អត្ថបទពាណិជ្ជកម្ម
ខេ ស៊ីមេន ផ្លាស់ប្ដូររូបរាងថ្មី និងបង្ហាញផលិតផលថ្មី ដោយប្ដេជ្ញាបន្តលើកកម្ពស់ការរស់នៅរបស់ប្រជាជនកម្ពុជា
×![]()
ដោយ: សារព័ត៌មានថ្មីៗ
រាជធានីភ្នំពេញ ថ្ងៃទី៥ កុម្ភៈ ឆ្នាំ២០២១ -- ក្រុមហ៊ុនស៊ីម៉ងត៍ ខេ ស៊ីមេន នៅថ្ងៃនេះ បានជួបជុំជាមួយតំណាងអ្នកចែកចាយ និងក្រុមហ៊ុនអភិវឌ្ឍន៍សំណង់ដែលជាដៃគូសហការរបស់ខ្លួន មកពីទូទាំងប្រទេសកម្ពុជា ដើម្បីធ្វើការបង្ហាញនូវទម្រង់អភិវឌ្ឍន៍ថ្មីនៃផលិតផលម៉ាក ខេ ស៊ីមេន របស់ខ្លួន ជាមួយនឹងការប្ដេជ្ញាចិត្តបន្តលើកកម្ពស់ការរស់នៅកាន់តែប្រសើរឡើងរបស់ប្រជាជនកម្ពុជា ។
នៅក្នុងឱកាសជួបជុំនេះ «ថ្មី»បីយ៉ាងត្រូវបានបង្ហាញជូន ៖ ទីមួយ គឺ ការរចនាសំបកបាវថ្មីសម្រាប់ស៊ីម៉ងត៍ ខេ ស៊ីមេន; រូបមន្តថ្មីសម្រាប់ស៊ីម៉ងត៍ ខេ ស៊ុបពែរ; និងផលិតផលថ្មី គឺ ខេ ផោវើរ ផ្លាស្ទ័ររីង ។
លោក Ratchayut Kasemchaisiri នាយកគ្រប់គ្រង អេសស៊ីជី ប្រចាំកម្ពុជា បានថ្លែងទៅកាន់តំណាងអ្នកចែកចាយ និងដៃគូ ថា ទោះបីជាឆ្នាំ២០២០កន្លងមក វាជាពេលវេលាលំបាកបំផុតចំពោះក្រុមហ៊ុនអាជីវកម្មទាំងអស់ក្ដី «យើងបានបង្ហាញឲ្យឃើញពីសាមគ្គីភាព និងបានឆ្លងកាត់វិបត្តិនេះរួមជាមួយគ្នាបានមួយឆ្នាំរួចហើយ» ។
លោក Ratchayut មានប្រសាសន៍ថា «យើងប៉ាន់ប្រមាណថា ឆ្នាំនេះក៏មិនមែនងាយស្រួលដែរ សម្រាប់អាជីវកម្មគ្រប់វិស័យ ... ប៉ុន្តែ នៅក្រុមហ៊ុន អេសស៊ីជី និង ខេ ស៊ីមេន យើងតែងតែខំប្រឹងប្រែងជំរុញខ្លួនឯងដើម្បីជម្នះការលំបាក និងធ្វើឲ្យអាជីវកម្មយើងរីកលូតលាស់ជាបន្ត ។»
លោកបានបន្ថែមថា «នៅឆ្នាំ២០២១នេះ យើងគ្រោងចាប់ផ្ដើមទសវត្សរ៍ថ្មី ជាមួយនឹងការអភិវឌ្ឍទម្រង់ថ្មីសម្រាប់ផលិតផលស៊ីម៉ងត៍ ខេ ស៊ីមេន ។ ការអភិវឌ្ឍថ្មីៗនេះ គឺផ្ដើមចេញពីមហិច្ឆតាដ៏រឹងមាំរបស់យើងដើម្បីរក្សាភាពឈានមុខគេរបស់យើងនៅក្នុងចំណែកទីផ្សារ និងភាពល្អប្រណីតលើសគេផ្នែកម៉ាកយីហោ ។»
យោងតាមលោក Ratchayut ស៊ីម៉ងត៍ ខេ ស៊ីមេន នឹងមានសំបកបាវថ្មី ហើយរចនាបថនៃសំបកបាវថ្មីនេះគឺកើតចេញពីឆន្ទៈមុះមុតរបស់យើងក្នុងការបោះជំហានឲ្យលឿនឆ្ពោះទៅរកអនាគត ដោយប្រើកេរដំណែលនិងបទពិសោធន៍របស់យើងក្នុងនាមជាម៉ាកយីហោខ្មែរដំបូងគេបំផុត នៅក្នុងទីផ្សារកម្ពុជា ។
ស៊ីម៉ងត៍ ខេ ស៊ុបពែរ មានរូបមន្តថ្មី ។ វាត្រូវបានកែលម្អឲ្យក្លាយជាស៊ីម៉ងត៍ដែលអាចប្រើបានសម្រាប់ការងារចម្រុះ ។ អ្នកប្រើប្រាស់នឹងវាយតម្លៃខ្ពស់ចំពោះគុណតម្លៃរបស់ ខេ ស៊ុបពែរ ជាស៊ីម៉ងត៍មួយប្រភេទសម្រាប់ការងារចម្រុះគ្រប់មុខ គឺការចាក់សាបនិងគ្រឿងបង្គុំស្រាលៗ ការរៀបឥដ្ឋ និងការងារបូក ។
រីឯផលិតផលថ្មី គឺ ស៊ីម៉ងត៍ ខេ ផោវើរ ផ្លាស្ទ័ររីង វិញ ត្រូវគេចាត់ទុកថាជាស៊ីម៉ងត៍បូកដែលល្អបំផុត ដែលធ្វើឲ្យជញ្ជាំងមានភាពរលោងស្អាតបំផុត និងគ្មានស្នាមប្រេះ ។
ជាមួយនឹងការអភិវឌ្ឍថ្មីទាំងនេះ លោក Ratchayut សង្ឃឹមថា អត្តសញ្ញាណថ្មីនិងផលិតផលថ្មីទាំងនេះ នឹងបំពេញសេចក្ដីត្រូវការរបស់អតិថិជនកាន់តែល្អបន្ថែមទៀត និងជួយឲ្យអ្នកចែកចាយទាំងអស់ សម្រេចបានបរិមាណលក់កើនឡើង និងមានភាពងាយស្រួលក្នុងការលក់ផលិតផលទាំងនេះ ទៅឲ្យអតិថិជនរបស់ខ្លួន ។
លោក Ratchayut បានបន្ថែមថា គោលដៅធំបំផុត គឺជួយជំរុញឲ្យមាននវានុវត្តន៍និងកំណើនប្រកបដោយចីរភាព ដល់វិស័យសំណង់និងការរស់នៅរបស់ប្រទេសកម្ពុជា ដែលនឹងនាំមកនូវការរស់នៅប្រកបដោយគុណភាពកាន់តែប្រសើរឡើងចំពោះម្ចាស់លំនៅដ្ឋានគ្រប់រូប នៅកម្ពុជា ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
22 ម៉ោង
