អន្តរជាតិ
ជម្លោះការទូតកាណាដា-អារ៉ាប៊ីសាអូឌីត៖ ក្រុងរីយ៉ាដមិនចរចានិងត្រៀមចាត់វិធានការថែមទៀត
×![]()
ដោយ: តន ចាន់រិទ្ធារ៉ា
ផ្ដើមចេញពីការស្នើឲ្យដោះលែងសកម្មជនសិទ្ធិមនុស្ស កាណាដា និងអារ៉ាប៊ីសាអូឌីត ក៏មើលមុខគ្នាលែងត្រូវរហូតដល់ថ្នាក់ផ្អាកទំនាក់ទំនងពាណិជ្ជកម្មផង។ អារ៉ាប៊ីសាអូឌីត ដែលខឹងនឹងពាក្យរិះគន់លើស្ថានការណ៍សិទ្ធិមនុស្សពីសំណាក់កាណាដា បានចាត់វិធានការជាបន្តបន្ទាប់ ខណៈកាណាដាក៏ស្នើឲ្យសម្ព័ន្ធមិត្តនានាជួយដោះស្រាយបញ្ហាផង តែមិនទាន់មានអន្តរាគមន៍អ្វីទេ។ យ៉ាងណាមិញ នាយករដ្ឋមន្ត្រីកាណាដា ចាស្ទីន ទ្រូដូ ក៏ប្រកាសដែរថា កាណាដានឹងបន្តលើកឡើងបញ្ហាសិទ្ធិមនុស្សទៀត។
ចាប់តាំងពីដើមសប្ដាហ៍នេះ ជម្លោះរវាងកាណាដា និងអារ៉ាប៊ីសាអូឌីតជុំវិញបញ្ហាសិទ្ធិមនុស្ស នៅមិនទាន់ធូរស្រាលនៅឡើយទេ។ ក្រោយរដ្ឋាភិបាលកាណាដាស្នើដោះលែងសកម្មជនសិទ្ធិមនុស្ស និងរិះគន់ស្ថានភាពសិទ្ធិមនុស្សផងនោះ អារ៉ាប៊ីសាអូឌីតដែលខឹងក្ដៅស្លឹកត្រចៀក បានប្រកាសបណ្ដេញអគ្គរដ្ឋទូតកាណាដាប្រចាំទីក្រុងរីយ៉ាដ និងបានកោះហៅអគ្គរដ្ឋទូតរបស់ខ្លួនចូលស្រុកវិញដែរ ព្រមទាំងផ្អាករាល់សកម្មភាពពាណិជ្ជកម្ម និងវិនិយោគជាមួយកាណាដាផង។
ចំណាត់ការរបស់អារ៉ាប៊ីសាអូឌីតមិនបានបញ្ចប់ត្រឹមវិស័យពាណិជ្ជកម្មឡើយ។ អារ៉ាប៊ីសាអូឌីតក៏ប្រកាសផ្ទេរនិស្សិតរបស់ខ្លួនដែលកំពុងសិក្សានៅទឹកដីកាណាដាទៅកាន់ប្រទេសផ្សេង ផ្អាកកិច្ចសហប្រតិបត្តិការផ្នែកសុខាភិបាល ហើយអ្នកជំងឺអារ៉ាប៊ីសាអូឌីតដែលសម្រាកព្យាបាលនៅកាណាដា ក៏ត្រូវបញ្ជូនទៅកាន់ប្រទេសដទៃដែរ។ លើសពីនោះ ក្រុមហ៊ុនអាកាសចរណ៍អារ៉ាប៊ីសាអូឌីត បានផ្អាកជើងហោះហើរត្រង់ទៅកាន់ទីក្រុង Toronto ផង។
ទោះជាអារ៉ាប៊ីសាអូឌីតចាត់វិធានការខ្លាំងវិញក្ដី គេមិនទាន់ឃើញការឆ្លើយតបអ្វីពីកាណាដាឡើយ។ នាយករដ្ឋមន្ត្រីកាណាដា ចាស្ទីន ទ្រូដូ ក៏មិនចុះញ៉ម និងសុំទោសអារ៉ាប៊ីសាអូឌីតដែរ ទោះជាកាណាដាមិនចង់ឃើញទំនាក់ទំនងល្អក់កករក្ដី។ យោងតាមទីភ្នាក់ងារព័ត៌មាន AFP លោក ទ្រូដូ បញ្ជាក់នៅថ្ងៃទី៨ ខែសីហា ថា កាណាដា នឹងបន្តនិយាយជាសាធារណៈ និងឲ្យឮពីស្ថានការណ៍សិទ្ធិមនុស្សនេះ។ តែលោកទទួលស្គាល់ថា ស្ថានការណ៍សិទ្ធិមនុស្សនៅអារ៉ាប៊ីសាអូឌីត បានប្រសើរខ្លះមែន។
តាមពិតទៅជម្លោះរវាងកាណាដា និងអារ៉ាប៊ីសាអូឌីត កើតចេញក្រោយក្រុងអូតាវ៉ាស្នើឲ្យក្រុងរីយ៉ាដដោះលែងសកម្មជនល្បីឈ្មោះ Samar Badawi ជាបន្ទាន់។ ប៉ុន្តែរដ្ឋាភិបាលក្រុងរីយ៉ាដចាត់ទុកការលើកឡើងនេះ ជាការបំពានកិច្ចការផ្ទៃក្នុងរបស់ខ្លួន មិនមែនត្រឹមបញ្ហាសិទ្ធិមនុស្សឡើយ។ រដ្ឋមន្ត្រីការបរទេសអារ៉ាប៊ីសាអូឌីត Adel al-Jubeir បានទាត់ចោលការចរចាណាមួយដើម្បីដោះស្រាយបញ្ហា ដោយប្រាប់អ្នកសារព័ត៌មានថា គ្មានអ្វីត្រូវចរចាឡើយ ហើយវិធានការថ្មីអាចនឹងចេញជារូបរាងទៀត។
យ៉ាងណាមិញ ទោះជាមានចំណាត់ការជាច្រើនលើកាណាដាក្ដី អារ៉ាប៊ីសាអូឌីតសម្រេចចិត្តមិនផ្អាកការលក់ប្រេងទៅឲ្យអតិថិជននៅកាណាដាទេ។ ក្នុងន័យការពារប្រាក់ចំណូលពីការលក់ប្រេងសន្ធឹកសន្ធាប់ រដ្ឋមន្ត្រីប្រេងអារ៉ាប៊ីសាអូឌីត Khalid al-Falih បញ្ជាក់ថា ជម្លោះលើបញ្ហាសិទ្ធិមនុស្សនេះ មិនប៉ះពាល់ម៉ូយទិញប្រេងរបស់ក្រុមហ៊ុន Aramco ឡើយ ព្រោះការផ្គត់ផ្គង់ប្រេងជារឿងដាច់ដោយឡែកពីទំនាស់នយោបាយ៕
ចាប់តាំងពីដើមសប្ដាហ៍នេះ ជម្លោះរវាងកាណាដា និងអារ៉ាប៊ីសាអូឌីតជុំវិញបញ្ហាសិទ្ធិមនុស្ស នៅមិនទាន់ធូរស្រាលនៅឡើយទេ។ ក្រោយរដ្ឋាភិបាលកាណាដាស្នើដោះលែងសកម្មជនសិទ្ធិមនុស្ស និងរិះគន់ស្ថានភាពសិទ្ធិមនុស្សផងនោះ អារ៉ាប៊ីសាអូឌីតដែលខឹងក្ដៅស្លឹកត្រចៀក បានប្រកាសបណ្ដេញអគ្គរដ្ឋទូតកាណាដាប្រចាំទីក្រុងរីយ៉ាដ និងបានកោះហៅអគ្គរដ្ឋទូតរបស់ខ្លួនចូលស្រុកវិញដែរ ព្រមទាំងផ្អាករាល់សកម្មភាពពាណិជ្ជកម្ម និងវិនិយោគជាមួយកាណាដាផង។
ចំណាត់ការរបស់អារ៉ាប៊ីសាអូឌីតមិនបានបញ្ចប់ត្រឹមវិស័យពាណិជ្ជកម្មឡើយ។ អារ៉ាប៊ីសាអូឌីតក៏ប្រកាសផ្ទេរនិស្សិតរបស់ខ្លួនដែលកំពុងសិក្សានៅទឹកដីកាណាដាទៅកាន់ប្រទេសផ្សេង ផ្អាកកិច្ចសហប្រតិបត្តិការផ្នែកសុខាភិបាល ហើយអ្នកជំងឺអារ៉ាប៊ីសាអូឌីតដែលសម្រាកព្យាបាលនៅកាណាដា ក៏ត្រូវបញ្ជូនទៅកាន់ប្រទេសដទៃដែរ។ លើសពីនោះ ក្រុមហ៊ុនអាកាសចរណ៍អារ៉ាប៊ីសាអូឌីត បានផ្អាកជើងហោះហើរត្រង់ទៅកាន់ទីក្រុង Toronto ផង។
ទោះជាអារ៉ាប៊ីសាអូឌីតចាត់វិធានការខ្លាំងវិញក្ដី គេមិនទាន់ឃើញការឆ្លើយតបអ្វីពីកាណាដាឡើយ។ នាយករដ្ឋមន្ត្រីកាណាដា ចាស្ទីន ទ្រូដូ ក៏មិនចុះញ៉ម និងសុំទោសអារ៉ាប៊ីសាអូឌីតដែរ ទោះជាកាណាដាមិនចង់ឃើញទំនាក់ទំនងល្អក់កករក្ដី។ យោងតាមទីភ្នាក់ងារព័ត៌មាន AFP លោក ទ្រូដូ បញ្ជាក់នៅថ្ងៃទី៨ ខែសីហា ថា កាណាដា នឹងបន្តនិយាយជាសាធារណៈ និងឲ្យឮពីស្ថានការណ៍សិទ្ធិមនុស្សនេះ។ តែលោកទទួលស្គាល់ថា ស្ថានការណ៍សិទ្ធិមនុស្សនៅអារ៉ាប៊ីសាអូឌីត បានប្រសើរខ្លះមែន។
តាមពិតទៅជម្លោះរវាងកាណាដា និងអារ៉ាប៊ីសាអូឌីត កើតចេញក្រោយក្រុងអូតាវ៉ាស្នើឲ្យក្រុងរីយ៉ាដដោះលែងសកម្មជនល្បីឈ្មោះ Samar Badawi ជាបន្ទាន់។ ប៉ុន្តែរដ្ឋាភិបាលក្រុងរីយ៉ាដចាត់ទុកការលើកឡើងនេះ ជាការបំពានកិច្ចការផ្ទៃក្នុងរបស់ខ្លួន មិនមែនត្រឹមបញ្ហាសិទ្ធិមនុស្សឡើយ។ រដ្ឋមន្ត្រីការបរទេសអារ៉ាប៊ីសាអូឌីត Adel al-Jubeir បានទាត់ចោលការចរចាណាមួយដើម្បីដោះស្រាយបញ្ហា ដោយប្រាប់អ្នកសារព័ត៌មានថា គ្មានអ្វីត្រូវចរចាឡើយ ហើយវិធានការថ្មីអាចនឹងចេញជារូបរាងទៀត។
យ៉ាងណាមិញ ទោះជាមានចំណាត់ការជាច្រើនលើកាណាដាក្ដី អារ៉ាប៊ីសាអូឌីតសម្រេចចិត្តមិនផ្អាកការលក់ប្រេងទៅឲ្យអតិថិជននៅកាណាដាទេ។ ក្នុងន័យការពារប្រាក់ចំណូលពីការលក់ប្រេងសន្ធឹកសន្ធាប់ រដ្ឋមន្ត្រីប្រេងអារ៉ាប៊ីសាអូឌីត Khalid al-Falih បញ្ជាក់ថា ជម្លោះលើបញ្ហាសិទ្ធិមនុស្សនេះ មិនប៉ះពាល់ម៉ូយទិញប្រេងរបស់ក្រុមហ៊ុន Aramco ឡើយ ព្រោះការផ្គត់ផ្គង់ប្រេងជារឿងដាច់ដោយឡែកពីទំនាស់នយោបាយ៕
Tag:
កាណាដា
អារ៉ាប៊ីសាអូឌីត
សិទ្ធិមនុស្ស
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
