ជាតិ
ក្រុមហ៊ុនសន្តិសុខ៣២ បានក្ស័យធន
× ភ្នំពេញ៖ សម្ដេច ស ខេង រដ្ឋមន្ត្រីក្រសួងមហាផ្ទៃ បានចេញលិខិតស្នើឲ្យលោក ប៉ាន សូរស័ក្តិ រដ្ឋមន្រី្តក្រសួងពាណិជ្ជកម្ម លុបឈ្មោះក្រុមហ៊ុនសន្តិសុខចំនួន៣២ក្រុមហ៊ុន ចេញពីបញ្ជីពាណិជ្ជកម្ម ដោយសារក្រុមហ៊ុនទាំងនេះ បានប្រកាសក្ស័យធននិងពុំមានសកម្មភាពបម្រើសេវាកម្ម។
លិខិតរបស់ក្រសួងមហាផ្ទៃចុះថ្ងៃទី២៩មករានេះ បានបញ្ជាក់ថា ការស្នើឲ្យក្រសួងពាណិជ្ជកម្មលុបឈ្មោះនេះ គឺដើម្បីធានាដល់ការងារសន្តិសុខ និងរក្សាតម្លាភាពក្នុងការគ្រប់គ្រង់សន្តិសុខឯកជន។ សម្ដេច ស ខេង បានបញ្ជាក់ក្នុងលិខិតយ៉ាងដូច្នេះថា៖«ដើម្បីឲ្យក្រុមហ៊ុនទាំង៣២ខាងលើ បញ្ចប់ដំណើរការផ្ដល់សេវាកម្មសន្តិសុខឯកជនជាស្ថាពរ ក្រសួងមហាផ្ទៃ ស្នើឯកឧត្តមរដ្ឋមន្រី្តក្រសួងពាណិជ្ជកម្ម ពិនិត្យនិងលុបឈ្មោះក្រុមហ៊ុនទាំងនេះ ចេញពីបញ្ជីពាណិជ្ជកម្មស្របតាមនីតិវិធីច្បាប់ជាធរមាន»៕
© រក្សាសិទ្ធិដោយ thmeythmey.com