អន្តរជាតិ
រូបភាព AFP
×![]()
ដោយ៖ ឈួន ឈីវអ៊ីង
ភ្នាក់ងារទប់ស្កាត់គ្រោះមហន្តរាយរបស់ឥណ្ឌូណេស៊ី (BNPB) បានរំពឹងទុកថា បញ្ហាភ្លើងឆេះព្រៃដែលកំពុងឆាបឆេះនៅលើកោះស៊ូម៉ាត្រា និងនៅកាលីម៉ាន់តាន់ ដែលជាផ្នែកនៃកោះបរណេ នឹងរលត់ក្នុងពេលឆាប់ៗនេះ ដោយសារការមកដល់រដូវវស្សា។
ឥណ្ឌូណេស៊ី បានចំណាយពេលអស់រាប់ខែក្នុងការពន្លត់ភ្លើងឆេះព្រៃនេះ។ ជារឿយៗ វាបណ្តាលមកពីការកាប់បំផ្លាញ និងដុតព្រៃដើម្បីយកដីធ្វើកសិកម្ម ក៏ដូចជាការកើនឡើងកម្តៅផ្ទៃលើទឹកសមុទ្រនៅក្នុងខែប្រាំងជារៀងរាល់ឆ្នាំ ហើយបង្កឲ្យមានផ្សែងអ័ព្ទពាសពេញតំបន់។ ការចូលដល់រដូវវស្សា បានផ្ដល់ក្ដីសង្ឃឹមដល់ប្រតិបត្តិការពន្លត់ភ្លើងឆេះព្រៃនេះ។
ក្នុងសេចក្តីថ្លែងការណ៍ថ្ងៃទី៣០ ខែកញ្ញា លោក Agus Wibowo អ្នកនាំពាក្យភ្នាក់ងារទប់ស្កាត់គ្រោះមហន្តរាយឥណ្ឌូណេស៊ី បញ្ជាក់ថា បើរបាយការណ៏នានា ប្រមូលបានពីរូបភាពដែលថតតាមរយៈផ្កាយរណប និងការអង្កេតផ្ទាល់នៅកន្លែងកើតហេតុ ករណីភ្លើងឆេះព្រៃ អាចនឹងបញ្ចប់នៅពេលឆាប់ៗ។ លោកបន្តថា ភ្លើងឆេះព្រៃបានរលត់អស់៧៨ភាគរយ ក្នុងអំឡុងថ្ងៃទី២៦ ដល់ទី២៨ ខែកញ្ញា ហើយនឹងរលត់ទាំងស្រុងនាពេលឆាប់ៗនេះ។
ប្រទេសឥណ្ឌូណេស៊ីបានដាក់ពង្រាយបុគ្គលិកជាង២៩ពាន់នាក់ដើម្បីប្រយុទ្ធប្រឆាំងនឹងភ្លើងឆេះព្រៃនេះ ស្របពេលដែលយន្ដហោះរាប់សិបគ្រឿង បានបាញ់ទឹកនិងបង្កើតពពកដើម្បីបង្កជាភ្លៀង។ បើតាម BNPB ភ្លៀងបានធ្លាក់នៅក្នុងតំបន់ដូចជា Riau, Jambi និង South Sumatra ក៏ដូចជានៅខេត្តកាលីម៉ាន់តាន់កណ្ដាលនៃកោះបរណេអូ។ នេះបើតាមការចុះផ្សាយរបស់ទីភ្នាក់ងារព័ត៌មាន Reuters។
ព្រៃឈើជាង ៣២ម៉ឺនហិកតាត្រូវបានដុតបំផ្លាញពីខែមករាដល់ខែសីហាក្នុងឆ្នាំនេះ។ មហន្តរាយនេះបានគេមើលឃើញថា ជាការខូចខាតដ៏អាក្រក់បំផុតចំពោះព្រៃឈើចាប់តាំងពីឆ្នាំ២០១៥ មក៕
ភ្នាក់ងារទប់ស្កាត់គ្រោះមហន្តរាយរបស់ឥណ្ឌូណេស៊ី (BNPB) បានរំពឹងទុកថា បញ្ហាភ្លើងឆេះព្រៃដែលកំពុងឆាបឆេះនៅលើកោះស៊ូម៉ាត្រា និងនៅកាលីម៉ាន់តាន់ ដែលជាផ្នែកនៃកោះបរណេ នឹងរលត់ក្នុងពេលឆាប់ៗនេះ ដោយសារការមកដល់រដូវវស្សា។
ឥណ្ឌូណេស៊ី បានចំណាយពេលអស់រាប់ខែក្នុងការពន្លត់ភ្លើងឆេះព្រៃនេះ។ ជារឿយៗ វាបណ្តាលមកពីការកាប់បំផ្លាញ និងដុតព្រៃដើម្បីយកដីធ្វើកសិកម្ម ក៏ដូចជាការកើនឡើងកម្តៅផ្ទៃលើទឹកសមុទ្រនៅក្នុងខែប្រាំងជារៀងរាល់ឆ្នាំ ហើយបង្កឲ្យមានផ្សែងអ័ព្ទពាសពេញតំបន់។ ការចូលដល់រដូវវស្សា បានផ្ដល់ក្ដីសង្ឃឹមដល់ប្រតិបត្តិការពន្លត់ភ្លើងឆេះព្រៃនេះ។
ក្នុងសេចក្តីថ្លែងការណ៍ថ្ងៃទី៣០ ខែកញ្ញា លោក Agus Wibowo អ្នកនាំពាក្យភ្នាក់ងារទប់ស្កាត់គ្រោះមហន្តរាយឥណ្ឌូណេស៊ី បញ្ជាក់ថា បើរបាយការណ៏នានា ប្រមូលបានពីរូបភាពដែលថតតាមរយៈផ្កាយរណប និងការអង្កេតផ្ទាល់នៅកន្លែងកើតហេតុ ករណីភ្លើងឆេះព្រៃ អាចនឹងបញ្ចប់នៅពេលឆាប់ៗ។ លោកបន្តថា ភ្លើងឆេះព្រៃបានរលត់អស់៧៨ភាគរយ ក្នុងអំឡុងថ្ងៃទី២៦ ដល់ទី២៨ ខែកញ្ញា ហើយនឹងរលត់ទាំងស្រុងនាពេលឆាប់ៗនេះ។
ប្រទេសឥណ្ឌូណេស៊ីបានដាក់ពង្រាយបុគ្គលិកជាង២៩ពាន់នាក់ដើម្បីប្រយុទ្ធប្រឆាំងនឹងភ្លើងឆេះព្រៃនេះ ស្របពេលដែលយន្ដហោះរាប់សិបគ្រឿង បានបាញ់ទឹកនិងបង្កើតពពកដើម្បីបង្កជាភ្លៀង។ បើតាម BNPB ភ្លៀងបានធ្លាក់នៅក្នុងតំបន់ដូចជា Riau, Jambi និង South Sumatra ក៏ដូចជានៅខេត្តកាលីម៉ាន់តាន់កណ្ដាលនៃកោះបរណេអូ។ នេះបើតាមការចុះផ្សាយរបស់ទីភ្នាក់ងារព័ត៌មាន Reuters។
ព្រៃឈើជាង ៣២ម៉ឺនហិកតាត្រូវបានដុតបំផ្លាញពីខែមករាដល់ខែសីហាក្នុងឆ្នាំនេះ។ មហន្តរាយនេះបានគេមើលឃើញថា ជាការខូចខាតដ៏អាក្រក់បំផុតចំពោះព្រៃឈើចាប់តាំងពីឆ្នាំ២០១៥ មក៕
© រក្សាសិទ្ធិដោយ thmeythmey.com
