ជាតិ
សង្គមស៊ីវិលថ្កោលទោសអាជ្ញាធរដែលបង្ខំប្រជាជនឲ្យផ្ដិតមេដៃគាំទ្រលទ្ធផលបោះឆ្នោត
× អង្គការសង្គមស៊ីវិលចំនួន ៤០ដែលជាសមាជិក នៃបន្ទប់ស្ថានការណ៍នៃអង្គការសហគមន៍មិនរដ្ឋាភិបាល បានសម្ដែងនូវការខកចិត្តជាខ្លាំង និងសូមថ្កោលទោសចំពោះអាជ្ញាធរ ដែនដីក្នុងរាជធានីភ្នំពេញដែឡបានបង្ខំឲ្យម្ចាស់ឆ្នោត ផ្ដិតមេដៃលើញត្តិគាំទ្រលទ្ធផលបោះឆ្នោតបណ្ដោះអាសន្ន ដែលកំពុងតែនៅមានវិវាទនៅឡើយនោះ។
យោងតាមសេចក្ដីថ្លែងការណ៍រួមរបស់អង្គការទាំង៤០ ដែលបានចេញផ្សាយកាលពីថ្ងៃម្សិលមិញនោះក៏បានឲ្យដឹងដែរថា មានសេចក្ដីរាយការណ៍ពីសំណាក់ម្ចាស់ឆ្នោតមកថា បច្ចុប្បន្នមានការគំរាមកំហែងនៅក្នុងតំបន់មួយចំនួនដូចជា សង្កាត់ស្រះចក សង្កាត់អូរឬស្សី សង្កាត់ពងទឹក សង្កាត់បឹងប៉ាយ៉ាប សង្កាត់ទួលស្វាយព្រៃ១ សង្កាត់បឹងកេងកង២ និងសង្កាត់ចាក់អង្រែលើ។
ក្នុងសេចក្ដីថ្លែងការណ៍ដដែលនោះ ក៏បានបញញជាក់ផងដែរថា ញត្តិទាំងឡាយណាដែលធ្វើលើងក្នុងរូបភាព បង្ខិតបង្ខំនឹងមិនជួយអ្វីដល់ភាពទទួលយកបាន នៃលទ្ធផលបណ្ដោះអាសន្ននៃការបោះឆ្នោតនោះទេ។ ទង្វើបែបនេះវាអាចកាន់តែធ្វើឲ្យ ខូចដល់សុច្ចរិតភាពនៃកិច្ចដំណើរការបោះឆ្នោត មានតែការស៊ើបអង្កេតដោយតម្លាភាព និងឯករាជ្យ នូវភាពមិនប្រក្រតីទាំងឡាយនោះទេ ដែលនឹងអាចស្ដារឲ្យមានសុច្ចរិតភាពនោះ៕
© រក្សាសិទ្ធិដោយ thmeythmey.com