COVID-19
ជាតិ
កំពង់ស្ពឺ៖បិទខ្ទប់ភូមិបន្ទាយរកា នៃស្រុកភ្នំស្រួច និងមួយផ្នែកនៃភូមិត្រពាំងវែង នៃស្រុកសំរោងទង
ទិដ្ឋភាពនៅក្នុងភូមិរការ ឃុំក្រាំងដឺវ៉ាយ ស្រុកភ្នំស្រួច ខេត្តកំពង់ស្ពឺ កាលពីព្រឹកថ្ងៃទី១៤មេសា។ រូបភាព៖ ហ្វេសប៊ុក ឈ្មោះ Suon Saron
×![]()
ដោយ: ខន ចំប៉ា
រដ្ឋបាលខេត្តកំពង់ស្ពឺ បានសម្រេចបិទខ្ទប់ ភូមិ បន្ទាយរកា ឃុំក្រាំងសែវ៉ាយ ស្រុកភ្នំស្រួច និងមួយផ្នែកតូចនៃភូមិត្រពាំងវែងឃុំត្រពាំងគង ស្រុកសំរោងទង ខេត្តកំពង់ស្ពឺ ដែលជាតំបន់មានការឆ្លងរាលដាលនៃជំងឺកូវីដ-១៩។ យោងតាមសេចក្តីសម្រេច របស់រដ្ឋបាលខេត្តកំពង់ស្ពឺ វិធានការបិទខ្ទប់នេះ មានរយៈពេល២សប្តាហ៍ ដោយចាប់អនុវត្តន៍ ពីថ្ងៃទី១៦ មេសា ដល់ថ្ងៃទី៣០មេសា ឆ្នាំ២០២១។ 
យោងតាមសេចក្តីសម្រេចនេះ នៅក្នុងអំឡុងបិទខ្ទប់នេះ បុគ្គលគ្រប់រូប នឹងត្រូវបានហាមឃាត់ការធ្វើដំណើរចេញពីផ្ទះ លើកលែងតែចាំបាច់មួយចំនួន ដូចជាទៅបំពេញការងារ និងប្រកបអាជីវកម្ម ក្នុងតំបន់បិទខ្ទប់ ដោយមានលិខិតអនុញ្ញាតពីអាជ្ញាធរ។ ការធ្វើដំណើរទៅកន្លែងលក់ម្ហូប គ្រឿងឧបភោគបរិភោគ និងសម្ភារប្រើប្រាស់ចាំបាច់ប្រចាំថ្ងៃ ហើយអាចធ្វើឡើងដោយក្នុងមួយគ្រួសារ ឬទីសំណាក់ អាចមានសមាជិកយ៉ាងច្រើន ២នាក់ ចេញ-ចូល និងបានតែ ២ដងប៉ុណ្ណោះក្នុងមួយសប្តាហ៍ នៅក្នុងតំបន់បិទខ្ទប់នេះ។ នេះបើតាមសេចក្តីសម្រេចដដែល។
ការធ្វើដំណើរទៅមន្ទីរពេទ្យ មណ្ឌលសុខភាព ឬឱសថស្ថាន ដោយបញ្ហាសុខភាពបន្ទាន់ ការធ្វើដំណើរបំពេញបេសកកម្មរបស់ក្រុមគ្រូពេទ្យ មន្ត្រីរាជការ ក្រុមពន្លត់អគ្គិភ័យ និងកម្លាំងប្រដាប់អាវុធ ក៏ដូចជាការធ្វើដំណើរចូលរួម ក្នុងសកម្មភាពបម្រើប្រយោជន៍សាធារណៈ ក៏ស្ថិតក្នុងករណីលើកលែងដែរ។ ក្រៅពីនេះ ការធ្វើដំណើរដោយមូលហេតុចាំបាច់ និងបន្ទាន់ ដែលមានការអនុញ្ញាតពីអាជ្ញាធរ។ ករណីលើកលែងផ្សេងទៀត មានដូចជាការធ្វើដំណើរដើម្បីទៅបង្ហាញខ្លួន ឱ្យមន្ត្រីសុខាភីបាល យកវត្ថុសំណាករកជំងឺកូវីដ-១៩ និងការធ្វើដំណើរទៅចាក់វ៉ាក់សាំងកូវីដ-១៩ ជាដើម។ នេះបើតាមសេចក្តីសម្រេចដដែល ដោយបន្តថា បើទោះជាស្ថិតក្នុងករណីលើកលែងការធ្វើដំណើរក៏ដោយ ប៉ុន្តែបុគ្គលគ្រប់រូប ត្រូវមានកាតព្វកិច្ច ពាក់ម៉ាស់ និងរក្សាគម្លាតសុវត្ថិភាព ព្រមទាំងប្រកាន់ខ្ជាប់ការអនាម័យ និងការវាស់កម្ដៅ ដើម្បីទប់ស្កាត់ការចម្លងមេរោគ។
ចំពោះអាជីវកម្ម ដែលមិនមែនជាតម្រូវការ ក៏ត្រូវបានហាមឃាត់ លើកលែងតែករណីចាំបាច់មួយចំនួនដូចជា សកម្មភាពបំពេញការងារក្នុងក្របខណ្ឌសាធារណៈដូចជា កងកម្លាំប្រដាប់អាវុធ សេវាផ្គត់ផ្គង់អគ្គិសនី ទឹកស្អាត សេវាប្រមូល និងដឹកជញ្ជូនសំរាម ជាដើម។ អាជីវកម្ម តាមប្រព័ន្ធអនឡាញ ឱសថស្ថាន ការផ្គត់ផ្គង់ទំនិញដែលជាតម្រូវការចាំបាច់ ក៏ត្រូវបានអនុញ្ញាត។ នេះបើតាមសេចក្តីសម្រេចដដែល ដោយបន្តបញ្ជាក់ថា រាល់ការធ្វើដំណើរដែលត្រូវបានអនុញ្ញាតនេះ នឹងត្រូវហាមឃាត់ក្នុងចន្លោះម៉ោង៨ ដល់ម៉ោង៥ភ្លឺ លើកលែងតែមូលហេតុសុខភាពបន្ទាន់។ ចំពោះបុគ្គលណាដែលល្មើសវិធានការ អំឡុងពេលបិទខ្ទប់នេះ នឹងត្រូវទទួលទោសដែលចែងដោយច្បាប់ស្ដីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩៕
យោងតាមសេចក្តីសម្រេចនេះ នៅក្នុងអំឡុងបិទខ្ទប់នេះ បុគ្គលគ្រប់រូប នឹងត្រូវបានហាមឃាត់ការធ្វើដំណើរចេញពីផ្ទះ លើកលែងតែចាំបាច់មួយចំនួន ដូចជាទៅបំពេញការងារ និងប្រកបអាជីវកម្ម ក្នុងតំបន់បិទខ្ទប់ ដោយមានលិខិតអនុញ្ញាតពីអាជ្ញាធរ។ ការធ្វើដំណើរទៅកន្លែងលក់ម្ហូប គ្រឿងឧបភោគបរិភោគ និងសម្ភារប្រើប្រាស់ចាំបាច់ប្រចាំថ្ងៃ ហើយអាចធ្វើឡើងដោយក្នុងមួយគ្រួសារ ឬទីសំណាក់ អាចមានសមាជិកយ៉ាងច្រើន ២នាក់ ចេញ-ចូល និងបានតែ ២ដងប៉ុណ្ណោះក្នុងមួយសប្តាហ៍ នៅក្នុងតំបន់បិទខ្ទប់នេះ។ នេះបើតាមសេចក្តីសម្រេចដដែល។
ការធ្វើដំណើរទៅមន្ទីរពេទ្យ មណ្ឌលសុខភាព ឬឱសថស្ថាន ដោយបញ្ហាសុខភាពបន្ទាន់ ការធ្វើដំណើរបំពេញបេសកកម្មរបស់ក្រុមគ្រូពេទ្យ មន្ត្រីរាជការ ក្រុមពន្លត់អគ្គិភ័យ និងកម្លាំងប្រដាប់អាវុធ ក៏ដូចជាការធ្វើដំណើរចូលរួម ក្នុងសកម្មភាពបម្រើប្រយោជន៍សាធារណៈ ក៏ស្ថិតក្នុងករណីលើកលែងដែរ។ ក្រៅពីនេះ ការធ្វើដំណើរដោយមូលហេតុចាំបាច់ និងបន្ទាន់ ដែលមានការអនុញ្ញាតពីអាជ្ញាធរ។ ករណីលើកលែងផ្សេងទៀត មានដូចជាការធ្វើដំណើរដើម្បីទៅបង្ហាញខ្លួន ឱ្យមន្ត្រីសុខាភីបាល យកវត្ថុសំណាករកជំងឺកូវីដ-១៩ និងការធ្វើដំណើរទៅចាក់វ៉ាក់សាំងកូវីដ-១៩ ជាដើម។ នេះបើតាមសេចក្តីសម្រេចដដែល ដោយបន្តថា បើទោះជាស្ថិតក្នុងករណីលើកលែងការធ្វើដំណើរក៏ដោយ ប៉ុន្តែបុគ្គលគ្រប់រូប ត្រូវមានកាតព្វកិច្ច ពាក់ម៉ាស់ និងរក្សាគម្លាតសុវត្ថិភាព ព្រមទាំងប្រកាន់ខ្ជាប់ការអនាម័យ និងការវាស់កម្ដៅ ដើម្បីទប់ស្កាត់ការចម្លងមេរោគ។
ចំពោះអាជីវកម្ម ដែលមិនមែនជាតម្រូវការ ក៏ត្រូវបានហាមឃាត់ លើកលែងតែករណីចាំបាច់មួយចំនួនដូចជា សកម្មភាពបំពេញការងារក្នុងក្របខណ្ឌសាធារណៈដូចជា កងកម្លាំប្រដាប់អាវុធ សេវាផ្គត់ផ្គង់អគ្គិសនី ទឹកស្អាត សេវាប្រមូល និងដឹកជញ្ជូនសំរាម ជាដើម។ អាជីវកម្ម តាមប្រព័ន្ធអនឡាញ ឱសថស្ថាន ការផ្គត់ផ្គង់ទំនិញដែលជាតម្រូវការចាំបាច់ ក៏ត្រូវបានអនុញ្ញាត។ នេះបើតាមសេចក្តីសម្រេចដដែល ដោយបន្តបញ្ជាក់ថា រាល់ការធ្វើដំណើរដែលត្រូវបានអនុញ្ញាតនេះ នឹងត្រូវហាមឃាត់ក្នុងចន្លោះម៉ោង៨ ដល់ម៉ោង៥ភ្លឺ លើកលែងតែមូលហេតុសុខភាពបន្ទាន់។ ចំពោះបុគ្គលណាដែលល្មើសវិធានការ អំឡុងពេលបិទខ្ទប់នេះ នឹងត្រូវទទួលទោសដែលចែងដោយច្បាប់ស្ដីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩៕
© រក្សាសិទ្ធិដោយ thmeythmey.com
