លោក បេនីកណូ អាគីណូ ជាប្រធានាធិបតីទី១៥របស់ហ្វីលីពីនក្នុងអាណត្តិ២០១០ ដល់ឆ្នាំ២០១៦ ពេលលោក រ៉ូឌ្រីហ្គោ ឌូទើតេ ស្នងតំណែងបន្ត។ ក្រោយផុតអាណត្តិ លោក មិនសូវចេញមុខចេញមាត់ឡើយ។ 

 

បើតាមការផ្សាយរបស់សារព័ត៌មានក្នុងស្រុក Rappler អតីតប្រធានាធិបតីរូបនេះ ត្រូវបញ្ជូនទៅកាន់មន្ទីរពេទ្យនៅថ្ងៃទី២៤ ខែមិថុនា មិនមានការបញ្ជាក់ពីមូលហេតុឡើយ។ លោកមានជំងឺជាប់ខ្លួនជាច្រើនតាំងពីឆ្នាំ២០១៩ ហើយថ្មីៗនេះ ទើបឆ្លងកាត់ការវះកាត់បេះដូងផងដែរ។

 

លោក អាគីណូ ដែលធ្លាប់ជាសមាជិកព្រឹទ្ធសភាពីឆ្នាំ២០០៧ ដល់ឆ្នាំ២០១០ ជាកូនប្រុសរបស់អតីតប្រធានាធិបតី លោកស្រី កូរ៉ាហ្សូន អាគីណូ និងសមាជិកព្រឹទ្ធសភាល្បីឈ្មោះខាងលើកកម្ពស់ប្រជាធិបតេយ្យ បេនីកណូ នីណយ អាគីណូ ៕