អន្តរជាតិ
អ៊ីរ៉ង់និងអាហ្សង់ទីន ក្លាយជាសមាជិកពេញសិទ្ធិសន្ធិសញ្ញាមិត្តភាពនិងកិច្ចសហប្រតិបត្តិការ
រដ្ឋមន្រ្តីការបរទេសអាហ្សង់ទីន Jorge Faurie និងសមភាគីសិង្ហបុរី Vivian Balakrishnan (រូបភាព AFP)
×![]()
ដោយ: តន ចាន់រិទ្ធារ៉ា
នៅថ្ងៃទី២ ខែសីហា អាហ្សង់ទីន បានក្លាយជាសមាជិកថ្មីមួយទៀតនៃសន្ធិសញ្ញាមិត្តភាពនិងកិច្ចសហប្រតិបត្តិការ (TAC) ក្នុងតំបន់អាស៊ីអាគ្នេយ៍។ ក្រៅពីអាហ្សង់ទីន ប្រទេសក្រៅតំបន់អាស៊ានមួយទៀត គឺអ៊ីរ៉ង់ ក៏នឹងក្លាយជាសមាជិកពេញសិទ្ធិនៃសន្ធិសញ្ញាសន្តិភាពនេះដែរ។ បូកបញ្ចូលប្រទេសទាំងពីរនេះទៀត សន្ធិសញ្ញា TAC មានសមាជិកដល់ទៅ៣៧ប្រទេសហើយ។
នាកិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ព័ន្ធនៅសិង្ហបុរី ប្រទេសចំនួនពីរដែលនៅឆ្ងាយពីតំបន់អាស៊ាន បានចូលជាសមាជិកពេញសិទ្ធិនៃសន្ធិសញ្ញាមិត្តភាពនិងកិច្ចសហប្រតិបត្តិការ (TAC) ។ នៅថ្ងៃទី២ ខែសីហា រដ្ឋមន្ត្រីការបរទេសអាហ្សង់ទីន Jorge Faurie បានចុះហត្ថលេខាជាមួយរដ្ឋមន្ត្រីការបរទេសសមាជិកទាំង១០ ដើម្បីក្លាយជាសមាជិកថ្មីនៃសន្ធិសញ្ញា TAC នេះ។
អំឡុងកិច្ចប្រជុំដដែលនេះ ប្រមុខការទូតអាស៊ានទាំងអស់ ក៏នឹងចុះហត្ថលេខាជាមួយរដ្ឋមន្ត្រីការបរទេសអ៊ីរ៉ង់ មហាម៉ាត់ ចាវាដ ហ្សារីហ្វ ដើម្បីឲ្យអ៊ីរ៉ង់ក្លាយជាសមាជិកផ្លូវការនៃ TAC ផងដែរ។ អាស៊ានទទួលយកអ៊ីរ៉ង់ជាសមាជិក TAC នាកិច្ចប្រជុំកាលពីឆ្នាំ២០១៦ ។ មន្ត្រីអ៊ីរ៉ង់និយាយថា ការចូលជាសមាជិក TAC ជាការទទួលស្គាល់ទំនាក់ទំនងជាមួយអ៊ីរ៉ង់ ដែលជាមហាអំណាចតំបន់ និងពិភពលោកទៀតផង។
TAC ត្រូវបានបង្កើតឡើងក្នុងឆ្នាំ១៩៧៦ ដែលមានគោលការណ៍ដូចជាគោរពអធិបតេយ្យ ឯករាជ្យគ្នាទៅវិញទៅមក ការមិនចូលលូកលាន់កិច្ចការផ្ទៃក្នុងសមាជិកដៃទៀត ការដោះស្រាយជម្លោះដោយសន្តិវិធី ការមិនប្រើកម្លាំង និងការធ្វើកិច្ចសហប្រតិបត្តិការទៅមក។ ចិន និងឥណ្ឌា គឺជាប្រទេសក្រៅតំបន់ដំបូងគេដែលកា្លយជាសមាជិកសន្ធិសញ្ញានេះ គឺនៅឆ្នាំ២០០៣ នាកិច្ចប្រជុំរដ្ឋមន្ត្រីការបរទេសនៅឥណ្ឌូណេស៊ី ឯអាមេរិកចូលជាសមាជិកនៅឆ្នាំ២០០៩ ។
ក្រៅពីជំនួបដែលទទួលស្គាល់អាហ្សង់ទីន និងអ៊ីរ៉ង់ជាសមាជិក TAC រដ្ឋមន្ត្រីការបរទេសអាស៊ានក៏នឹងមានកិច្ចប្រជុំច្រើនជាង១០ទៀតអំឡុងពេលជំនួបទី៥១របស់ខ្លួន។ កិច្ចប្រជុំផ្សេងទៀតមាន កិច្ចប្រជុំរដ្ឋមន្ត្រីការបរទេសអាស៊ានជាមួយប្រទេសដៃគូដូចជា ចិន ជប៉ុន កូរ៉េខាងត្បូង អាមេរិក ឥណ្ឌា និងអូស្ត្រាលីជាដើម។ អ្វីដែលគេចាំមើល គឺកិច្ចប្រជុំវេទិកាតំបន់អាស៊ាន (ARF) ដែលមានវត្តមានប្រមុខការទូតមហាអំណាចដូចជាអាមេរិក រុស្ស៊ី និងជាពិសេសនោះ គឺរដ្ឋមន្ត្រីការបរទេសកូរ៉េខាងជើង៕
នាកិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ព័ន្ធនៅសិង្ហបុរី ប្រទេសចំនួនពីរដែលនៅឆ្ងាយពីតំបន់អាស៊ាន បានចូលជាសមាជិកពេញសិទ្ធិនៃសន្ធិសញ្ញាមិត្តភាពនិងកិច្ចសហប្រតិបត្តិការ (TAC) ។ នៅថ្ងៃទី២ ខែសីហា រដ្ឋមន្ត្រីការបរទេសអាហ្សង់ទីន Jorge Faurie បានចុះហត្ថលេខាជាមួយរដ្ឋមន្ត្រីការបរទេសសមាជិកទាំង១០ ដើម្បីក្លាយជាសមាជិកថ្មីនៃសន្ធិសញ្ញា TAC នេះ។
អំឡុងកិច្ចប្រជុំដដែលនេះ ប្រមុខការទូតអាស៊ានទាំងអស់ ក៏នឹងចុះហត្ថលេខាជាមួយរដ្ឋមន្ត្រីការបរទេសអ៊ីរ៉ង់ មហាម៉ាត់ ចាវាដ ហ្សារីហ្វ ដើម្បីឲ្យអ៊ីរ៉ង់ក្លាយជាសមាជិកផ្លូវការនៃ TAC ផងដែរ។ អាស៊ានទទួលយកអ៊ីរ៉ង់ជាសមាជិក TAC នាកិច្ចប្រជុំកាលពីឆ្នាំ២០១៦ ។ មន្ត្រីអ៊ីរ៉ង់និយាយថា ការចូលជាសមាជិក TAC ជាការទទួលស្គាល់ទំនាក់ទំនងជាមួយអ៊ីរ៉ង់ ដែលជាមហាអំណាចតំបន់ និងពិភពលោកទៀតផង។
TAC ត្រូវបានបង្កើតឡើងក្នុងឆ្នាំ១៩៧៦ ដែលមានគោលការណ៍ដូចជាគោរពអធិបតេយ្យ ឯករាជ្យគ្នាទៅវិញទៅមក ការមិនចូលលូកលាន់កិច្ចការផ្ទៃក្នុងសមាជិកដៃទៀត ការដោះស្រាយជម្លោះដោយសន្តិវិធី ការមិនប្រើកម្លាំង និងការធ្វើកិច្ចសហប្រតិបត្តិការទៅមក។ ចិន និងឥណ្ឌា គឺជាប្រទេសក្រៅតំបន់ដំបូងគេដែលកា្លយជាសមាជិកសន្ធិសញ្ញានេះ គឺនៅឆ្នាំ២០០៣ នាកិច្ចប្រជុំរដ្ឋមន្ត្រីការបរទេសនៅឥណ្ឌូណេស៊ី ឯអាមេរិកចូលជាសមាជិកនៅឆ្នាំ២០០៩ ។
ក្រៅពីជំនួបដែលទទួលស្គាល់អាហ្សង់ទីន និងអ៊ីរ៉ង់ជាសមាជិក TAC រដ្ឋមន្ត្រីការបរទេសអាស៊ានក៏នឹងមានកិច្ចប្រជុំច្រើនជាង១០ទៀតអំឡុងពេលជំនួបទី៥១របស់ខ្លួន។ កិច្ចប្រជុំផ្សេងទៀតមាន កិច្ចប្រជុំរដ្ឋមន្ត្រីការបរទេសអាស៊ានជាមួយប្រទេសដៃគូដូចជា ចិន ជប៉ុន កូរ៉េខាងត្បូង អាមេរិក ឥណ្ឌា និងអូស្ត្រាលីជាដើម។ អ្វីដែលគេចាំមើល គឺកិច្ចប្រជុំវេទិកាតំបន់អាស៊ាន (ARF) ដែលមានវត្តមានប្រមុខការទូតមហាអំណាចដូចជាអាមេរិក រុស្ស៊ី និងជាពិសេសនោះ គឺរដ្ឋមន្ត្រីការបរទេសកូរ៉េខាងជើង៕
Tag:
អាស៊ាន
អ៊ីរ៉ង់
អាហ្សង់ទីន
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
