សុខភាព
អន្តរជាតិ
ហុងកុងបញ្ជាក់ពីករណីទីមួយនៃមេរោគគ្រុនផ្ដាសសាយ H7N9
× កាលពីថ្ងៃចន្ទ អាជ្ញាធរក្រុងហុងកុងបានប្រកាសជាលើកដំបូងនូវករណីជំងឺផ្ដាសសាយ H7N9 ដែលកើតលើស្ត្រីអ្នកបម្រើតាមផ្ទះជនជាតិឥណ្ឌូនេស៊ីម្នាក់ ហើយបច្ចុប្បន្នគាត់កំពុងតែសម្រាកព្យាបាលនៅឯមន្ទីរពេទ្យ។
រដ្ឋមន្ត្រីក្រសួងស្បៀងអាហារ និង សុខាភិបាលហុងកុងKo Wing-man បានឲ្យដឹងថា ជនរងគ្រោះវ័យ៣៦ឆ្នាំរូបនេះអាចនឹងឆ្លងមេរោគដ៏គ្រោះថ្នាក់ខាងលើពីសាច់សត្វបក្សីនៅពេលគាត់ទៅលេងខេត្ត Shenzhen។
មន្ត្រីជាន់ខ្ពស់ដដែលបន្ថែមទៀតថា អ្នកដែលបានប៉ះពាល់ជនរងគ្រោះដោយផ្ទាល់ក៏ត្រូវបានបញ្ជូនទៅពិនិត្យនៅមន្ទីរពេទ្យផងដែរ។ ៤នាក់ក្នុងចំណោមនោះ គឺជាក្រុមគ្រួសារជនរងគ្រោះដែលពួកគេបានបង្ហាញរោគសញ្ញាមេរោគ H7N9។
លោក P.L Ho ប្រធានមជ្ឈមណ្ឌលជំងឺឆ្លងរបស់មហាវិទ្យាល័យវេជ្ជសាស្ត្រ នៃសាកលវិទ្យាល័យហុងកុង បានថ្លែងខុសពីលោក Ko Wing-man ថា ករណីខាងលើ គឺដាច់ដោយឡែកពីមេរោគ H7N9 ពីព្រោះវា មិនទាន់ត្រូវបានរកឃើញថា អាចនឹងឆ្លងពីមនុស្សទៅមនុស្សនៅឡើយទេ។
យ៉ាងណាក៏ដោយ លោក Ho បញ្ជាក់ថា បសុបក្សីទាំងឡាយដែលនាំមកពី Shenzhen នឹងត្រូវឆ្លងកាត់ ការត្រួតពិនិត្យជាមុនសិន៕
ប្រែសម្រួលដោយ ទិត្យ សុវណ្ណ
© រក្សាសិទ្ធិដោយ thmeythmey.com