វិញ្ញាសាប្រឡង«បាក់ឌុប» ត្រូវបានប្រធានមេប្រយោគដឹកទៅរាជធានី-ខេត្ត រៀងៗខ្លួន

ជាតិ

វិញ្ញាសាប្រឡង«បាក់ឌុប» ត្រូវបានប្រធានមេប្រយោគដឹកទៅរាជធានី-ខេត្ត រៀងៗខ្លួន

17, Aug 2018 , 9:39 pm

រូបភាព

ដោយ: អ៊ូ សុខមាន (OU Sokmean)

ប្រធានគណៈមេប្រយោគទូទាំងប្រទេស ប្រចាំរាជធានី-ខេត្ត បានមកទទួល ផ្ទៀងផ្ទាត់ និងដឹកជញ្ជូនហឹបវិញ្ញាសា ទៅកាន់រាជធានី-ខេត្តរៀងៗខ្លួនហើយ នាព្រឹកថ្ងៃទី១៧សីហា ដើម្បីត្រៀមសម្រាប់ការប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា ក្នុងសម័យប្រឡងថ្ងៃទី២០ សីហា ឆ្នាំ២០១៨។ នេះបើតាមទំព័រហ្វេសប៊ុករបស់ក្រសួងអប់រំ។

សម័យប្រឡងសញ្ញាបត្រមធ្យមសិក្សាទុតិយភូមិឆ្នាំ២០១៨ មានបេក្ខជនប្រឡងចំនួន ១១៧.០៦១នាក់ ដែលបានចែកជាពីរក្រុម គឺថ្នាក់វិទ្យាសាស្ត្រចំនួន ៥១,៧ភាគរយ និងថ្នាក់វិទ្យាសាស្ត្រសង្គមចំនួន ៤៨,៣ភាគរយ។

មណ្ឌលប្រឡងមានចំនួន១៩៥មណ្ឌល ចែកចេញជា ៤៧១៦បន្ទប់ នៅរាជធានី-ខេត្តទាំង២៥ទូទាំងប្រទេស។ ក្នុងនោះមានមណ្ឌលប្រឡងថ្នាក់វិទ្យាសាស្ត្រមានចំនួន ៩៩មណ្ឌល និងថ្នាក់វិទ្យាសាស្ត្រសង្គមមានចំនួន ៩៦មណ្ឌល៕