លោក Shakespeare ដែលត្រូវមានឈ្មោះផ្លូវការដូចដូចកវី និងអ្នកនិពន្ធរឿងល្ខោន (William Shakespeare) កាលពីសតវត្សរ៍ទី១៦ តំណាងឲ្យក្តីសង្ឃឹមនៃយុទ្ធនាការប្រយុទ្ធប្រឆាំងជំងឺកូវីដ-១៩នៅអង់គ្លេស។ លោកគឺជាបុរសដំបូងដែលបានចាក់ Pfizer ប៉ុន្តែជាមនុស្សទី២ បន្ទាប់ពីលោកយាយ Margaret Keenan ដែលបានចាក់ក្នុងអាយុ៩១ឆ្នាំ។

 

លោក Shakespeare មានកូន២នាក់ និងចៅ៤នាក់ ដោយបានទទួលមរណភាពកាលពីថ្ងៃព្រហស្បតិ៍សប្តាហ៍មុន នៅក្រុង Coventry។ កាលនៅរស់ លោកតែងតែលើកទឹកចិត្តពលរដ្ឋអង់គ្លេសឲ្យនាំគ្នាទៅចាក់វ៉ាក់សាំងដើម្បីទប់ស្កាត់ការរាលដាលកូវីដ-១៩។

 

បច្ចុប្បន្ន ចក្រភពអង់គ្លេស មានអ្នកឆ្លងកូវីដ-១៩ ជាង៤,៤៦លាននាក់ ក្នុងនោះជាង១២,៧ម៉ឺននាក់ស្លាប់ និងជាង៤,៣លាននាក់បានជាសះស្បើយ។ គិតត្រឹមថ្ងៃទី២៥ ខែឧសភា ពលរដ្ឋអង់គ្លេសជាង៣៨លាននាក់ បានចាក់វ៉ាក់សាំងដូសដំបូង និងជាង២៣លាននាក់ ចាក់ដូសទី២៕