ជាតិ
តម្លាភាពកម្ពុជានឹងផ្សព្វផ្សាយរបាយការណ៍ស្ដីពីការបោះឆ្នោតជាតិឆ្នាំ២០១៣
× អង្គការតម្លាភាពកម្ពុជានិងសម្ព័ន្ធដើម្បីសុចរិតភាព និងគណនេយ្យសង្គម នឹងប្រារព្ធពិធីប្រកាសផ្សព្វផ្សាយនូវរបាយការណ៍ស្ដីពីការបោះឆ្នោតថ្នាក់ជាតិឆ្នាំ២០១៣ នៅថ្ងៃទី១៦ ខែកញ្ញា ខាងមុខនេះ នៅឯសណ្ឋាគារកាំបូឌីយ៉ាណា រាជធានីភ្នំពេញ។ នេះបើយោងតាមសេចក្ដីប្រកាសព័ត៌មាន ដែលបានចេញផ្សាយកាលពីថ្ងៃម្សិលមិញនេះ។
របាយការណ៍ខាងលើនេះគឺជាលទ្ធផលដែលអង្គការតម្លាភាពកម្ពុជាបានធ្វើការសង្កេតការបោះឆ្នោត តាមរយៈការអនុវត្តនូវសំណាកគំរូជាមូលដ្ឋាន និងបានដាក់ពង្រាយអ្នកសង្កេតការណ៍ទៅកាន់គំរូស្ថិតិនៃការជាង ៤០០ការិយាល័យបោះឆ្នោតនៅទូទាំងប្រទេសកម្ពុជា។
ពិធីនេះត្រូវបានរៀបចំឡើងក្នុងគោលបំណង ដើម្បីធានាបាននូវដំណើរការ បោះឆ្នោតសម្រាប់ការបោះឆ្នោតថ្នាក់ជាតិឆ្នាំ២០១៣នេះ ប្រកបដោយភាពសុចរិត និងត្រូវបានធ្វើឡើងក្នុងលក្ខណៈតម្លាភាពមួយ។
ម្យ៉ាងទៀតពិធីផ្សព្វផ្សាយនេះ គឺដើម្បីចែករំលែកពីការរកឃើញលម្អិតផ្សេងៗទៀតពីការសង្កេតខាងលើក៏ដូចជាផ្ដល់នូវអនុសាសន៍ សម្រាប់ធ្វើឱ្យប្រសើរឡើងនៃដំណើរការបោះឆ្នោត នាពេលអនាគតផងដែរ៕
© រក្សាសិទ្ធិដោយ thmeythmey.com