដោយរដ្ឋាភិបាលមុន ដែលមានទំហំដល់ទៅ ២៥១ពាន់លានដុល្លារឯណោះ៕
Tag:
ម៉ាឡេស៊ី
ជប៉ុន
មហាធៀ មហាម៉ាត់
© រក្សាសិទ្ធិដោយ thmeythmey.com
