អត្ថបទពាណិជ្ជកម្ម
សាលាមត្តេយ្យ បែបជប៉ុន ចាប់បើកទ្វារនៅភ្នំពេញ នឹងទទួលពាក្យពីថ្ងៃនេះតទៅ
×![]()
ដោយ: សារព័ត៌មានថ្មីៗ
ឪពុកម្តាយគ្រប់រូបមានបំណងចង់ចិញ្ចឹមបីបាច់កូនៗ ឱ្យរស់នៅក្នុងសុភមង្គល អំណរចំពោះសន្តិភាព និងវិបុលភាព។ ដើម្បីសម្រេចគោលដៅទាំងនេះឪពុកម្តាយគ្រប់រូបធ្វើការឥតឈប់ឈរតាមរយៈការអប់រំដែលយើងជឿជាក់ថាវាគឺជាមធ្យោបាយសំខាន់បំផុតសម្រាប់ការសម្រេចគោលដៅទាំងនោះ និងដើម្បីបង្កើតអនាគតល្អប្រសើរសម្រាប់កូនៗ ក្រុមគ្រួសារ និងសង្គមជាតិរបស់យើង។
ក្នុងនាមជាឪពុកម្តាយមានកូនបីនាក់ ភរិយាខ្ញុំ និងខ្ញុំ បានឃើញ និងយល់ពីភាពចាំបាច់នៃការអប់រំ ហើយយើងដឹងថាកូនៗ នឹងធំឡើងក្លាយជាកូនប្រុសស្រីកត្តញ្ញូសម្រាប់គ្រួសារ ជាអ្នកស្នេហាជាតិសម្រាប់ប្រទេសជាតិ និងរៀនសូត្រសម្រាប់ពិភពលោកនៅពេលពួកគេធំឡើង។ ភរិយាខ្ញុំជាជនជាតិជប៉ុនដែលធំឡើងនៅក្នុងគ្រួសារដែលមានការអប់រំល្អ ហើយគាត់ធំធាត់នៅក្នុងបរិយាកាសគ្រួសារល្អដោយមានការគាំទ្រយ៉ាងខ្លាំងពីជីដូនជីតា ឪពុកម្តាយ និងបងប្អូន។
សាលាស៊េកៃ ផ្តោតលើចក្ខុវិស័យនៃការអប់រំកុមារឱ្យក្លាយជាពន្លឺនៃពិភពលោកដោយមានការគាំទ្រយ៉ាងខ្លាំងពីប្រជាជនជប៉ុនរាប់រយនាក់ដែលស្រឡាញ់ប្រទេសកម្ពុជាអស់ពីដួងចិត្ត។ ពួកគាត់ជឿជាក់យ៉ាងមុតមាំថា សាលាស៊េកៃនឹងអាចដើរតួយ៉ាងសំខាន់ក្នុងការអប់រំកុមារកម្ពុជាឱ្យមានលក្ខណៈសម្បត្តិល្អ ចេះគោរពដល់អ្នកផងទាំងពួង និងអ្វីៗទាំងអស់នៅផ្ទះ នៅសាលារៀន និងនៅក្នុងសង្គម។
សាលាស៊េកៃ គឺជាសាលាមត្តេយ្យផ្អែកលើកម្មវិធីសិក្សាបែបជប៉ុន សម្រាប់កុមាអាយុ ០១ ឆ្នាំដល់ ០៦ ឆ្នាំ។ យើងបានប្តេជ្ញាចិត្តសម្រាប់កុមារដើម្បីពួកគេអាចឈានទៅរកសក្តានុពលដ៏ធំបំផុត និងដើម្បីសម្រាប់បាននូវក្តីសុបិនដ៏ធំរបស់ពួកគេ។ យើងខ្ញំ ក៏ខិតខំប្រឹងប្រែងគាំទ្រដល់ឪពុកម្តាយម្នាក់ៗឱ្យក្លាយជាឪពុកម្តាយ សប្បាយរីករាយបំផុតដែលអាចរស់នៅក្នុងសុភមង្គលពិតបាន។ សាលាមត្តេយ្យស៊េកៃ បានប្តេជ្ញាចិត្តបម្រើ និងយកចិត្តទុកដាក់ដល់កុមារម្នាក់ៗដូចជាឪពុកម្តាយបង្កើត ក្នុងបរិយាកាសប្រកបដោយសុវត្ថិភាព ភាពរួសរាយរាក់ទាក់ និងបរិយាកាសដូចផ្ទះរបស់កុមារ។
ក្នុងនាមសហគមន៍នៃសាលាស៊េកៃ យើងខ្ញុំរង់ចាំបម្រើអ្នក និងកូនៗជាទីស្រឡាញ់របស់អ្នក។ យើងខ្ញុំចាប់ទទួលពាក្យពីថ្ងៃជូនដំណឹងនេះរហូតដល់ថ្ងៃទី១១ ខែវិច្ឆិកា ឆ្នាំ២០២០។ សូមទំនាក់ទំនងតាមទូរស័ព្ទលេខ៖ ០១០ ៤១ ៧១ ៩០ ឬ ហ្វេសប៊ុកផេក Sala Sekai in Cambodia ។
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
