យោងតាមទិន្នន័យរបស់ការិយាល័យអង្គការសហប្រជាជាតិទទួលបន្ទុកកិច្ចការមនុស្សធម៌ (OCHA) ទឹកប្រាក់ដែលកូរ៉េខាងជើងឧបត្ថម្ភក្នុងគម្រោងរបស់ UN មានគោលដៅផ្តល់សម្ភារប្រឆាំងជំងឺកូវីដ-១៩ ជំនួយស្បៀងអាហារ និងជំនួយផ្សេងៗទៀតទៅកាន់មីយ៉ាន់ម៉ា។

 

មីយ៉ាន់ម៉ា មានភាពវឹកវរផ្នែកនយោបាយចាប់តាំងពីដើមខែកុម្ភៈមកម្ល៉េះដែលធ្វើឱ្យប្រទេសនេះជួប ប្រទះបញ្ហាសន្តិសុខ សេដ្ឋកិច្ច និងសង្គមជាច្រើន ហើយទាមទារឱ្យមានការជួយជ្រោមជ្រែងពីប្រទេស ផ្សេងៗ។

 

កូរ៉េខាងជើងជាប្រទេសមួយក្នុងចំណោមប្រទេសមួយចំនួនទៀតដែលឧបត្ថម្ភថវិកាចូលគម្រោងមួយ នេះ។ ចំណែកឯ កូរ៉េខាងត្បូងក៏បានឧបត្ថម្ភលុយចំនួន៦០០,០០០ដុល្លារអាមេរិកផងដែរ។ នេះបើតាមការផ្សាយរបស់ទីភ្នាក់ងារព័ត៌មាន Yonhap ។

 

កន្លងមក ទំនាក់ទំនងរវាងកូរ៉េខាងជើង និងមីយ៉ាន់ម៉ា មានសភាពល្អប្រសើរ។ កាលពីខែមករាក្នុង ឱកាសខួបលើកទី៧៣ នៃឯករាជ្យភាពរបស់ប្រទេសអាស៊ីអាគ្នេយ៍មួយនេះ មេដឹកនាំកូរ៉េខាងជើង បានផ្ញើសារទៅកាន់ប្រធានាធិបតីមីយ៉ាន់ម៉ា ដោយបង្ហាញពីក្តីសង្ឃឹមសម្រាប់ការរឹតបន្តឹងចំណង មិត្តភាពន្ថែមទៀត៕