កីឡាជាតិ
ជាតិ
កីឡាករ សរ សី៖ បរាជ័យថ្ងៃនេះ មិនប្រាកដថាថ្ងៃក្រោយបរាជ័យទៀតនោះឡើយ កីឡាករ សរ សី (ខាងលើ) ត្រូវបានកីឡាករ Xie Bin ចាប់ក្រៀក ក
× កីឡាករ សរ សី បានបរាជ័យចក្រោមថ្វីដៃកីឡាករចិន Xie Bin ក្នុងទឹកទី១ សម្រាប់ការប្រកួតគុនចម្រុះ MMA ក្នុងព្រឹត្តិការណ៍ ONE Reign of Kings នៅទីក្រុងម៉ានីលប្រទេសហ្វីលីពីន។ ប៉ុន្តែបរាជ័យនេះ មិនបានធ្វើឲ្យកីឡាករមកពីខេត្តកណ្តាលរូបនេះ បាក់ទឹកចិត្ត និងបោះបង់ការតស៊ូនោះឡើយ។ ដោយរូបគេប្តេជ្ញាថា នឹងខិតខំហ្វឹកហាត់ពង្រឹងសមត្ថភាពឲ្យកាន់តែប្រសើរថែមទៀត ដើម្បីត្រៀមដណ្តើមជ័យជម្នះនៅលើកក្រោយ។
«ខ្ញុំបរាជ័យលើកនេះ មិនប្រាកដថា លើកក្រោយខ្ញុំបរាជ័យទៀតនោះទេ»។ វាជាការបង្ហាញការតាំងចិត្តរបស់កីឡាករ សរ សី បន្ទាប់ពីរូបគេ បានបរាជ័យក្រោមថ្វីដៃកីឡាករចិន Xie Bin ក្នុងទឹកទី១ នាការប្រកួតគុនចម្រុះ ក្នុងព្រឹត្តិការណ៍ ONE Reign of Kings កាលពីថ្ងៃទី២៧ ខែកក្កដា ឆ្នាំ២០១៨ នៅទីក្រុងម៉ានីលប្រទេសហ្វីលីពីន។
ទន្ទឹមនឹងអះអាងថា ការបរាជ័យមិនធ្វើឲ្យខ្លួនបាក់ទឹកចិត្ត អ្នកលេងគុនចម្រុះ សរ សី ប្តេជ្ញាថា គេនឹងបន្តខិតខំហ្វឹកហាត់ពង្រឹងសមត្ថភាពបន្ថែម ដើម្បីត្រៀមប្រជែងយកជ័យជម្នះនៅលើកក្រោយ។ លើសពីនេះ រូបគេព្រមទទួលយកលទ្ធផលទាំងពេញចិត្ត ជាមួយការអះអាងថា រូបគេបានប្រឹងប្រែងអស់ពីសមត្ថភាពហើយ។
ការបរាជ័យក្រោមស្នៀតចាប់ក្រៀករបស់ Xie Bin មានន័យថា សរ សី មិនអាចសងសឹកឲ្យមិត្តរួមជាតិ ចាន់ រតនា ដែលបានចាញ់ក្រោមក្បាច់ក្រៀករបស់កីឡាករចិនរូបនេះ កាលពីពេលកន្លងទៅបាននោះឡើយ៕
Tag:
សរ សី
MMA
ប្រដាល់គុនខ្មែរ
© រក្សាសិទ្ធិដោយ thmeythmey.com