COVID-19
ជាតិ
សេដ្ឋកិច្ច
ប្រាក់សប្បុរសជនដែលទទួលបានក្នុងយុទ្ធនាការប្រឆាំងកូវីដ-១៩ មានជាង១២២លានដុល្លារអាមេរិក
× សម្តេចនាយករដ្ឋមន្ត្រី ហ៊ុន សែន បានបញ្ជាក់ឲ្យដឹងថា ចលនាសប្បុរសធម៌ដែលរាប់ចាប់តាំងពីព្រះករុណាព្រះមហាក្សត្រ និងសម្តេចព្រះវររាជមាតា នាំឲ្យរដ្ឋទទួលបានប្រាក់ជាង១២២លានដុល្លារអាមេរិក។ ថវិកាទាំងនោះ ត្រូវបានប្រើប្រាស់សម្រាប់ការទិញវ៉ាក់សាំង ការទិញឧបករណ៍តេស្តរហ័ស និង១៥លាន៤សែន៣០០ដុល្លារ ត្រូវបានយកទៅទិញមន្ទីរពេទ្យមួយផងដែរ។ ប្រមុខរដ្ឋាភិបាលបានអះអាងបែបនេះនាអំឡុងពេល ដឹកនាំកិច្ចប្រជុំ និងថ្លែងសារពិសេសដោះស្រាយបញ្ហាជំងឺកូវីដ-១៩ ដែលកំពុងរីករាលដាលនៅក្នុងប្រទេសកម្ពុជា តាមប្រព័ន្ធវីដេអូ ថ្ងៃទី១ ខែកក្កដា ឆ្នាំ២០២១។
សម្តេច ហ៊ុន សែន បានរៀបរាប់ថា ក្នុងចំណោមថវិការបស់សប្បុរសធម៌សរុប១២២,២៣៦,៥៧៥ដុល្លារ ដែលប្រើសម្រាប់ប្រយុទ្ធប្រឆាំងនឹងជំងឺកូវីដ-១៩នេះ មានជិត១០២លានដុល្លារ ប្រើសម្រាប់ទិញវ៉ាក់សាំងបង្ការកូវីដ-១៩ និងថវិកាចំនួន៥,៥លានដុល្លារទៀត គឺប្រើប្រាស់សម្រាប់ទិញឧបករណ៍ធ្វើតេស្តរហ័ស(Rapid Test) រកមេរោគកូវីដ-១៩។ ដោយឡែក ថវិកាជាង១៥,៤លានដុល្លារ ទៀតនោះ រាជរដ្ឋាភិបាល បានយកទៅទិញមន្ទីរឯកជនមួយកន្លែងសម្រាប់ព្យាបាលអ្នកជំងឺកូវីដ-១៩ ដោយបច្ចុប្បន្ន មន្ទីរពេទ្យនោះ មានឈ្មោះថា «មន្ទីរពេទ្យហ្លូងម៉ែ»។ © រក្សាសិទ្ធិដោយ thmeythmey.com