អន្តរជាតិ
នយោបាយអន្តរជាតិ
លោក បៃឌិន ប្រាប់ឲ្យលោក ត្រាំ បិទមាត់ ក្រោយរងការរំខានច្រើនដងពេក ![លោក បៃឌិន ប្រាប់ឲ្យលោកត្រាំបិទមាត់ នាការជជែកដេញដោលលើកដំបូង។ រូបថត AFP](https://image.thmeythmey.com/pictures/2020/09/30/000_8r24f3.jpg)
លោក បៃឌិន ប្រាប់ឲ្យលោកត្រាំបិទមាត់ នាការជជែកដេញដោលលើកដំបូង។ រូបថត AFP
×![]()
ការជជែកដេញដោល ចាប់ផ្ដើមមិនទាន់២០នាទីស្រួលបួលផង។ ទាំងលោក ដូណាល់ ត្រាំ និងលោក ចូ បៃឌិន តឹងសរសៃកដាក់គ្នាខ្លាំង ខណៈចូលដល់ប្រធានបទក្តៅ។ លោក បៃឌិន បានស្រែកគំហកទៅលោកត្រាំ ក្រោយលោកប្រធានាធិបតី បន្តនិយាយរំខានលោក ខណៈដល់វេនលោកជាអ្នកបកស្រាយ។
អតីតអនុប្រធានាធិបតី បៃឌិន បានប្រាប់ឲ្យលោក ត្រាំ បិទមាត់ ក្រោយលោកទ្រាំលែងបាន នឹងការរំខាន់របស់លោកត្រាំ។ លោកចាត់ទុកទង្វើរំខាននេះថា មិនសមនឹងឥរិយាបថរបស់ប្រធានាធិបតីទាល់តែសោះ។
ក្រោយមើលឃើញបែបនេះ អ្នកសម្របសម្រួលការជជែកដេញដោលនេះ លោក Chris Wallace បានសម្រេចបិទបញ្ចប់ប្រធានបទដ៏ក្តៅគគុកមួយនេះ ហើយលើកយកប្រធានបទមួយទៀតមកជជែកពិភាក្សា។
ប្រធាននេះក្តៅរហូតដល់អ្នកទាំងពីរ តឹងសរសៃកដាក់គ្នាខ្លាំង គឺទាក់ទងនឹង ការតែងតាំងចៅក្រមតុលាការកំពូលថ្មី ដោយលោក ត្រាំ បានជ្រើសរើសអ្នកស្រី Amy Coney Barrett ដើម្បីជំនួស អ្នកស្រី Ruth Bader Ginsburg ដែលទើបទទួលមរណភាព។ ការប៉ុនប៉ងនេះ ធ្វើឲ្យទាំងបក្សប្រជាធិបតេយ្យ និងសាធារណរដ្ឋ ទាស់គ្នាកាន់តែខ្លាំង ខណៈការបោះឆ្នោតខែវិច្ឆិកា ខិតចូលមកដល់៕
© រក្សាសិទ្ធិដោយ thmeythmey.com