ស្ថានទូតខ្មែរ ប្រាប់ឱ្យពលរដ្ឋខ្មែរនៅវៀតណាម ប្រយ័ត្នសុខភាព ចំពោះបញ្ហាខ្យល់មិនល្អ

ជាតិ

សង្គមជាតិ

ស្ថានទូតខ្មែរ ប្រាប់ឱ្យពលរដ្ឋខ្មែរនៅវៀតណាម ប្រយ័ត្នសុខភាព ចំពោះបញ្ហាខ្យល់មិនល្អ

10, Jan 2021 , 3:59 pm

រូបភាព

រូបភាពជំនួស ស្ថានភាពខ្យល់មិនល្អ នៅវៀតណាម

ដោយ: ថ្មីៗ

ដោយ៖ ប៉ូ សុភា

ស្ថានឯកអគ្គរាជទូតកម្ពុជាប្រចាំរៀតណាម ប្រាប់ឱ្យពលរដ្ឋខ្មែរកំពុងធ្វើការ និងសិក្សានៅទីក្រុងហាណូយត្រូវប្រុងប្រយ័ត្នសុខភាព ចំពោះបញ្ហាខ្យល់មិនល្អ។ វៀតណាម នឹងជួបបញ្ហាគុណភាពខ្យល់មិនល្អ ចាប់ពីខែមករា ដល់ខែមីនាឆ្នាំ២០២១។

វៀតណាម បានបញ្ជាក់ថា រយៈពេល៣ខែនេះ ស្ថានភាពអាកាសធាតុមិនអនុគ្រោះ ដែលអាចបង្កឱ្យមានបញ្ហាគុណភាពខ្យល់ធ្លាក់ចុះ និងអាចប៉ះពាល់ដល់សុខភាពអ្នករស់នៅក្រុងទីក្រុងហាណូយ។ ដោយមើលឃើញបញ្ហានេះ ស្ថានទូតខ្មែរ ប្រាប់ពលរដ្ឋដែលធ្វើការ និងសិក្សានៅវៀតណាម ត្រូវប្រុងប្រយ័ត្នចំពោះបញ្ហាខ្យល់មិនល្អនេះ។

ស្ថានទូតខ្មែរ បានបញ្ជាក់ដូច្នេះថា៖«ករណីនេះ មន្ត្រីជំនាញបរិស្ថាន បានផ្ដល់យោបល់ថា នៅពេលគុណភាពខ្យល់មិនល្អ ប្រជាជនមិនគួរបើកចំហរបង្អួច និងទ្វាទេ ពិសេសគ្រួសារដែលមានផ្ទះនៅជិតផ្លូវ នៅតាមតំបន់ដែលមានជាតិពុលខ្លាំង ។ ពុំគួរចេញទៅក្រៅហាត់ប្រាណ ឬលេងកីឡានៅពេលព្រឹក និងពេលល្ងាចទេ ព្រោះជាពេលដែលអាកាសធាតុបំពុលខ្លាំងបំផុត ពិសេសមនុស្សចាស់ កូនក្មេង និងសាលារៀនមិនគួរមានសកម្មភាពក្រៅថ្នាក់ »។

ស្ថានទូតខ្មែរ ក៏បានអំពាវនាវឲ្យពលរដ្ឋខ្មែ មានប្រព័ន្ធដកដង្ហើមតាមខ្លួនជាប្រចាំ ដើម្បីការពារសុខភាពពីគុណភាពខ្យល់មិនល្អ និងអាកាសធាតុត្រជាក់ ស្របពេលដែលជំងឺកូវីដ-១៩ កំពុងរាតត្បាតនេះផង៕