ជាតិ
សេដ្ឋកិច្ច
AIMF និងអង្គការ៣ទៀតផ្តល់ជំនួយសម្រាប់គម្រោងកែច្នៃភក់លូទឹកស្អុយទៅជាជីសរីរាង្គនៅសៀមរាប ![រូបពីAKP](https://image.thmeythmey.com/pictures/2019/01/25/front_.jpg)
រូបពីAKP
×![]()
សមាគមអន្តរជាតិ នៃបណ្តាអភិបាលក្រុងនិយាយភាសាបារាំង (AIMF) និងអង្គការដៃគូចំនួន៣ទៀត បានផ្តល់ហិរញ្ញប្បទានចំនួន១លាន ៦សែនដុល្លារ សម្រាប់អនុវត្តន៍គម្រោងកែច្នៃភក់ ចេញពីលូទឹកស្អុយនៅខេត្តសៀមរាប ទៅជាជីសរីរាង្គ។ គម្រោងនេះ ត្រូវបានបញ្ជាក់នៅក្នុងជំនួបពិភាក្សារវាង លោក ទៀ សីហាអភិបាលខេត្តសៀមរាប និងលោកស្រី Arinna ARDESI ទីប្រឹក្សាបច្ចេកទេសនៃ AIMF ប្រចាំក្រុងប៉ារីស ប្រទេសបារាំង កាលពីថ្ងៃទី២២ ខែមករា។ នេះបើតាមទីភ្នាក់ងារព័ត៌មានកម្ពុជា (AKP)។
លោកស្រី Arinna ARDESI បានបញ្ជាក់ក្នុងជំនួបនោះថា ការផ្តល់ហិរញ្ញប្បទាននេះ គឺដើម្បីរួមចំណែកអភិវឌ្ឍន៍ខេត្តសៀមរាប បន្ថយការប្រើប្រាស់ជីគីមី និងកាត់បន្ថយការនាំំចូលជីពីក្រៅប្រទេស ជាពិសេសដោះស្រាយបញ្ហាការកស្ទះប្រព័ន្ធលូទឹកស្អុយក្នុងក្រុង។ នេះបើ តាម AKP ដែលបន្តស្រង់សម្តីលោកស្រី Arinna ARDESI ទៀតថា គម្រោងនេះនឹងអនុវត្តន៍ក្នុងពេលឆាប់ៗ ហើយវាត្រូវការពេល៤ឆ្នាំទើបអាចទទួលបានផល។ បន្ទាប់ពីទទួលបានផល គម្រោងនេះ ត្រូវប្រគល់ទៅឲ្យអាជ្ញាធរខេត្តគ្រប់គ្រងវិញ។
![](https://image.thmeythmey.com/pictures/2019/01/25/thumb2/1________________akp.jpg)
លោក ទៀ សីហា អភិបាលខេត្តសៀមរាប បញ្ជាក់ថាគម្រោងនេះមានសារៈសំខាន់ណាស់សម្រាប់ប្រជាពលរដ្ឋនៅខេត្តសៀមរាប ព្រោះក្រៅពីវិស័យទេសចរណ៍ កសិកម្មក៏ជាវិស័យសក្តានុពលមួយដ៏ធំ សម្រាប់លើកស្ទួយសេដ្ឋកិច្ចខេត្តសៀមរាបផងដែរ។ នេះបើតាម AKP៕
Tag:
កសិកម្ម
ជីសរីរាង្គ
ទៀ សីហា
សៀមរាប
© រក្សាសិទ្ធិដោយ thmeythmey.com