ជាតិ
មន្ទីរទេសចរណ៍ភ្នំពេញ បើកវគ្គបណ្ដុះបណ្ដាលសមត្ថភាពដល់ម្ចាស់អាជីវកម្មខ្នាតតូច ដោយឥតគិតថ្លៃ
× មន្ទីរទេសចរណ៍រាជធានីភ្នំពេញ បើកវគ្គបណ្ដុះបណ្ដាល «ការកសាងសមត្ថភាពម្ចាស់អាជីវកម្មក្នុងវិស័យទេសចរណ៍» ដល់ម្ចាស់អាជីវកម្មខ្នាតតូចដូចជា សេវាកម្មកាហ្វេចល័ត, ស្រាក្រឡុកចល័ត និងសេវាកម្មបោកអ៊ុត ដោយឥតគិតថ្លៃ។ វគ្គបណ្ដុះបណ្ដាលនេះ នឹងរៀបចំដោយផ្ទាល់ និងតាមរយៈវីដេអូ ចាប់ពីខែកញ្ញា ឆ្នាំ២០២១ ដល់ខែកុម្ភៈ ឆ្នាំ២០២២។
មន្ទីរទេសចរណ៍រាជធានីភ្នំពេញ នឹងរៀបចំបណ្ដុះបណ្ដាល «ការកសាងសមត្ថភាពម្ចាស់អាជីវកម្មក្នុងវិស័យទេសចរណ៍»ដល់ម្ចាស់ម្ចាស់សេវាកម្មកាហ្វេចល័ត ស្រាក្រឡុង និងសេវាកម្មបោកអ៊ុត។ ម្ចាស់ខាងលើក្នុងរាជធានីភ្នំពេញ ដែលមានអាយុចាប់ពី១៥ឆ្នាំ ដល់២៥ឆ្នាំ អាចចូលរួមក្នុងវគ្គបណ្ដុះបណ្ដាលនេះ ដោយឥតគិតថ្លៃ។
បើតាមមន្ទីរទេសចរណ៍រាជធានីភ្នំពេញ សិក្ខាកាម នឹងអាចសិក្សាពីការគ្រប់គ្រងទូទៅក្នុងអាជីវកម្ម, ការចុះបញ្ជីអាជីវកម្ម, ការរៀបចំទីផ្សារតាមប្រព័ន្ធអនឡាញ។ លើសពីនេះ សិក្ខាកាមក៏អាចរៀនបន្ថែមពីជំនាញឆុងកាហ្វេ, ជំនាញក្រឡុកស្រា និងជំនាញបោកអ៊ុតផងដែរ។
ម្ចាស់អាជីវកម្មខ្នាតតូចទាំង៣ប្រភេទនេះ អាចចុះឈ្មោះចូលរៀនវគ្គបណ្ដុះបណ្ដាលនេះនៅមន្ទីរទេសចរណ៍រាជធានីភ្នំពេញដោយផ្ទាល់ ឬតាមរយៈលេខទូរស័ព្ទ ០៧៦ ៣៥៥ ៥៥៨/ ០៨១ ៨២០ ២០២ និង ០៩៦ ៦១៣ ៨៤៦៦ ឬតាមរយៈអ៊ីម៉ែល
[email protected]។
សូមបញ្ជាក់ថា វគ្គបណ្ដុះបណ្ដាលនេះ ជាកិច្ចសហការរវាងមន្ទីរទេសចរណ៍រាជធានីភ្នំពេញ ជាមួយទីភ្នាក់ងារប្រឹក្សាយោបលជំនាញវិជ្ជាជីវៈទេសចរណ៍អាស៊ាន អេធីភី ( ATP Consultant ) និងគម្រោងរបស់អង្គការ Pact Cambodia ក្រោមការឧបត្ថមរបស់អង្គការ USAID ៕
© រក្សាសិទ្ធិដោយ thmeythmey.com