អន្តរជាតិ
ហ្វេសប៊ុកនឹងលែងលុបចោលការបង្ហោះណាដែលថាជំងឺកូវីដ១៩បង្កើតឡើងដោយមនុស្សទៀតហើយ
ស្លាកសញ្ញាក្រុមហ៊ុន Facebook ត្រូវបានបង្ហាញលើកញ្ចក់ទូរស័ព្ទដៃនៅខាងមុខស្លាកសញ្ញាធំមួយទៀតរបស់ Facebook។
×![]()
ដោយ: VOA
ក្រុមហ៊ុនហ្វេសប៊ុកថា ខ្លួននឹងលែងលុបចោលការបង្ហោះណាដែលថា ជំងឺកូវីដ១៩បង្កើត ឬផលិតឡើងដោយមនុស្សចេញពី apps របស់ខ្លួនទៀតហើយ។
ក្រុមហ៊ុនហ្វេសប៊ុកបញ្ជាក់ថា ការផ្លាស់ប្ដូរនេះកើតឡើង «បន្ទាប់ពីមានការស៊ើបអង្កេតដែលកំពុងបន្តដើម្បីស្វែងរកប្រភពដើមនៃជំងឺកូវីដ១៩ និងបន្ទាប់ពីមានការប្រឹក្សាជាមួយអ្នកជំនាញសុខាភិបាលសាធារណៈ»។
ក្រុមហ៊ុននេះបានប្រយុទ្ធប្រឆាំងនឹងព័ត៌មានមិនពិតទាក់ទិននឹងជំងឺនេះអស់រយ:ពេលជាយូរមកហើយ។ ឧទាហរណ៍ កាលពីខែធ្នូ ហ្វេសប៊ុកបានឲ្យដឹងថា ខ្លួននឹងលុបចោលព័ត៌មានមិនពិតទាក់ទិននឹងវ៉ាក់សំាងការពារជំងឺកូវីដ១៩។
លោកប្រធានាធិបតីសហរដ្ឋអាមេរិក Joe Biden ថ្មីៗនេះ បានបញ្ជាឲ្យមន្ត្រីស៊ើបការណ៍សម្ងាត់របស់សហរដ្ឋអាមេរិកបង្កើនកិច្ចប្រឹងប្រែងទ្វេដង ដើម្បីស៊ើបអង្កេតរកប្រភពនៃការរាតត្បាតជំងឺកូវីដ១៩ ដែលរួមមានលទ្ធភាពនៃការពាក់ព័ន្ធនឹងមន្ទីរពិសោធន៍ចិនផងដែរ៕
© រក្សាសិទ្ធិដោយ thmeythmey.com
