ក្រោយកូនបាញ់ត្រូវជើងនារីម្នាក់ លោកជំទាវ ញ៉ែម មរកត នាំកូនទៅជួបសមត្ថកិច្ចខ្លួនឯង

ជាតិ

ក្រោយកូនបាញ់ត្រូវជើងនារីម្នាក់ លោកជំទាវ ញ៉ែម មរកត នាំកូនទៅជួបសមត្ថកិច្ចខ្លួនឯង

30, May 2019 , 4:39 pm

រូបភាព

រូបភាពពីទំព័រហ្វេសប៊ុករបស់កងរាជអាវុធហត្ថរាជធានីភ្នំពេញ

ដោយ: ឡាយ សុភាវតី

លោកស្រី ញ៉ែម មរកត អនុរដ្ឋលេខាធិការក្រសួងកិច្ចការនារី បាននាំកូនប្រុស ដែលប្រើកាំភ្លើងបាញ់នារីម្នាក់ ឲ្យរងរបួសភ្លៅ នៅក្នុងក្លិបមួយក្នុងរាជធានីភ្នំពេញ ទៅឲ្យកម្លាំងកងរាជអាវុធហត្ថ សួរចម្លើយ។

ក្រោយបញ្ចប់ការសាកសួរ កម្លាំងកងរាជអាវុធ ក៏បានបញ្ជូនជនសង្ស័យ ទៅឲ្យព្រះរាជអាជ្ញាអមសាលាដំបូងរាជធានីភ្នំពេញ នៅរសៀលថ្ងៃទី៣០ឧសភានេះ ដើម្បីបន្តនីតិវិធី។ បើតាមទំព័រហ្វេសប៊ុករបស់កងរាជអាវុធហត្ថរាជធានីភ្នំពេញ ជនសង្ស័យឈ្មោះ វីន សុក្របញ្ញា មានអាយុ២៧ឆ្នាំ។

សូមរំលឹកថា កាលពីថ្ងៃទី២៨ឧសភានេះ នៅម៉ោងប្រហែល២រំលងអាធ្រាត្រ មានករណីផ្ទុះអាវុធក្នុងក្លិបមួយ ដែលបណ្តាលឲ្យនារីម្នាក់ឈ្មោះ នឹម លីណា រងរបួសភ្លៅដោយគ្រាប់កាំភ្លើង១គ្រាប់។ បច្ចុប្បន្ន ជនរងគ្រោះ កំពុងសម្រាកព្យាបាលនៅមន្ទីរពេទ្យកាល់ម៉ែត្រ៕