អន្តរជាតិ
ត្រាំ ហាមប្រជាជនម៉ូស្លីមពីប្រទេស ៧ ចូលអាមេរិកបណ្តោះអាសន្ន និងឈប់ទទួលជនភៀសខ្លួន
×![]()
ដោយ: ថ្មីៗ
ប្រធានាធិបតីអាមេរិក ដូណាល់ ត្រាំ ចុះហត្ថលេខាលើបទបទបញ្ជានីតិប្រតិបត្តិដើម្បីព្យួរការទទួលយកជនភៀសខ្លួន និង ដាក់វិធានការថ្មីគ្រប់គ្រងអ្នកដំណើរដែលមកពីប្រទេសឥស្លាមចំនួន ៧ ។ មេដឹកនាំរូបនេះបានប្រកាសថា លោកកំពុងធ្វើឲ្យប្រជាជនអាមេរិកមានសុវត្ថិភាពនិងការពារពួកគេពីក្រុមភេរវជនជ្រុលនិយមឥស្លាម (Radical Islam Terrorists)។
ប្រធានាធិបតី ដូណាល់ ត្រាំ បានអនុវត្តតាមការសន្យាដ៏ចម្រូងចម្រាសរបស់ខ្លួនដោយចាប់ផ្តើមហាមឃាត់ជនភៀសខ្លួនដែលចូលមករស់នៅអាមេរិក ក៏ដូចជា រឹតបន្តឹងការគ្រប់គ្រងនិងត្រួតពិនិត្យអ្នកដំណើរដែលមកពីប្រទេសឥស្លាមចំនួន ៧លើពិភពលោក។
យោងតាម ទីភ្នាក់ងារព័ត៌មាន AFP ក្រោយពេលចុះហត្ថលេខាលើបទបញ្ជារបស់ខ្លួនហើយ លោក ដូណាល់ ត្រាំ បានប្រកាសថា នេះជាវិធានការការពារសហរដ្ឋអាមេរិកពីការហូរចូលនៃភេរវជនអន្តរជាតិ។ វាជាការអនុវត្តតាមការសន្យាដ៏ចម្រូងចម្រាសរបស់ខ្លួនដែលធ្វើឡើងក្នុងពេលឃោសនាបោះឆ្នោតកន្លងមក។
សកម្មជនសិទ្ធិមនុស្ស និងអ្នកជំនាញខ្លះនាំគ្នាទិតៀនបទបញ្ជារបស់លោក ដូណាល់ ត្រាំ និងចាត់ទុកថាវាជាវិធានការជ្រុលនិយមនិងដ៏គ្រោះថ្នាក់មួយ។
យោងតាមបទបញ្ជារបស់ប្រធានាធិបតីថ្មីនេះ អាមេរិកមិនទទួលយកជនភៀសខ្លួនស៊ីរី ឡើយ ឬអាចទទួលយកវិញនៅពេលដែលប្រធានាធិបតី ដូណាល់ ត្រាំ យល់ថា វាលែងមានគ្រោះថ្នាក់សម្រាប់សន្តិសុខអាមេរិក។ ហើយកម្មវិធីទទួលយកជនភៀសខ្លួនអាមេរិកនឹងត្រូវព្យួរជាអចិន្ត្រៃយ៍យ៉ាងហោចណាស់ ១២០ថ្ងៃដែរ។
មួយវិញទៀត អាមេរិកចាប់ផ្តើមហាមប្រជាជនមកពីប្រទេសឥស្លាមចំនួន ៧ មានប្រទេសអ៊ីរ៉ង់,អ៊ីរ៉ាក់,លីប៊ី, សូម៉ាលី, ស៊ូដង់,ស៊ីរី និងយ៉េមែនមិនឲ្យចូលអាមេរិក ដោយមិនចេញទិដ្ឋាការឲ្យក្នុងរយៈពេល ៣០ថ្ងៃ។ហើយអាមេរិកចាប់ផ្តើមអនុវត្តវិធានការត្រួតពិនិត្យនិងសាកសួរពីជីវប្រវត្តិដ៏តឹងតែងបំផុតដែរ។
ពាក់ព័ន្ធបញ្ហាជនភៀសខ្លួន យោងតាមសារព័ត៌មាន The New York Times ថ្វីបើបទបញ្ជានេះមិនមានកំណត់សាសនារបស់ជនភៀសខ្លួនដូចកាលពេលឃោសនាក៏ដោយ បទបញ្ជានេះផ្តល់អាទិភាពលើបណ្តាជនអន្តោប្រវេសន៍ដែលជាអ្នកកាន់សាសនាគ្រិស្ត។ បទបញ្ជានេះស្នើឲ្យ រដ្ឋមន្ត្រីការបរទេស និងរដ្ឋមន្ត្រីសន្តិសុខផ្ទៃក្នុងត្រូវផ្តល់អាទិភាពដល់ប្រជាជនភាគតិចដែលរងគ្រោះដោយសារការធ្វើទុក្ខបុកម្នេញក្នុង ជាពិសេសគ្រិស្តសាសនិកដែលរស់នៅក្នុងប្រទេសឥស្លាម។ ពួកគេត្រូវតែមានឈ្មោះលើគេក្នុងបញ្ជីជនភៀសខ្លួន៕
ប្រធានាធិបតី ដូណាល់ ត្រាំ បានអនុវត្តតាមការសន្យាដ៏ចម្រូងចម្រាសរបស់ខ្លួនដោយចាប់ផ្តើមហាមឃាត់ជនភៀសខ្លួនដែលចូលមករស់នៅអាមេរិក ក៏ដូចជា រឹតបន្តឹងការគ្រប់គ្រងនិងត្រួតពិនិត្យអ្នកដំណើរដែលមកពីប្រទេសឥស្លាមចំនួន ៧លើពិភពលោក។
យោងតាម ទីភ្នាក់ងារព័ត៌មាន AFP ក្រោយពេលចុះហត្ថលេខាលើបទបញ្ជារបស់ខ្លួនហើយ លោក ដូណាល់ ត្រាំ បានប្រកាសថា នេះជាវិធានការការពារសហរដ្ឋអាមេរិកពីការហូរចូលនៃភេរវជនអន្តរជាតិ។ វាជាការអនុវត្តតាមការសន្យាដ៏ចម្រូងចម្រាសរបស់ខ្លួនដែលធ្វើឡើងក្នុងពេលឃោសនាបោះឆ្នោតកន្លងមក។
សកម្មជនសិទ្ធិមនុស្ស និងអ្នកជំនាញខ្លះនាំគ្នាទិតៀនបទបញ្ជារបស់លោក ដូណាល់ ត្រាំ និងចាត់ទុកថាវាជាវិធានការជ្រុលនិយមនិងដ៏គ្រោះថ្នាក់មួយ។
យោងតាមបទបញ្ជារបស់ប្រធានាធិបតីថ្មីនេះ អាមេរិកមិនទទួលយកជនភៀសខ្លួនស៊ីរី ឡើយ ឬអាចទទួលយកវិញនៅពេលដែលប្រធានាធិបតី ដូណាល់ ត្រាំ យល់ថា វាលែងមានគ្រោះថ្នាក់សម្រាប់សន្តិសុខអាមេរិក។ ហើយកម្មវិធីទទួលយកជនភៀសខ្លួនអាមេរិកនឹងត្រូវព្យួរជាអចិន្ត្រៃយ៍យ៉ាងហោចណាស់ ១២០ថ្ងៃដែរ។
មួយវិញទៀត អាមេរិកចាប់ផ្តើមហាមប្រជាជនមកពីប្រទេសឥស្លាមចំនួន ៧ មានប្រទេសអ៊ីរ៉ង់,អ៊ីរ៉ាក់,លីប៊ី, សូម៉ាលី, ស៊ូដង់,ស៊ីរី និងយ៉េមែនមិនឲ្យចូលអាមេរិក ដោយមិនចេញទិដ្ឋាការឲ្យក្នុងរយៈពេល ៣០ថ្ងៃ។ហើយអាមេរិកចាប់ផ្តើមអនុវត្តវិធានការត្រួតពិនិត្យនិងសាកសួរពីជីវប្រវត្តិដ៏តឹងតែងបំផុតដែរ។
ពាក់ព័ន្ធបញ្ហាជនភៀសខ្លួន យោងតាមសារព័ត៌មាន The New York Times ថ្វីបើបទបញ្ជានេះមិនមានកំណត់សាសនារបស់ជនភៀសខ្លួនដូចកាលពេលឃោសនាក៏ដោយ បទបញ្ជានេះផ្តល់អាទិភាពលើបណ្តាជនអន្តោប្រវេសន៍ដែលជាអ្នកកាន់សាសនាគ្រិស្ត។ បទបញ្ជានេះស្នើឲ្យ រដ្ឋមន្ត្រីការបរទេស និងរដ្ឋមន្ត្រីសន្តិសុខផ្ទៃក្នុងត្រូវផ្តល់អាទិភាពដល់ប្រជាជនភាគតិចដែលរងគ្រោះដោយសារការធ្វើទុក្ខបុកម្នេញក្នុង ជាពិសេសគ្រិស្តសាសនិកដែលរស់នៅក្នុងប្រទេសឥស្លាម។ ពួកគេត្រូវតែមានឈ្មោះលើគេក្នុងបញ្ជីជនភៀសខ្លួន៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
7 ម៉ោង
