ជាតិ
វគ្គសិក្សាថ្មី២៨-២៩៖ បច្ចេកទេសធ្វើព័ត៌មានដោយប្រើទូរសព្ទដៃលើប្រធានបទ«សារព័ត៌មាន៖ ការអភិវឌ្ឍ និងបរិស្ថាន» ![](https://image.thmeythmey.com/pictures/2019/11/22/ttn.jpg)
×![]()
ភ្នំពេញ៖ ទីភ្នាក់ងារព័ត៌មានបារាំង CFI (Canal France International) និង សារព័ត៌មានអេឡិចត្រូនិក Thmeythmey.com នឹងបើកវគ្គបណ្តុះបណ្តាលស្តីពី៖«បច្ចេកទេសសរសេរព័ត៌មានសម្រាប់សារព័ត៌មានអនឡាញលើប្រធានបទការអភិវឌ្ឍប្រកបដោយចីរភាព និងការប្រែប្រួលអាកាសធាតុ»។ វគ្គបណ្តុះបណ្តាលនេះ នឹងធ្វើឡើងនៅថ្ងៃទី២៨ និង២៩ខែវិច្ឆិកាឆ្នាំ២០១៩ខាងមុខនេះនៅទីស្នាក់ការសារព័ត៌មានអេឡិចត្រូនិក Thmeythmey.com។
វគ្គសិក្សាផ្តោតលើការបង្កើតគំនិតរកប្រធានបទ, រកមុំ, របៀបបង្កើតវីដេអូដោយប្រើប្រាស់ ទូរសព្ទដៃ(អនុវត្តផ្ទាល់), ក្រមសីលធម៌សារព័ត៌មាន, សារព័ត៌មានដើម្បីការអភិវឌ្ឍ ឬសារ ព័ត៌មានដើម្បីដំណោះស្រាយ, របៀបរកប្រាក់ចំណូលរបស់សារព័ត៌មានដោយគិតគូរ ពីបរិស្ថាន និងការអភិវឌ្ឍប្រកដោយចីរភាព។ល។
សូមបញ្ជាក់ថា វគ្គបណ្តុះបណ្តាលនេះ គឺជាផ្នែកមួយនៃគម្រោងធំរបស់ CFI (Mekong News) សម្រាប់ ៤ ប្រទេស ក្នុងនោះមាន៖ កម្ពុជា មីយ៉ាន់ម៉ា ឡាវ និងវៀតណាម នៅក្នុងតំបន់មេគង្គ។ វគ្គសិក្សានេះ មិនតម្រូវឲ្យបង់ថ្លៃទេ៕
ទីតាំងបណ្តុះបណ្តាល៖ ការិយាល័យសារព័ត៌មានថ្មីៗ
កាលបរិច្ឆេទ៖ ថ្ងៃទី២៨ និង២៩ ខែវិច្ឆិកា ឆ្នាំ២០១៩។
ទំនាក់ទំនង៖ កញ្ញា ញឹក ស្រីល័ក្ខ៖ ០៨៩ ៨២០ ៨៣២ ឬកញ្ញា រស្មី៖ ០១១ ៥៥ ៧៩ ៦៤
សូមបញ្ជាក់ថា វគ្គសិក្សានេះផ្តល់អាទិភាពជូនដល់សិស្សធ្លាប់សិក្សាពីវគ្គមុនៗក្នុងគម្រោង (CFI) ដដែល ព្រោះ វាជាវគ្គវិក្រឹតការ (វគ្គបំប៉នចំណេះដឹងបន្ថែម)។
© រក្សាសិទ្ធិដោយ thmeythmey.com