អាជ្ញាធរជាតិសំបូរព្រៃគុក បានបញ្ជាក់កាលពីថ្ងៃទី១៧ មីនាថា ការហាមឃាត់នេះ នឹងចាប់ផ្ដើមអនុវត្តចាប់ពីថ្ងៃទី៣១ ខែមីនា ឆ្នាំ២០២១នេះតទៅ។ បើតាមអាជ្ញាធរជាតិសំបូរព្រៃគុក រថយន្តធុនធ្ងន់ទាំងអស់ត្រូវធ្វើចរាចរណ៍តាមផ្លូវវាង តាមឃុំជ័យ ស្រុកកំពង់ស្វាយ ទៅចុងភូមិសំបូរ ស្រុកប្រាសាទសំបូរ។ អាជ្ញាធរជាតិសំបូរព្រៃគុកក៏បានអំពាវនាវដល់សាធារណជន និងម្ចាស់រថយន្តធុនធ្ងន់ទាំងអស់ ចូលរួមអនុវត្តតាមសេចកក្ដីសម្រេចខាងលើ ដើម្បីថែរក្សាសោភ័ណភាពនិងសុវត្ថិភាពប្រាសាទ។
 

ប្រាសាទសំបូរព្រៃគុក កសាងឡើងនៅក្នុងសតវត្សរ៍ទី ៧ ក្នុងរជ្ជកាលស្តេច ឥសានវរ្ម័ន ក្នុងសម័យចេនឡា។ បច្ចុប្បន្ន តំបន់ប្រាសាទនេះ ក្លាយជារមណីយដ្ឋានវប្បធម៌ ប្រវត្តិសាស្ត្រ ដែលស្ថិតនៅក្នុងភូមិសំបូរ ឃុំសំបូរ ស្រុកប្រាសាទសំបូរ មានចម្ងាយប្រមាណ៣៧គីឡូម៉ែត្រ ពីទីរួមខេត្តកំពង់ធំ។ តំបន់ប្រាសាទសំបូរព្រៃគុក មានចំនួន២៩១ប្រាសាទ ដែលបែងចែងជាបីក្រុមសំខាន់ គឺក្រុមប្រាសាទកណ្ដាល , ក្រុមប្រាសាទខាងត្បូង និងក្រុមប្រាសាទខាងជើង។ នេះបើតាមក្រសួងវប្បធម៌៕