អន្តរជាតិ
មួយសតវត្សរ៍ក្រោយមកទីក្រុងអាមេរិកចងចាំពីការសម្លាប់រង្គាលជាតិសាសន៍
×![]()
ដោយ: VOA
រូបឯកសារ៖ រូបភាពពីភាពយន្តឯកសារមួយអំពីការបំផ្លិចបំផ្លាញពីការសម្លាប់រង្គាលនៅក្រុង Tulsa រដ្ឋ Oklahoma ត្រូវបានបង្ហាញនៅរោងភាពយន្តទីវាលមួយកន្លែងនៅទីក្រុង Tulsa កាលពីថ្ងៃទី២៦ ខែឧសភា ឆ្នាំ២០២១។
វ៉ាស៊ីនតោន — ប្រធានាធិបតីសហរដ្ឋអាមេរិកលោក Joe Biden នៅថ្ងៃអង្គារម៉ោងនៅសហរដ្ឋអាមេរិកគ្រោងធ្វើដំណើរទៅទីក្រុង Tulsa រដ្ឋ Oklahoma ដើម្បីរំឭកខួបមួយសតវត្សរ៍នៃការសម្លាប់រង្គាលនៅក្រុងTulsaនៅពេលដែលក្រុមជនជាតិស្បែកសដ៏គួរឱ្យខ្លាចក្នុងឆ្នាំ១៩២១បានកម្ទេចសហគមន៍ជនជាតិស្បែកខ្មៅដោយបានសម្លាប់មនុស្ស៣០០នាក់និង១០.០០០នាក់គ្មានផ្ទះសម្បែងរស់នៅ។ លោក Biden នឹងធ្វើទស្សនកិច្ចមជ្ឈមណ្ឌលវប្បធម៌ Greenwood និងថ្លែងសុន្ទរកថានៅទីនោះដើម្បីប្រារព្ធខួប១០០ឆ្នាំ។
រហូតមកដល់សព្វថ្ងៃនេះអ្វីដែលបានកើតឡើងនៅសហគមន៍ Tulsa គឺជាវគ្គមួយនៃប្រវត្តិសាស្រ្តរបស់ប្រទេសអាមេរិកពោរពេញទៅដោយអំពើហិង្សាពូជសាសន៍ដែលជនជាតិអាមេរិកាំងជាច្រើនបានដឹងតិចតួចសូម្បីតែខណៈប្រទេសនេះការរើសអើងជាតិសាសន៍ ការចោទប្រកាន់អំពីការរំលោភបំពានរបស់ប៉ូលិសទៅលើជនជាតិភាគតិច វិសមភាពសេដ្ឋកិច្ចដោយការរើសអើងពូជសាសន៍និងការជជែកដេញដោលគ្នាអំពីការរឹតត្បិតក្នុងការបោះឆ្នោតដែលត្រូវបានអនុម័តថ្មីដែលក្រុមអ្នករិះគន់និយាយថាមានគោលបំណងរារាំងការបោះឆ្នោតរបស់ជនជាតិស្បែកខ្មៅនិង Hispanic ដើម្បីកំហិតឥទ្ធិពលរបស់ពួកគេ។
មានមនុស្សតែបីនាក់ប៉ុណ្ណោះដែលបច្ចុប្បន្នមានអាយុជាង១០០ឆ្នាំបានរួចជីវិតពីការបំផ្លិចបំផ្លាញសហគមន៍ Tulsa ដែលគេហៅថា Black Wall Street។ ការវាយប្រហារជាតិសាសន៍នេះបានកើតឡើងបួនទសវត្សមុនមានចលនាសិទ្ធិពលរដ្ឋដែលប្រឈមអំពើហិង្សាជាញឹកញាប់នៅទសវត្សរ៍១៩៦០ដែលទាមទារសិទ្ធិបោះឆ្នោតឱ្យជនជាតិអាមេរិកស្បែកខ្មៅដែលសួម្បីឥឡូវនៅមានការជជែកវែកញែកអំពីសិទ្ធិបោះឆ្នោតនេះ។
អ្នកនៅរស់រានមានជីវិតម្នាក់គឺអ្នកស្រី Viola Fletcher អាយុ១០៧ឆ្នាំ បានបង្ហាញខ្លួនកាលពីពេលថ្មីៗនេះនៅខាងមុខគណៈកម្មការសភានៅក្នុងដំណើរទស្សនកិច្ចលើកទី១របស់អ្នកស្រីទៅកាន់រដ្ឋធានីវ៉ាស៊ីនតោនដើម្បីទប់ស្កាត់ការរើសអើងពេលបច្ចុប្បន្នខណៈដែលរៀបរាប់ការចងចាំរបស់អ្នកស្រីពីការវាយប្រហារទៅលើសង្កាត់របស់អ្នកស្រីនៅពេលអ្នកស្រីមានអាយុ៧ឆ្នាំ៕
© រក្សាសិទ្ធិដោយ thmeythmey.com
